تغيير موتور طلمبة البنزين كيا شوما

[boshah]

بص يا باشا انا معايا كيا سيفيا 2000 نفس العيب الى عندك كان عندى وطلع فعلا من طرمبة البنزين فغيرت الموتور بتاع الطرمبة بس واشتغل كويس لفترة ورجع تانى علشان هو صينى وكان بــ 60 جنية لو لقيت نوع كويس مش صينى يبقى افضل , بس العيب الى عندك ده 100% موتور طلمبة البنزين .

[sadzaglol]

المشاركة الأصلية كتبت بواسطة احمد على 1999 طيب تفاصيل اكتر هل كان في اي اعطال او صيانة بعدها العطب ابتدي يظهر ؟ اخبار سلك البوجيهات الكويل فلتر بنزين و في بأه صمام البيئه ده لو عندك افصله وارد يكون السبب اصل طرمبة البنزين غالبا بتقطع مرة واحدة فممكن كهربائي يكشف علي قاعدة الفيوزات كأجراء وقائي كل الي فات احتمالات بس الكشف عليها سريع و غير مكلف قبل ما تدفع كتير في الطرمبة و تطلع مش هي

لا بالعكس لم تظهر اى اعطال من قبل لان العربية رغم انها موديل 2000 الا انها عاملة 60 الف بس وتم تغيير فلتر البنزين وتغيير البوجيهات والكشف على سلك البوجيهات وكان جيد
بس انا معرفش صمام البيئة دة بيبقى فين وبيتفصل منين؟
المشكلة ان الطرمبة الاصلية سعرها حوالى 800 جنية ولكن الميكانيكي قالى الطرمبة مافيهاش الا الموتور والباقى بلاستيك ملوش لازمة والموتور اعلى سعر لية كان 120 جنية انا دورت علية لاقيت صيني ولاقيت كورى ومحفور علية بس الناس خوفونى ان ممكن يكون مكتوب علية كورى ويطلع مضروب ولاقيت بتاع التويوتا شبهه بالظبط ومكتوب علية يابانى بس كتابة بخط ابيض تخوف برضة
ولاقيت ماركة تانية اسمها ديوة وبس كانت ب190 وشكلها متفرقوش على الصينى اللى ب 80 جنية

[sadzaglol]

المشاركة الأصلية كتبت بواسطة boshah بص يا باشا انا معايا كيا سيفيا 2000 نفس العيب الى عندك كان عندى وطلع فعلا من طرمبة البنزين فغيرت الموتور بتاع الطرمبة بس واشتغل كويس لفترة ورجع تانى علشان هو صينى وكان بــ 60 جنية لو لقيت نوع كويس مش صينى يبقى افضل , بس العيب الى عندك ده 100% موتور طلمبة البنزين .

اشكركم جزيل الشكر هو بالفعل 2 ميكانيكي قالو انه طلمبة بس الاختلاف دلوقتى على ان اللى موجود فى السوق كلة صينى ومش عارف اتأكد ازاى

[sameh_saso]

المشاركة الأصلية كتبت بواسطة sadzaglol السلام عليكم ورحمة الله وبركاته ارجو إفادتى حيث ان العربية تحتاج طلمبة البنزين وسألت وقيل لى غير الموتور فقط لان باقى الطلمبة هى بلاستيك وليس لها علاقة بمشكلتك حيث ان العربية فى المشاوير الطويلة وعندما تسخن الاقى نفسي بدوس بنزين وومفيش صوت والعربية سرعتها بتقل واول ما اطفى العربية واشغلها تانى بتمشي كويس وان كل المواتير الموجودة بالسوق هى صينى وحتى لو كان مكتوب عليها كورى فهى صينى فهل هذة المعلومة صحيحة ؟ وقيل لى ايضا ان موتور طلمبة البنزين بتاع اللانسر والتويوتا تركب على الكيا شوما وهى صناعة يابانى فهل ينفع ؟ لان الفرق ما بين سعر الموتور والطلمبة كلها كبير جدا فالطلمبة تعمل اكثر من 750 جنية والموتور لوحدة اعلى سعر لاقيته 120 جنية اشكركم جزيل الشكر

100 % طلمبة بنزين وهات اللي هي ماركة بوش الماني . طبعا هي مش الماني بس هاتها وخلاص لان كل اللي في السوق صيني .
انا لو منك هاجيب اغلي نوع من انضف محل قطع غيار مشهور زي الجندي او حلمي سليمان او الكيلاني في وسط البلد

تحياتي

[sadzaglol]

المشاركة الأصلية كتبت بواسطة sameh_saso 100 % طلمبة بنزين وهات اللي هي ماركة بوش الماني . طبعا هي مش الماني بس هاتها وخلاص لان كل اللي في السوق صيني . انا لو منك هاجيب اغلي نوع من انضف محل قطع غيار مشهور زي الجندي او حلمي سليمان او الكيلاني في وسط البلد تحياتي

اشكركم جزيل الشكر