محتار بين تويوتا فورتشنر 2012 و vs جيب شيروكي ( ليبرتي ) 2012

[jeep liberty]

السلام عليكم ورحمة الله


انا محتار جدا بين سيارتين دفع رباعي suv وهما :


1- تويوتا فورتشنر الجديدة

موتور 4000 سي سي 6 سلندر وهي بسعر 330.000 جنيه




2- جيب شيروكي ( ليبرتي ) 2012

موتور 3700 سي سي 6 سلندر الدرجة بسعر 330.000 جنيه




وبصراحة السيارتين متقاربتين في كل شيء في القوة والاداء والسعر لذلك ارجو المساعدة السريعة وشكرا

[محمدصلاح القاضى]

اكيد جيب
لانها بتمتاز بكل حاجه
غير ان الفورتشنر مش حلوه كصالون من جوا
لكن الجيب كفاية اوووى انها جيب

[Toyota Corolla]

حضرتك شوف أنت مايل لميين فيهم و ممكن تعملهم تست درايف برضه عشان تتأكد من أختيارك لأن كل واحد و ليه ذوقه و أنا عن نفسى شايف الليبرتى أفخم من الفورتشنر و هى فعلا أفخم بس أنا بتقرف من شكل الليبرتى الجديدة من قدام و ديه عموما أذواق ،وأنا عن نفسى لو وضعت أمامى مقارنه بين تويوتا و أى سياره أخرى لأكتفيت بشعار تويوتا و فى الأخر لازم حضرتك اللى تقرر مفيش حد هيقررلك مع تمنياتى لك بالتوفيق

[Daewoo_Lanos]

انا ليا واحد قريبى كان معاة الليبرتى ال2007 اللى هى كانت اخر موديل قبل الشكل الجديد اللى كان مكتوب عليها 65 و قريبى التانى معاة ال2009 الشكل الجديد..
هكلمك الاول عن اللى كان معاة ال2007 : اول ما جابها كان معجب بالعربية ملحوظتو عليها الثبات مش حلو...
التانى اللى كان معاة ال2009 كان طلعلو عيوب فى العربية بس هى احسن بكتير من القديمة و هى لغاية دلوقتى معاة و بيدخل بيها الصحراء كتير..
اللى كان معاة الليبرتى 2007 باعها و جاب تويوتا فورتشنر 4000 سى سى ..هو بيقولى لاتقارن ب الليبرتى اللى كانت معاة ..من حيث عفشة انعم و ثبات و يقولى تحس فعلا انك راكب جيب..مع انى حاسة مبالغ شوية لانها فى رأيى تويوتا دوبل كابينة متقفلة بس بردو انا برتحلها عن الليبرتى ...
انا حبيت بس انقل لحضرتك تجربتهم و اعذورنى انى مديتش تفاصيل كبيرة لان انا بشوفهم كل فين و فين..

[عمرو الشبراوى]

انا جربت الليبرتى 2008 ، عربية ممتازة بكل المقاييس ، و ثباتها ممتاز ، و فعلا تحس انها مصممة للطرق الوعرة و الصحراء ، اما الفورتشنر مجربتهاش لكن شفتها فى معرض سيارات ،حسيت انها فقيرة من الداخل عن الليبرتى ، و محبتش شكلها الخارجى نهائى ، بس عموما معرفش احكم عليها لانى مجربتهاش ، بس انا انصحك طالما هتركب دفع رباعى ، تبقى جيب .