الفارق بين شفيق ومرسي

المشاركة الأصلية كتبت بواسطة سلفيه استاذ وليد من هم المجلس العسكرى وحكوماته الثلاث فى نظرى هم حاشيه مبارك ومازالوا لن اصدقهم وهم فى ايديهم كل سلطه متحكمه فى البلد لن اصدقهم هؤلاء السفاحين لن اصدق القاتل واكذب المقتول ولو حضرتك مش مصدقنى ممكن احضر اليك الفيديوهات التى تدينهم حقا

الخبر دا اهداء لحضرتك استاذة سلفية
دي مخلفات المتظاهرين المحترمين على حد زعمك ووصفك ليهم

شهدت منطقة الوايلي حالة من الرعب والفزع بعد عثور رجال الأمن علي قنبلتين بجوار مسجد النور بالعباسية أثناء عبث أحد أطفال المنطقة بهما.. تبين أن القنبلتين جاهزتين للانفجار فتم الاستعانة بخبراء المفرقعات لإبطال مفعولهما وإعدامهما بمعرفة رجال القوات المسلحة وتحرر محضر بالواقعة وأخطر اللواء محسن مراد مساعد أول وزير الداخلية لمنطقة القاهرة وتم تشكيل فريق بحث لكشف ملابسات الواقعة.. تلقي العقيد محمد الألفي مفتش مباحث الوايلي بلاغاً من الأهالي بالعثور علي جسم غريب يشبه القنبلة بيد أحد الأطفال أثناء لعبه بالحديقة المجاورة لمسجد النور فانتقل المقدم أيمن صالح إبراهيم رئيس مباحث الوايلي وتبين وجود قنبلتين فتم إخطار رجال المفرقعات وإبطال مفعولهما وأخطر اللواء أسامة الصغير مدير الإدارة العامة لمباحث القاهرة وجاري تكثيف الجهود لمعرفة مصدرهما.
!!!!!!!!!!!!!!!!!!!!!!!!! !!!!!!

[ali farouk]

لو أصبح شفيق رئيس لمصر بعد الثورة هنبقى مسخرة ومهزئة العالم
ناس قاموا بثورة ضد نظام فاسد ليأتى نفس النظام ونفس الوجوه بعد الثورة
واللى هيقول شفيق غير مبارك هقوله أحمد زى الحاج أحمد
شفيق أيه ...............يا راجل

[د/احمد الالفي]

بالتأكيد برضة اللي ماتوا ماماتوش عشان الاخوان تمسك البلد

اللي ماتوا كان من ضمنهم اخوان وكان هدف الجميع اخوان وسلفيين وليبراليين الشعب يريد اسقاط النظام ولم يكن شعارنا الشعب يريد شفيق واسقاط الاخوان

اما بالنسبة للي شافوا الثورة في التلفزيون بعد ما خلصت فتم عرضها علي انها امبراطورية شين الجزء الثاني من امبراطورية ميم مع الفارق في الجزء الاول كان البطل فاتن حمامة وفي الثاني احمد شفيق

[ahmed_rahem]

من يحسبون على الثوار لم يستطيعوا التوحد وبالتالى ضاع صوتهم، وبتيقى الفيصلين المنظمين وهم الاخوان وبقايا الحزب الوطنى - الفلول.
الخطيئة ان احنا بنقارن بين:
1- فيصل معاة كل ادوات الدولة - الفلول وبالتالى سوف يأتى اكثر شراسة مما سبق وكلة بالقانون. مثال انا حالياً مدير سئ ومطلع عين الموظفين الى تحتى، وفجأة الموظفين الى تحتى خلونى زيهم او اقل وخاتلى فرصة تانى انى ارجع مدير هل هتعامل معاهم كويس تانى، مستحيل مش هخلى حد يقدر يفكر يفتح بقة.
شفيق فى احد اللقاءات الصحفية قال: لو التحرير ولع هطفية بالى فية وان دة مجرم وبالقانون. قال يعنى ثورة 25 يناير كانت بموافقة القانون!!!
يبقى متفائل جداً من يجرب نفس الشئ مرتين ومتوقع نتائج مختلفة.
هيتقال انة مش زى مبارك، هقولك صح ولكن من سوف يعاونة - بقايا الجزب الوطنى - واحنا كانت مشكلتنا مع النظام وليس مبارك فقط وبالتالى اجيب حاشيتة تانى لية؟

الاخوان، ارتكبوا اخطاء سياسية سيئة خلال الفترة الماضية، كان مفروض بما انهم اكثر تنظيماً، تنظيم القوى الثورية والعمل على تغيير النظام ولكن لسبب او لاخر لم يفعلوا وفضلوا العمل منفرداً.
كون التخويف ان المرشد هو الى هيعمل وهيسوى، يبقى نسيت ان فية ادوات فى الدولة مش تحت اديهم وبالتالى هيكون فية شوية مقاومة سياسية - انما الفلول مقاومة دموية - وكمان باقى القوى الثورية مش هتسيبهم يلعبوا لوحدهم.
احنا محطوطين فى خيار نتيجة الفترة الماضية من تفتت صوت الثورة الحقيقى وبالتالى وصول القوتين المنظمين فقط للاعادة. بس اختيار اعادة النظام فشل لكل الى حصل - والخلافات هتكون دموية والاخوان هيكونوا الو من يدفع التمن لانهم الوحيدين المنظمين انما الثوار مشتتين وسهل تشتييت صوتهم - والدليل انتخابات الجولة الاولى وتشتييت الاصوات بين مرشحين الثورة، وانتخاب الاخوان - ولو المرشد هو الى هيمشى زى ماكل الناس خايفة - افضل كتير لان فى الحالة دى خلافات سياسية والحلول بتكون حل يرضى جميع الاطراف، انما الفلول هيدوس على الكل.
والسلام ختام

[mhamdy75]

اخر اخبار ميدان التحرير

35 minutes ago

يقولك البسطاء هم الى اختاروا الفشيق ..اومال دى ايه ؟؟ ..See Translation




271Like · Comment · Share