تحذير من اصلاح الكاوتش في بنزينة مصر للبترول أول عباس العقاد

[pointer]

كمان بنزينه طريق النصر مع يوسف عباس الراجل اللي هناك كاتب اللحام ب5 يقول لك بعشرين طب مانت كاتب 5 لا في بند تحت الا ما يتفق عليه اسعاره استعباط وطريقته طريقه مش كويسه فين الاسعار المعلنه وطبعا مش هتلاقي عنده حد الا اللي ميعرفش وهيعرف لما يجي يتحاسب

[AbOnOrA]

بصراحة البنزينات كلها الخدمة الفنية فيها سيئة جدا كانهم مش صنيعية اساسا لا اسلوب ولا صنعة

[MohabSaeed]

يا جماعه انا مخنوق من بنزينه مصر ديه ... انهارده كنت ماشى بالعربيه و لقيت سيده شابه وشايله طفل على ايدها وواقفا بتصلح كاوتش عربيتها" كورولا الشكل قبل الاخير " فى البنزينه ديه . انا فكرت انزل واروح اقولها على الموضوعكله بتاع البنزينه الفاشله ديه ..... بس قلقت احسن هيه تقلق منى او ماتقبلش كلامى .... بس والله كانت صعبانه عليا جداااااااا و كان نفسى اعمل اى حاجه .. اى تصرف . حرام الناس الى بيتنصب عليها ديه وتطلع من البنزينه دافعه 100 : 120 جنيه .

ياترى فى حل .. ممكن مثلا نبلغ عنهم مثلا ؟ " معلش ساعات بحلم ان فى قانون " .

[islam_galal]

نفس الموقف حصل معايا الاسبوع اللي فات كنت معدي من هناك و شفت سكودا أوكتافيا و صاحبها راجل كبير و مبقتش عارف أعمل إيه
حسيت إني سلبي شوية بس ملقتش حل بديل

[AbOnOrA]

بصراحة يا جماعة ديه فعلا سلبية

المفروض الواحد يعمل اللى عليه وخلاص سواء الشخص اللى قدامة اقتنع او انتبة اساسا او لاء لانه كده هيريح ضميرة على الاقل

وبعدين ديه مش نصيحة عامة يعنى انا عامة بنصح ان محدش يتعامل مع البنزينات فى اى حاجة فنية لا كاوتش ولا ترصيص وزوايا ولا حتى تغيير زيت الفتيس منصحش بيه فى البنزينات وديه نصيحة عامة

لاكن انتوا بتقولوا ان البنزينة ديه تحديدا فيها مشكلة يبقى وجب التحزير الله يفتح عليكوا علشان انتوا كده ممكن تاخدوا ذنب الشخص اللى ممكن يتأذى منهم