نفسي اشتري 128 موديل جديد ياريت تساعدوني

[zing0]

و فى حاجه كمان عاوز أقولها
اللادا (عربيتى و كل عربيه من أنتاج روسيا تبع نفس الشركة)
أحلى عربيه فى الكون ...لو حالتها زيرو
و عذاب العذاب لو حالتها وحشه
و صعب تلاقى عربيه لادا موديل ثمانينات حالتها أفضل من عربية لادا حديثة

و الله العظيم و ربنا يشهد على كلامى
كنت مرة واقف بأغسل العربية و واحد فى الشارع معرفوش جه بيقولى إيه رأيك عاوز أجيب لادا و كان معاه فولكس بيتل
قولتله البيتل إللى معاك لو مريحاك بلاش تفرط فيها, برقبة اللادا
عادى يعنى هيا من بقيت أهلى.

[mr7ussen]

128 موديل 89 وانت طالع

مع تظبيط عفشه وميكانيكا وكهرباء عند ناس بتفهم

هتبقا احسن من اى عربيه سعرها اقل من 25 الف ,, وكلامى عن تجربه مش كلام على الفاضى

ولو عملت اللى قولتلك عليه ده وظبط ال3 حجات عند ناس بتفهم هتنسى الصيانه لمده شهرين على الاقل ولما هتزور الصيانه هيبقا عشان حجات بسيطه

والعربيه من الاخر استعمال ,, يعنى هتجرى وتاخد مطبات وتبهدل فيها اكيد هتتقرف صيانه
هتهدى وتسوق صح وتظبط عفشه وميكانيكا وكهرباء صح عند ناس بتفهم هتستريح جدآ

ولا تقولى سوزوكى ماروتى اللى ممكن هوا مأتوره يقلبها ولا ريجاتا ولا اى حاجه من اللى فى سعرها

[ahmed.mt911]

الباشا اللي كان بيسال علي الشاريد سعرها كده ازاااي --- اتفضل ياباشا واحدة موديل 1993 ياباني واحسن مليون مرة من الفيات 128


الراجل طالب 22.000 ويوم ما تحب تخلص معاه هتاخدها ب19000 او اقل كمان

الاعلان اهوه للناس اللي بتشكك في الاسعار اللي بنقول عليها

http://www.contactcars.com/usedcars/engines/1634878

[الملطعة]

انا برضه عاوز اشترى 128 لسه جديد على العربيات وفلوسى على قدى

[محمد يسرى محمد]

الله ينور عليك يا باشا انا مثلك تماما و مقتنع ب 128 و على فكرة أى عربية ممكن تعطل لو انت أهملت فيها و كمان انا شغال فى الغردقة و و بسافر بيها من القاهرة الى الغردفة و العكس و الحمد لله مريحانى انا و اولادى و ياما قسيت عليها و مزعلتنيش و لما جاءت الثورة بعتها علشان السياحة وقفت تماما و الحمد لله جبت واحدة غيرها من شهرين موديل 82 و بحمل عليها شنطى انا و أولادى فى السفر يعنى بخليها نص نقل و الحمد لله اللهم لا حسد . و شكراً