اختبار قيادة : تويوتا كورولا 2008 المزودة بعلبة التروس الذكية

[Ahmed Anwer]

بس هوا يا باشمهندس محمد

محدش قال ان الفتيس فيه عيب بحيث يعني انه بيبوظ او بيعطل

كل الكلام علي ادائه و انه ليه طبيعة مختلفة

النسبة الاكبر من المستهلكين المصريين رفضتها

و الا ايه معني ان التوكيل نزلها بفتيس اوتوماتيك ؟؟

و دي غلطة التوكيل كان المفروض يفهم المستهلكين و يشرحلهم قبل ما يبيعها

و يكون صريح في النقطة دى

او بقه يعمل دراسات قبل طرحها و يشوف السوق هيقبلها و لا لأ

[vortec]

أ.أحمد أنا زي ما ألتلك الخيار متاح من الأول لأن التوكيل فيه كورولا مانيوال وأوتوماتيك يعني ماكانش الmmt فرض علينا ولا حاجة الفكرة أنا حسيت ان العربية متميزة عن الخليجي بتكنولوجيا جديدة ومختلفة طول عمرنا بنركب مانيوال وأوتوماتيك والتجديد مطلوب هي زي ما ألت مالاقيتش قبول في الشارع المصري واضافة كمان انها أقل نسبة مبيعات في فئتها بس السبب ان سعر السيارة مرتفع مش بسبب ان العربية فيها مشاكل ولا حاجة السبب التاني ان أي تكنولوجيا جديدة في البداية بتلاقي رفض من الناس زي ما انت عارف طبعا علي سبيل المثال لما شركة ستروين الفرنسية صنعت نظام الدفع الأمامي والكبالن في الفترة دي اللي كان بيركب عربية دفع أمامي في مصر كانت الناس بتتريأ عليه وأنا عن نفسي من عشاق التكنولوجيا بأشكالها.
حضرتك تقدر تشرفني في أي وقت وتجرب العربية فعليا.


ENG.Mohamed Essam

[فادى]

أي تكنولوجيا جديدة في البداية بتلاقي رفض من الناس زي ما انت عارف طبعا علي سبيل المثال لما شركة ستروين الفرنسية صنعت نظام الدفع الأمامي والكبالن في الفترة دي اللي كان بيركب عربية دفع أمامي في مصر كانت الناس بتتريأ عليه وأنا عن نفسي من عشاق التكنولوجيا بأشكالها.

الفتيس ده مش تكنولوجيا جديدة و لا حاجة, و لا اختراع فضائى من تويوتا, الفتيس تم تطويره أولا فى فيات الايطالية و استخدم فى سيارات السباق ثم نزل الى الطرقات عام 1999 (يعنى من 10 سنين) مع الفاروميو 156 سيلسبيد.
و انتشر بعد ذلك و طورت جنرال موتورز و فولكس و غيرهم نظما مشابهة و تعاونت بى ام دبليو مع فيات لتطوير الفتيس الخاص بها, و كانت أخرهم تويوتا التى تعاونت مع بورش لانتاج هذا الفتيس, و طبعا لم تستطع تطويره بشكل يوازى أداء السيارات الأوروبية.
على فكرة فتيس الأوبل يعمل بنفس طريقة الMMT و مش اوتوماتيك و لا حاجة.
http://en.wikipedia.org/wiki/Easytronic

[aymang]

انا كان عندي تويوتا كورولا 2008 في دبي والصراحه كنت ناوي انزلها مصر بس للاسف لاقيتها ما تستاهيلش اللي هدفعه فيها لانها
1- خفيفه علي الطريق
2-سرعة رد الفعل بطيئه نسبيا
3-التسارع من صفر الي 100 ضعيف جدا الصراحه مش عارف كام بس اللي اعرفه دايما لما اكون في الاشارة وابدأ اعبرها بتبقي بطيئة بالنسبه للانسر والماذدا 3
انا حبيت اقولقكم تجربتي وشكرا

[aymang]

انا كان عندي تويوتا كورولا 2008 في دبي والصراحه كنت ناوي انزلها مصر بس للاسف لاقيتها ما تستاهيلش اللي هدفعه فيها لانها
1- خفيفه علي الطريق
2-سرعة رد الفعل بطيئه نسبيا
3-التسارع من صفر الي 100 ضعيف جدا الصراحه مش عارف كام بس اللي اعرفه دايما لما اكون في الاشارة وابدأ اعبرها بتبقي بطيئة بالنسبه للانسر والماذدا 3
انا حبيت اقولكم تجربتي وشكرا