ايه الحل مع تزييق الابواب الممل ده ؟؟

[abokoko]

المشاركة الأصلية كتبت بواسطة Komy يا باشا ولا شحم ولا اسبراى , معليش يعنى مع احترامى لكل الاعضاء . انت اكيد عندك زيت من بتاع العربية لما بتغير بيتفضل ف الجركن نص كيلو .... صح ... هات سرنجو وحط بيها الزيت فى الكوالين او وانت عند الميكانيكى خد المزيتة بتاعته وزيت بيها الكوالين مش المفصلات ( الكالون اللى ف الباب نفسه ) وانس التزييق خالص انا عملتها ف الفيرنا بتاعتى القديمة

انا جربتها وكويسه
بس بتلم تراب بصوره كبيره
ممكن wd40بس رشه بسيطة وتستنى شويسه وتمسح بفوطه

[star2008]

اية زيت او WD_40 او حتة بسرنجة صغيرة وشوية زيت عربية وعلى المفصلات بعد شوية تمسحهم وكلة يبقى تمام

[TiTo Sky]

انا عندي نفس التزييق برضو

بسس في باب الشنطة

[abokoko]

المشاركة الأصلية كتبت بواسطة TiTo Sky انا عندي نفس التزييق برضو بسس في باب الشنطة

بلاش تيجى عند باب الشنطة الا لو على مساعدين (زى بتوع البيجو )
باب الشنطة بيبقي زة سوسته ولما حطيت عليه نقطه زيت لقيته بمجرد ما بيترفع بينزل الا لو حد بيفض ماسكه بايده -- فسيبه احسن زى ما هو

[lord_diago]

يا جماعة انا جربت السبراي بس برده لسة في تزيييق من الابواب مع المكان المكسرة او المطبات الناشفة فهل في حد عنده حل تاني ؟؟ ولا ممكن يكون التزييق ده من الابواب اصلا !!