مـقـــا لا ت

[خالدخليفة]

م تفكريش بالطريقة دى اكتبى وهتلاقى نفسك بتكبتى لوحدك لكن مجرد المقارنة معاى حد بيكتب بقى له فترة ممكن يخليكى تترددى
وانا شخصيا قرأت كثيرا لمحمود السعدنى وانيس منصور ومحسن محمد واحمد بهاء الدين وكاتب محترم كان مشاغب زى حالاتى اسمه جلال الدين الحمامصى كان له عمود فى جريدة الاخبار اسمه دخان فى الهوا
ومع ذلك لو نظرت لكل هؤلاء العمالقة مافكرت اساسا انى اكتب
وانتى كذلك بل انتى موقفك افضل منى لانى مش عملاق ولاكاتب ولايحزنون
اتوكلى على الله وورينا مواهبك

[فاطومه المصريه]

خلاص يا استاذ خالد اكتب حضرتك وانا هشوف موضوع الكتابه ده
رغم انى عارفه انه مش هيكون عندى قراء زى حضرتك بس مفيش مانع من تواجدى فى موضوع ولا امشى ؟

[خالدخليفة]

انتى منورانى ومنورة الموضوع
انا اقصد اشجعك تكتبى بس

يسلام عليك يا عم خالد يعني كان لازم اقعد معاك ساعه علي التليفون علشان تكتبلنا الكلام الجميل ده كان فين الكلام الجميل ده يا راجل يا طيب من يوم 25 يناير

[خالدخليفة]

زعبولا القلا

كالعادة تم تفريغ كل شىء من مضمونه .......وكما توقع الشباب المقيمون فى ميدان التحرير
فقد خرج علينا زعبولا القلا (وهى شخصية وهمية من اختراع عادل امام فى مسرحية شاهد مشافش حاجة حين كان كلما يحاول ان يقول كلمتين امام المحكمة فيقـفـز له محامى الخصم مقاطعا له قائلا / خليفة خلف خلف الله المحامى..... والدليل قالو له واصبحت هذه الكلمة تطلق على كل شخص ينط فى الكلام ويفرغه من معناه ومحتواه )
وزعبولا هنا هو المحروس النايم فى الذرة والذى كنت اخشاه دائما ...... لان دوره سيـبـدأ بعد انـفـضاض الشباب فى ميدان التحرير ..........ترزى القوانـيـن الكبـيـر....وفـقـيه القانون العالمى واحد أفراد الشلة ......او الدراع اليمين بمعنى ادق للزعيم
هو صاحب أسرع كلمة موافـقة فى تاريخ رؤساء مجلس الشعب قبل أن يعد الموافـقـين والرافضين
المنـفـذ لكل طلبات النظام من وراء الستار وأمام الستار وبلا ستار احيانا
أنه الدكتور / احمد فتحى سرور
وللحقـيـقـة
انا شخصيا من المعجـبـيـن بأسلوب هذا الرجل اللغوى فهو يتحدث اللغة العربية بطريقة سليمة جدا ومتـمـكـن منها جدا ......بالأضافة الى انه من علماء القانون فى مصر .....ولفظ علماء القانون هذا من اختراعى انا شخصيا فكما تعلمنا فى كلية الحقوق ان خبـيـر القانون يقال عليه ......فـقـيه قانونى
لكن أحمد فتحى سرور من وجهة نظرى ليس فـقـيـهـا قانونـيـا بالمعنى المفهوم
لا ..... انه عالم كبـير فى القانون
والفـقـيه هو الفاهم بكل خبايا العلم نفسه ويستطيع تفسيره وتحليله
وأما العالم فهو من يأخذ من مواد متاحة لديه سواء طبيعية او كيميائية لكى يستخرج منها اختراع جديد قائم على اسس ونظريات معينة
و صاحبنا من هؤلاء
بل
أذا ربنا اكرمك وأصبحت رئيس جمهورية وتريد تـنـفـيـذ أى شىء ولكن بغطاء قانونى فماعليك الا الاستعانة به وتسيـبه يوميـن اتـنـيـن وقبل انتهاء اليومين ب 46 ساعة تجد احمد فتحى سرور وضع لك جميع مواد القانون وبنوده وتم تـفـصيل القانون عليك بالظبط بحيث تجيله يمين او شمال هو القانون متـفـصل عليك ومش هتنطبق الشروط غير على شخص واحد فى العالم هو انت كرئيس جمهورية
ثم يحدد لك موعدا اقصاه 48 ساعة اخرى لموافقة المجلس على القانون ثم يحدد جلسة فى خلال 24 ساعة الساعة 3 ونص الفجر لكى تكون الدنيا كلها نايمة ومفيش غيره صاحى هو وكام واحد موافـقـين على اى شىء وكل شىء من أول يوم استـنـخبوهم (بضم التاء وسكون النون وكسر الخاء ) مكتوبة صح ...............يعنى تم انتخابهم بالتزوير غصب عن الشعب وجايـين من أجل الموافـقـة فـقـط وقزقزة اللب كما تم تصويرهم مؤخرا
ثم يتلو عليهم نص المواد اللى ألفها هو وطبعا نصف المجلس نايم والنصف التانى موافق
ثم يتلو قولته الشهيرة الموافـق على نصوص هذه المواد فليـتـفـضل برفع يده ......موافـقـة (من قبل م يلحقو يرفعو ايديهم )
وأكبر دليل على ذلك المادتين 76 و 77 من الدستور فأنا مستعد ان أقسم بالله العظيم انه هو مؤلف هاتين المادتين ثم هو الترزى الذى فصلهم وهاتين المادتين هما اللى عاملين مشكلة دلوقت ومخليـين الريس عمال يلاعبنا يمين وشمال ولولاهم كان مشى من يوم 24 يناير من قبل الثورة
لكن تقول ايه ؟؟؟ وبسلامته(مبارك ) كل شوية طالع علينا ويقول /انا خايف امشى فجأة يحصل فراغ دستورى .....وتحصل فوضى .....طب اعمل ايه ؟؟؟... وعامل فيها شايل همنا
وطبعا من وراء الستار يقف الترزى والذى لم يظهر ابدا فى هذه الأحداث سوى مرتين والمرتين على قناة العربـيـة احداهما قال كلمتين صغيرين وشخط فى المذيعة ومشى والثانية منذ نص ساعة تحدث بعلم عالم القانون وقال / ان التفـويض لايعطى نائب الرئيس حق حل مجلس الشعب او تغيـير الحكومة او اجراء انتخابات جديدة
ياصلاة النبى .....يعنى كل التغيـيرات والتفويضات والقرارات دى ضحك على الذقون بقى
طيب والكلام ده ياخد وقت اد ايه ياسرور باشا؟؟؟
فأجاب بعبقرية يحسد عليها / حوالى 6 شهور
وتعجب المذيع واخفى تعجبه ولكن باين فى عينيه
ازاى يعنى 6 شهور والناس عايزة المعلم يركب الطيارة ويمشى دلوقت قبل بكرة ؟؟؟
انها غلطة لايقع فيها مثل احمد فتحى سرور ........ ألا بمزاجه
ومعنى ذلك انه قد باع ابن مبارك ومعنى ذلك ايضا بعد تغيـير لهجة الحوار فى التلفزيون المصرى
وورود اخبار عن ذهاب كوكو (دلع مبارك ) الى شرم الشيخ هو وعائلته ان كوكو مشى خلااااااااااااص والى الأبد
ابشروا .....ياشعب مصر ......كوكو مشى خلااااااااص
ونقول لزعبولا
خسارة هذه العبـقـرية يتم تكريسها فى سبـيـل الباطل
انا شخصيا بـقدر مالا أطيـق هذا الرجل ..........لكن بمجرد ان أراه فى التليفزيون امنع الصوت تماما فى البـيـت وأستمع اليه وكلى آذان صاغية
فهو متحدث ولبق وفاهم وعالم قانون كبـيـر لكنه نسى انه سيقف أمام الله
ولايجب ان انسى اخى هشام باهى فقد علمت انه معتقل الأن وكنت قد ارسلت له رسالة على الخاص يوم 26 يناير أطمئن عليه وجائنى الرد يوم 27 يناير انه بكل خير وان الاسرة فى الاسكندرية ثم ترك لى رقم تليفونه ودعا نى لزيارته فى اى وقت وانه يجهز للمظاهرات واتبعها بكلمة ههههههههههه فاعتقدت انه يمزح ثم اتصلت به يومى 29 يناير و 30 يناير اكثر من 5 مرات فلم يرد وغضبت منه ثم شكوت لاحمد كورسير منذ يومين انه طنشنى ومعبرنيش فأخبرنى انه معتـقـل
اخى هشام
أسف لظنى السىء فيك ......لقد كنت أفضل منى وايجابـيـا عنى
سامحنى
وأرجو من اخواننا جميعا هنا الدعاء له فى كل وقت لكى يفرج الله كربه
اللهم فرج كربه اللهم أمين