مطلوب ترشيح تليفون أندرويد

حبيبي حسام باشا انا معاك بس موقع سامسونج دلوقتي نزل خدمة Samsung Apps وده بقا في تطبيقات مش بطاله لنظام البادا وفعلا نظام الاندرويد في تطبيقات اكتر بكتير بس ده للي دماغه رايقه وليه في التجارب

[star over]

المشاركة الأصلية كتبت بواسطة حازم شاهين بس حاليا الؤشرات كلها بتقول إن المستقبل لأندرويد و لسه مش باين نتيجة تخلى نوكيا عن سيمبيان و التركيز على ويندوز هتنجح و لا إيه، بالإضافة إلى مشكلة أخيرة إن نظام و يندوز نظام محمى و مغلق بعكس أندرويد المفتوح

هو كفاية ان الجهاز نوكيا في بلدك النوكيا ورقة رابحة دائما .. انما الويندوز مبشر بالخير بصراحة من الواجهة والشكل وليه تطبيقات كتير .. مش زي الاندرويد اكيد بس الويندوز لسه طالع فمش بيتحكم عليه دلوقتي
لكن باي حال اندرويد او ويندوز هيبقوا احسن من الايفون المبالغ فيه وفي سعره ده

[د.هبه77]

هو في نقطة تانية بعيدة شوية عن حتة نوع الموبايل انا بالنسبة لي كنت بعتبرها مهمة جدا
الا وهي ان انا مبحبش ان كل الشغل اللي عالموبايل يكون من خلال تتش سكرين وكنت بفضل الموبايل يكون فيه qwerty كيبورد افضل تخفف الحمل شوية من علي التتش سكرين ومع ذلك برضة الشاشة بازت وغيرتها مع العلم انها مكلفة جدا تقريبا نص تمن الجهاز
وكمان الكيبورد كنت بحس انها تكون منزلقة ولما يتفتح يبقي شبة اللبتوب (مايل شوية) اريح للعين وكمان المسافة بين زراير الكيبورد مهمة عشان تقدر تكتب الزراير متكونش لازقة جنب بعضها
دي من العوامل اللي فرقت معاية جدا في اختياري للموبايل

[Al Ghareeb]

الأندرويد نظام ممتاز مبنى على نواة لينيكس Linux

مع كامل احترامى الأندرويد أقوى من السيمبيان و من الويندوز موبايل القديم و حتى الجديد اللى لسه هيبرمجوه أو حتى بيفكروا فيه

الأندرويد مشروع مدعوم كاملا من جووجل و بتلاقى برامج وخدمات بلا حدود و خش على الماركت و شوف https://market.android.com

بيشترك فى تطويره ملايين المبرمجين من كل العالم لأنه open source مفتوح المصدر

نظام مجانى كاملا يعنى سعره مش متحمل على سعر الجهاز و شوف أسعاره مقارنة بأجهزة السيمبيان و الويندوز موبايل ( أنا اشتريت جهاز جديد أندرويد Huawei U8230 كان تبع اتصالات ب 600 جنيه )
http://www.gsmarena.com/huawei_u8230-3191.php

و الأندرويد ممكن يشتغل على أجهزة الكمبيوتر http://www.android-x86.org

أهم حاجة لما تشترى جهاز انك تشوف قابليته للتحديث لأن دى حاجة مهمة

[alymonir]

أنا اشتريت الsamsung galaxy ace
بجد جهاز تحفة