العودة   مصر موتورز مجتمع السيارات > السيارات الكورية والماليزية > كيا KIA

كيا KIA احد اعمدة عملاق الصناعة الكورى اندمجت مع هيونداى لتصبح اكبر مجموعة فى كوريا الجنوبية بينما بدات باعادة تجميع موديلات مازدا القديمة من اشهر الموديلات بيكانتو - سيراتو - ماجنتيس - كارينز - ريو - اوبيروس - كارنفال - سورانتو


إضافة رد
 
أدوات الموضوع
  #21  
قديم 31-12-2011, 06:58 PM
ناصر حسن ابراهيم صالح ناصر حسن ابراهيم صالح غير متواجد حالياً
من انا؟: الفقير الى الله
التخصص العملى: مدير مالي
هواياتي: كرة القدم
 
تاريخ التسجيل: Apr 2009
الموقع: الطائف
المشاركات: 293
ناصر حسن ابراهيم صالح is a splendid one to beholdناصر حسن ابراهيم صالح is a splendid one to beholdناصر حسن ابراهيم صالح is a splendid one to beholdناصر حسن ابراهيم صالح is a splendid one to beholdناصر حسن ابراهيم صالح is a splendid one to beholdناصر حسن ابراهيم صالح is a splendid one to beholdناصر حسن ابراهيم صالح is a splendid one to behold
افتراضي رد: شويه صور التقطها للكيا سبورتاج 2012 من معرض الطارق

لا هي مش غالية 160,000 مناسب ولكن الخوف من قوة الماتور والعزم والتكييف
رد مع اقتباس
  #22  
قديم 31-12-2011, 07:54 PM
الصورة الرمزية 3bd0
3bd0 3bd0 غير متواجد حالياً
 
تاريخ التسجيل: Jan 2011
المشاركات: 332
3bd0 has much to be proud of3bd0 has much to be proud of3bd0 has much to be proud of3bd0 has much to be proud of3bd0 has much to be proud of3bd0 has much to be proud of3bd0 has much to be proud of3bd0 has much to be proud of3bd0 has much to be proud of3bd0 has much to be proud of
افتراضي رد: شويه صور التقطها للكيا سبورتاج 2012 من معرض الطارق

بصراحة شكل العربية الخارجي داخل دماغي جدا، اللي مصممو معلم

تسلم ايدك يا استاذ يحيى على الصور وعلى مجهود حضرتك



المشاركة الأصلية كتبت بواسطة roffa1 مشاهدة المشاركة

ممكن تقولى -لو كنت متأكد- تمن الفردة 225/60/17 بتاعة الفئة التانيه و الهاى لاين بتتراوح من كام ل كام أصل انا سمعت النهارده بس : ان تمنها حوالى 1500ج .
و انا حجزت الفئة التانيه . فلو كان الموضوع كده اروح اسحب فلوسى . كمان سمعت اشاعه ان كاوتش الجنط ال17 بيعمل بلالين . واحد أكدلى انه كان عنده فى الشركه بتاعته عربيات مختلفه(باسات و جيتا و سيراتو و مازدا 3 ) و كلهم جانط 17 و كلهم عملوا بلالين
بما ان حضرتك عاوز حد متأكد، فا أنا بقولك من دلوقتي اني مش متأكد

بس صعب شوية ان فردة الكاوتش تعمل مع حضرتك 1500 جنيه، انا على ما اعتقد فردة الكاوتش بتاعت عربيتي كلفتنا في نفس الحدود وكانت (275/60/20) من بريدجستون
وعلى العموم وانتا ماشي في الشارع في اي وقت اسأل اي حد بتاع كاوتش هيديك المفيد

بالنسبة لموضوع البلالين، انا مش متأكد اذا حضرتك تقصد بسبب الركنة في التوكيل ولا بسبب الإستخدام الكتير، بس في كلتا الحالتين أعتقد انها بتعتمد في الأول والأخير على ماركة الكاوتش وجودة تصنيعه مش على الحجم خالص، مجرد رأي شخصي.



تقبلو تحياتي،
__________________



I love my MaDa
رد مع اقتباس
  #23  
قديم 31-12-2011, 08:06 PM
الصورة الرمزية oousaoo
oousaoo oousaoo غير متواجد حالياً
التخصص العملى: مهندس
 
تاريخ التسجيل: Jan 2010
الموقع: الاسكندرية
المشاركات: 681
oousaoo has a reputation beyond reputeoousaoo has a reputation beyond reputeoousaoo has a reputation beyond reputeoousaoo has a reputation beyond reputeoousaoo has a reputation beyond reputeoousaoo has a reputation beyond reputeoousaoo has a reputation beyond reputeoousaoo has a reputation beyond reputeoousaoo has a reputation beyond reputeoousaoo has a reputation beyond reputeoousaoo has a reputation beyond repute
افتراضي رد: شويه صور التقطها للكيا سبورتاج 2012 من معرض الطارق

تسلم ايدك مجهود رائع
رد مع اقتباس
  #24  
قديم 18-01-2012, 11:47 PM
الصورة الرمزية YahiaAshraf
YahiaAshraf YahiaAshraf غير متواجد حالياً
التخصص العملى: طالب بالأكادمية العربية للعلوم و التكنولوجيا و النقل البحرى بالاسكندرية
هواياتي: السيارات - الكمبيوتر
 
تاريخ التسجيل: Mar 2011
الموقع: Alexandria
المشاركات: 11,343
YahiaAshraf has a reputation beyond reputeYahiaAshraf has a reputation beyond reputeYahiaAshraf has a reputation beyond reputeYahiaAshraf has a reputation beyond reputeYahiaAshraf has a reputation beyond reputeYahiaAshraf has a reputation beyond reputeYahiaAshraf has a reputation beyond reputeYahiaAshraf has a reputation beyond reputeYahiaAshraf has a reputation beyond reputeYahiaAshraf has a reputation beyond reputeYahiaAshraf has a reputation beyond repute
مميز حصريا اول تقرير مصور عن كيا سبورتاج 2012

انا بس لسا ما كونتش انطباع عنها علشان اعمل تقرير

بس عموما راي مبداي
1-متور كافي لحجم العربية9/10
2-تكيف ممتاز10/10بس لسة تحت الاختبار
3-فرامل 7/10
4-عفشه كويسة 8/10 مش ناشفه و مش طرية
5- اوبشنز محتاجة تزيد كام حاجة خصوصا علي ل سعر ده
6-ارتفاع عن ل ارض كافي ل الطرق المصرية
7-ثبات 8/10 جبت بيها 100 بس كانت علي 2000 ل/د
8-خامات جيده الي حد كبير
9-حجم شنطة متوسط مقارنه ب عربيه سيدان محترمه
10-مساحة داخلية كبيرة جدا
11- تقيم عام 8/10 كل ده مبدئي لحد اول 1500 كم
اى سؤال؟
.

ادي الصور



































حجم الشنطة صغير بـال نسبة ل الميجان أنا معايا ميجان 2007 يعني في الميجان لما آجي أجيب حاجة من جوه الشنطة ب اضطر ان امد جوه قوي أما في السبورتاج قريب قوي مش حتبان إلى بـال صور وإن شاء الله حاصورها بس بكرة إن شاء الله


الكماليات اللي نقصة
1- الباركيج سينسور صوت بس يعني ماتعرفش الحاجة اللي وراك قريبة من انهو اتجاه بس هي قريبة
2- التحكم في ارتفاع نور الفوانيس لأن العربية علية فساعات بحتاج أوطي الفانوس علشان مااضايقش اللي أدامي
3- نور التابلوه منور على طول (أنا لسة مقرأتش الكتالوج يمكن بيتفصل)
4-لو أي باب مش مقفول كويس وجيت نزلت وافلت بـال ريموت بيقفل عادي مش بيقول بس نور الصالون بيفضل منور بس الصبح مش بيبان
5-مثبت السرعة مش بيقول مثبتها على كام
6-محتاجة الستارت ستوب في كل فأتها على المبلغ اللي مدفوع فيها
7-فتحات تكييف ل الكنبه الخلفية
8-وحدات رفع ل الازاز عيب قوي واحد يبقه جايب عربية بـال تمن ده وينزل يتأكد إن كل باب وكل شباك مقفول قبل مايمشي
9- كمبيوتر الرحلات مش بيقول اسهلكت قد إيه بنزين بس بيقول البنزين اللي معاك يكفيك قد إيه
ده اللي أنا فكره دلوقتي
معلش ماتاخذونيش على اخطائي الاملائية علشان أنا بستخدم مايكروسوفت مارين علشان أنا بطيء جدا في ال كتابة بـال عربي

الحاجات اللي خلتني افضل سبورتاج على قشفاي
1- الاوتوماتيك 6 سرعات توفير بنزين , ماتورر صوته اهدى , تسارع أفضل ,شعور بين النقلات تقريبا مفيش ,راحة جدااااااا
2- توكيل كيا أفضل (من وجهة نظري لأنه نفس توكيل رينو )
3- الكيا أكبر
4-ماتور 140 حصان
5-شكل في وجهة نظري برده أفضل
6-الكيا ارتفعها أكتر
7-الكيا معروفة من زمان إنها ملك الكوري
8- قطع غيار حتبأه متوفره أكتر لانها حتنتشر وبكرة تقول









و ده فيديو انا صورته لعربيتى






مفيش منها مانيوال

التسارع ماجاربتوش علشان لسة بـتلين بس جبت 120 وال r.p.m ماعادش 2.5

البنزين 95 ده اللي الكتالوج بيقوله (بنزين عالي الجودة) بس برده الكتالوج بيقول لو مش متوفر يبقه كل 15000 كله نحط منظف رشاشات حا اجبهالك بـال ظبط لما اطلع الكتالوج البيت علشان اتسالا فيه
الاسعار 173000 , 186000, 210000
ده لحد دلوقتي علشان أنا حاسس إنها حتزيد لأن الطارق اخد مني 10000 زيادة علشان استلم دلوقتي يا أما أستنى 3 شهور وأنا بسافر فمقدرش أستنى ده غير ان بقالي سنة مستنيها تنزل لانها كانت مفروض تنزل أول 2011 بس علشان ظروف البلد مانزلتش
وبعدين الطارق زود 15000 على اللي عايز يستلم دلوقتي من غير مايكون حاجز أنا حاجز من شهر 8 اللي فات علشان كده زود 10000 بس
وأسمع إن في القاهرة مزودين 25000 على اللي عايز يستلم دلوقتي
الطارق نزلوه 20 عربية بس في ال 3 فئات وأنا استلمت تاني واحد بعد أول واحد بـنص ساعة :D

الاوبشنز بالتفصيل موجودة على الفيس جروب kia motors egypt (ده الوكيل) فيال جنب الشمال حتلاقي count-down فيه البي دي إف بتاع كل الفئات وال حاجات اللي مش مكتوبة حاولها هنا إن شاء الله
زي مثلا لو مشغل سينسور الضوء وركن في حتة ضلمة وفتحت العربية بـتنور لحد ماتركب وبـ تنور برده لما تركن وتسيبها (walk me home)










الانجين 140 عند 6300 rpm حصان (gdi( gasoline direct injection _ مش عارف بـصراحة العزم قد إيه لانهم مش كاتبين
كان مفروض ينزل في السيراتوا مش عارف ليه مانازلهوش






بـال نسبة ل البنزين زي ماقلت مكتوب فيال كتالوج ال 92 مسموح بيه بس كل 15000 كله نحط منظف وفي الجروب بيتاع التوكيل قالوه بنزين 95 يخليها 140 حصان وبنزين 92 يخليها 133 حصان أنا حطيت 95 علشان التلين وإن شاء الله بعديها حاجرب افضي التنك وأحط 5 لتر 92 وأشوف حتسقف ولا لأ بس أنا سمعت من كتير إنها مش حيجرى حاجة بس برده الناس ديه عايزة تبيع
أنا عملت 300 كيلو النهاردة بس ويوم الخميس إن شاء الله حأسافر بيها القاهرة تعملها 600 كمان وبـ كده التلين يبقه خلاص ونجرب
التلين لمدة 1000 كيلو وما يزيدش الr.p.m عن 3 وما تسيبش العربيه على السالانسه لمدة تزيد عن 3 دقائق وما تسبتش على سرعة لمدة طويلة وما تكبسش فرامل مفاجاه








من الحاجات اللي عجبتني فيها إن نور التابلوه أبيض
2- الكاسيت شيك قوي وفوق الممتاز وفيه اوبشن إنك تطفي النور بتاعه وهو يفضل شغال علشان مايضايقكش في السفر بالليل صوته نقي ودرجة الصوت بتاعه بـتتغير حسب سرعة العربية
3- تكيف جميل جدا هو أوتوا ديوال زون وسرعات المروحة 6 أو 7 مش فاكر قوي
4- التابلوه عموما شكله شيك جدا






نسيت اقول مفيش فوج ليت خلفي





أنا حسب الشنطة لحد قبل الازاز علشان أنا مهم عندي جدا ان اباه شايف اللي وراية فيمصر عنا عايز طبآه شايف اللي قدامك واللي وراك واللي فوقك واللي تحتك لو امكن وكله فينفس الوقت ولو ينفع تركب سلك شائك حوالين العربية وإنت ماشي واللهِ حيبقه مفيد
وال فرامل أنا مقلتش إنها وحشة هي فعلا على حجم العربية مناسبة بس برده مصر هنا عايزاه لو ينفع تركب براشوت يطلع لما تدوس فرامل علشان تقف مرة واحدة برده ح يبقه مفيد لأن فيه ناس بـتمشي من غير نور فرامل وبـ تلاقيها وقفت مرة واحدة ومش بـتحس إنها وقفت إلى لما طبقه قريبه قوي














__________________









هي العفشة بين البنين هي ملتيلنك و حجم العجل 225 + ارتفاعه مساعدين العفشة جداً
أنا ما سقتش السيراتو علشان أحكم عليها بس أسمع انها ناشفة أنا مش بحس بعيون القطة إلي بتبإه بالعرض علشان تكسر العربيات ده

استهلاك البنزين بئه مكتوب ف الكمبيوتر الرحلات 10 ل / 100 كم بس دة جوا البلد و ف عز الزحمة يعني أقصى سرعة 40- 50

صوت الموتور مش مسموع لدرجة إن دورتها مرتين و هي دايرة علشان ما كنتش واخد بالي من ال-r.p.m العزل فوق الممتاز و أحسن كمان من الميجان

فرق الكماليات بئه
أولاً أنا مش بحب السقف البانوراما علشان حاجتين 1- بيخلي إلي قاعد جوا مكشوف أوي
2- الشعب بتاعنا عنده ثقافة التطويح أي حاجة يطوحه من البلكونة سجارة مولعة ماشي مياه مش نظيفة كيس زبالة مفيش مانع يا رجل دول بيتعركو من البلكونات و يحدف بعد بالطوب فلو حاجة حصلت لا قدر الله حى تغير السقف بمبلغ مش عاطفي
دة غير انك مش حى تفتحه ف الشتى علشان الدنيا بتشتي و ف الحر أوي حى تقفله علشان تشغل التكييف و ونت مسافر حى تقفله علشان التراب و الصوت فملوش لازمة

الستارت ستوب و السمرت كي دة إلي كويس،الكاميرا الخلفية برد مهمة نظراً لأن مفيش شاشة علشان تقولك بعدك قد اه ، لدات الفوانيس منظر بس و كمان بتخلي الفنوس مش بين أوي مش محتاجها أوي يعني
ال-esp و ال-downhill break control و ال-uphill start assist دول برد كويسين
ال-blue tooth يعني نص نص بس لو مكالمة خصوصي فحى تبإه فضيحة لأن سماعتها عالية
على فكرة عدادات رياضية شديدة الاضاءة مش زي السيراتو أنا ما نورته بس هو على النت الفرق إن كمبيوتر الرحلات شاشته أكبر و الرسم بتاع العدد فونت مختلف إدخل www.netcarshow.com جوا كيا جوا سبورتج 2011 تاني وحدة تحت ف أخر ال صفحات فيه العددين شوف الفرق
ألي بئه إنت دول يستهلو فرق ال-25000 الزيادة










ملحوظه
انا عربيتى الفئه القانيه
el-1600 نازلة 4X2 وال حجز في الوكيل be-40000 وال استلام بعد 5-6 شهور وفي الطارق بـتحجز b-1000 وتستلم بعد 3 شهور ده اللي اعرفه والله اعلى وأعلم








تقرير بسيط بعد el-1300 كيلو
1- العفشه بقت انعم بشكل ملحوظ + إني حطيت نيتروجن
2- الأبشنس اللي كنت بفتقدها بدأت اتعود عليها إنها مش موجودة
3-حجم العربية حسيت بيه لما وقفت ورا el-x3 وحسيت ان تقريبا اده وأكبر واعلى من el-x1
4- التحكم بتاع العربية ممتاز بس مش سريع ( يعني مش بأحس ان اقدر اخد غرزة سرعة كده ولو اختها العربية حتميل يمكن علشان ده فرق تابعت بينها وبين السيدان )
5- عزم العربية ممتاز وشدتها حلوة لحد 100 (لحد النقله ال 4 ) بعد كده أنا بخاف علشان لسة جديدة بس أنا بشد اخرها 4000 بس كده بس بأحس بـ الطالعة كويسة
6- حسيت النهاردة إنها على الأتو سحبها ضعيف فـجبتها ستب وسحبتها اتحسنت بـشكل ملحوظ فـأنا برجع ده ل نقل الفتيس (ال 6 بيجي على 65 كم تقريبا)
7- التكيف ما شاء الله جميل بس فعلا كانت محتاجة فتحات ورا
8-ارتفاع العربية كويس جدا بس يا سلام لو كان يبقه فيمستوى الدستر فرق حوالي 3-5 كم
9- على el-100 بـتحس إنك بـتجري علشان ارتفاعك عن الأرض بس أنا جبت el-150 وال ثبات زي ماهو بس برده لسة الاحساس إنك بـتجري
10- الابواب محتاجة هبدا خفيفة علشان تتقفل
11- الفرامل فها تحسن أو أنا اللي اتعودت عليها (لحد دلوقتي abs مااشتغلش لأنه مااحتاجش إنه يشتغل الحمد لله )
12- الفانوس اللي ورا كان محتاج يبقه لدات اللدات موجودة في الستوب اللي فوق بس










الاكتافيا أطول حوالي 10 سم
السبورتاج اعراض 10 سم واعلى حوالي 20 سم
مش عارف بـال ظبط ماتور لاكتافيا كام بس السبورتج 140 حصان
قطع غيار السبورتاج حتستحمل أكتر علشان هي هي نفس عفشت ال 4* 4
لاكتافيا فيها أوبشانزطبعا أكتر كتييير ومن جوه افخم كتير مفيش كلام
بس برده قطاع غيار اغلى
وأهم حاجة سعر اعادة البيع طبعا الكوري يكسب
فيمصر هنا عايز حاجة تستحمل المطبات وطبقه رخيصة فيقطاع الغيار ولما تيجي تبعها ماتخسرش كتير
أنا معايا ميجان 2007 كنت ممكن ابيعها وأحط تمن السبورتاج عاليها واجيبلي حتة bm ولا تقولي لاكتافيا ولا جتا بس حأزعل قوي لما مااخدش بالي من بلاعة مفتوحة ولا مطب مش باين ولا سعر قطع غيار









الاستهلاك مش عالي بس التنك هو اللي صغير يعني 10.5 متوسط
العزل كويس جدا بس الأستاذ غازي لما جربها بيقولي إن صوت الهوا مسموع أنا عندي الميجان نفس الصوت يمكن هو علشان ساق عربيات أكتر فـهو أكيد أدرى بس صوت المتور مش مسموع إلا لما بـتسقط طبعا أما احتكاك الكاوتش فـحسب نوع الكاوتش اللي متركب كومهو فـصوته مسموع بس بـنسبة بسيطة جدا







تقرير بعد el-2000 كم
أنا غيرت زيت زي ماال اخوة الاعضاء نصحوني وحسيت بـال فرق , وقلتلهم في التوكيل إن العربية مش بـتقفل لوحدها بعد ماتمشي فـبارمجوها ودلوقتي بـتقفل أول ماأوصل 20 كم وبـ تفتح أول ماباشيل المفتاح
1- استهلاك البنزين قل بـشكل ملحوظ (رحت القاهرة ومشيت فيها ورجعت وكان الاستهلاك 8.8 ل بسسسس رايح على 100 كم واعت في القاهرة حوالي 3 ساعات لف بس راجع على 150 160 كم )
2- سحبة العربية لحد el-130 بقت أحسن (يمكن علشان المتور اتفتح شوية)
3- العافشه ا انعم حتى أنا جربت اخد مطب جامد شوية وما حسيتش بيه

الحاجات اللي لسة العربية محتاجها وفي وجهة نظري حتخلي العربية أحسن كتير
1- فانوس خلفي ليد زي الستوب كده علشان الستوب بينور وبيطفي اسرع من الفانوس
2- اشارة خلفية ليد زي اللي في المرايات كده
3- زنون عالي وواطي وكمان في الفوج لأن نور الفوج ضعيف يا أما الفوج نفسه يكبر
ده في الشكل الخارجي
في الداخلي بقه
1-يفصله مؤشر الحراره الخارجي عن كمبيوتر الرحلة ويخلوه لوحده جنب الساعة كده
2-فتحت تهويه ل التكيف ورا
3- شاشة باركينج سنزور تقولك فين مش زمارة وخلاص










العربية ماتحسش إنها كوري أصلا
خامات كويسة تقفيل كويس
كل عيوبها الفرامل عايزة تبأه أقوى شوية






















-------------------------------------------------------


منقول

اسف يا جماعه لو كان في حاجات مش منسقه لانى مجمعه من ردود
تحياتى
:GR OWIN~12::GROWI N~12::GROWIN~1 2:
رد مع اقتباس
  #25  
قديم 18-01-2012, 11:59 PM
الصورة الرمزية A7MED NASSER
A7MED NASSER A7MED NASSER غير متواجد حالياً
مسئول بمبيعات المصرية للسيارات بالمنصورة
التخصص العملى: منسق و مسوق مبيعات السيارات
 
تاريخ التسجيل: Feb 2010
الموقع: المنصوره
المشاركات: 1,095
A7MED NASSER has a reputation beyond reputeA7MED NASSER has a reputation beyond reputeA7MED NASSER has a reputation beyond reputeA7MED NASSER has a reputation beyond reputeA7MED NASSER has a reputation beyond reputeA7MED NASSER has a reputation beyond reputeA7MED NASSER has a reputation beyond reputeA7MED NASSER has a reputation beyond reputeA7MED NASSER has a reputation beyond reputeA7MED NASSER has a reputation beyond reputeA7MED NASSER has a reputation beyond repute
افتراضي رد: حصريا اول تقرير مصور عن كيا سبورتاج 2012

شكرا كتير يا يحيى . شغل عالي فعلا (بس ايه حكاية الموضيع المنقوله الجديده) دي يا ريس
شكرا عالتوبيك الرائع ده
رد مع اقتباس
إضافة رد

أدوات الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML متاحة

الانتقال السريع

 MasrMotors غير مسؤول عن أي اتفاق تجاري أو تعاوني بين الأعضاء
التعليقات المنشورة لا تعبر عن رأي MasrMotors ولا نتحمل أي مسؤولية قانونية حيال ذلك ويتحمل كاتبها مسؤولية النشر


الساعة الآن 05:04 AM.


Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017