|
|||||||
| ميكانيكا السيارة يحتوى على المعلومات الفنية عن المحركات و أجزاءها و ناقل الحركة (الفتيس) و القابض (الدبرياج) و تجارب الصيانة الميكانيكية |
 |
|
|
أدوات الموضوع |
|
|||||||
| ميكانيكا السيارة يحتوى على المعلومات الفنية عن المحركات و أجزاءها و ناقل الحركة (الفتيس) و القابض (الدبرياج) و تجارب الصيانة الميكانيكية |
|
|
|
أدوات الموضوع |
|
#1
29-12-2010, 05:21 PM
|
|||
|
|||
مشكله فى عمليه تسخين السياره . ارجو الاهتمام من زوى الخبره
انا عندى عربيه لانسر موديل 92 بطه كلنا عارفين لما تيجى تدور العربيه وهيا بارده بتلاقى صوتها بيبقى عالى فى الاول وبعدين صوتها بيهدى خالص وبتلاقى عداد الار بى ام رافع عن الواحد واظن مش فى كل العربيات بيبقى على الواحد علطول المهم انا جيت ادور من يومين كده لقيت العربيه دارت وتمام بس صوتها ما علاش خالص وواتى جدا اكنها سخه وعداد الار بى ام بين الواحد والصفر ودا لما تكون سخنه عندى بيبقى فى المعدل دا واجى ادوس بنزين الاقيها تقطع وتتخنق روحت للميكانيكى جمبى قالى الشفاط مش شغال والشفاط اللى بيقول عليه دا ليه فيشه قالى مش واصله كهربا روحت للكهربائى قالى واصله كهربا وتمام وعرفت ان الميكانيكى بيلبخ والكهربائى مش عارف ايه دا فا سبتها على وضعها علشان محدش يقعد يحور عليا ويتلعب فى المكنه ارجو من اللى يقدر يحددلى العطل دا او اسبابه ايه او اى حد مرت عليه المشكله دى قبل كدا وشكرا جزيلا
|
|
#2
29-12-2010, 09:19 PM
|
||||
|
||||
رد: مشكله فى عمليه تسخين السياره . ارجو الاهتمام من زوى الخبره
فعلا دى مشكلة فى منظومة الشفاط الكهربى عندك
واضح أن ملف التسخين مش واصله كهرباء أو باظ الملف وبالتالى الشفاط مش شغال وباب السلانسيه أعلى الكربوراتير بيستمر مفتوحا على آخره كأن المكنه ساخنه وبالتالى عمر ال rpm بتاع أول الدواره ماحيرفع فوق الواحد ( أى فوق ال 1000 لفه ) إلا أما تعالج مشكلة الشفاط
__________________
 قال رسول الله  إن الله ليملى للظالم ............حتى إذا أخذه .....لم يفلته صدق رسول الله ___________ م/سمير
|
|
#3
01-01-2011, 07:01 PM
|
|||
|
|||
|
رد: مشكله فى عمليه تسخين السياره . ارجو الاهتمام من زوى الخبره
طيب بعد ازن حضرتك ممكن توضحلى اكتر او تجبلى صوره للشفاط ده او حله ايه او ايه اللى عاوز يتغير او يتصلح وهل بيبقى فى الكربراتير ولا مكان تانى وياريت بعد ازنك صوره للشفاط ده او مكانه فى الكربراتير
|
|
#4
01-01-2011, 07:29 PM
|
||||
|
||||
رد: مشكله فى عمليه تسخين السياره . ارجو الاهتمام من زوى الخبره
 ده منظر للكربوراتير من فوق بعد ماتحل عمة الكربوراتير السهم أمامك بيشير لباب التحكم فى تسخين السياره مع أول الدواره فيه إللى بيسميه باب السلانسيه وفيها اللى بيسميه باب الأتشوك ....وفيه اللى بيسميه صمام الحاكم وفيه اللى بيسميه باب الشفاط الباب ده مع الدواره على البارد بيكون شبه موارب علشان يسمح بدخول نسبة هواء بسيطه من عقب الباب ( لأن الباب متوارب ) لخلق تخلخل داخل الكربوراتير وتشغيل مسمار البنزين وبالتالى نقدر نسحب بنزين كتير فى الوقت ده علشان نخلى مخلوط الهواء والبنزين غنى جدا للحصول على عدد لفات فوق ال 1000 لفه ( ممكن لحد 1300 لفه مثلا ) لكى نجعل المكنه شاده حيلها وقت التسخين وده السبب اللى بيخليك تحس أن صوت المكنه عالى شويتين مع أول الدواره مع شغل المكنه فى فترات التسخين بيبدأ الباب ده يفتح سنه سنه مع نفسه (أوتوماتيك ) ________________________ فى حالة وجود سخان كهربى فعند بداية تشغيل المكنه يبدأ تيار كهربى فى تسخين عضو حرارى ( ثرمو كبل ) بالتدريج وواحده واحده يروح الأذدواج الحرارى ده فاتح الشفاط لأحد آخر مشواره ومخللى الشفاط واقف على سيفه ودى أقصى حالة فتح لباب الشفاط علشان أحنا عاوزين بأه هواء كتير يخشلنا من الفلتر علشان ناخد أحمال صح من المكنه وللحفاظ على أستهلاك البنزين ___________________ لما بأه بتبطل المكنه وبتقطع كهرباء عن ملف تشغيل الأزدواج الحرارى للشفاط ( كلكيعه كده بنكون على نهاية أكس الباب من جانب الكربوراتير ) بيروح الأذدواج الحرارى منكمش تانى ورادد الباب ومواربه زى ماكان بالضبط أستعدادا لدورة دواره جديده على البارد
__________________
قال رسول الله إن الله ليملى للظالم ............حتى إذا أخذه .....لم يفلته صدق رسول الله ___________ م/سمير
|
|
#5
15-01-2011, 10:16 AM
|
|||
|
|||
رد: مشكله فى عمليه تسخين السياره . ارجو الاهتمام من زوى الخبره
 لو باب السلانيسيه شغال بس المشكله ان العربيه لازن تشعر بنزين عشان الار بى ام ينزل يعنى السخان يفصل كدة يبقى فى ايه
|
|
|
|
