إعلان عن تانى مقابلة فى طنطا

[Komy]

يشرفنى أن أكون أول من علق على المقابلة التحفة اللى فى حياتى مكنتش مبسوط زى النهاردة,
وعايز اقول إن انا فخور بكونى عضو فى منتدى عظيم زى مصر موتورز واحب اشكر كل الناس اللى لبت دعواتنا وجات شرفت طنطا النهاردة:

الأستاذ أبو نورا العسل اللى نور طنطا وتاريخ المقابلات من فترة طويلة ,الاستاذ حازم خضر اللى ساب عربيته لوحدها يا عينى , الاستاذ احمد الشناوى اللى عمل واجب كبير معانا النهاردة ومش عارفين نقوله إيه بجد والله بس مردودالك يا حبيب قلبى , الاستاذ عماد اللى مشى من غير ما اسلم عليه بس برضو متعوضة وشرفتنا وربنا يصلحلك حال اللى بالى بالك واخدلى بالك إنت , الاستاذ أحمد بدر ووالده اللى شرفوا طنطا هههههههههههههه وإبقى طمننا على السيريون يا استاذ حمد , الاستاذ محمد الكومى اللى نورنا بأول حضور له فى مقابلات مصر موتورز , الدكتور عمرو اللى خلع برضو بس معليش علشان العيانين اهم طبعا وربنا يعافى كل مريض , الاستاذ سيف اللى نور طنطا بالجاك الجميلة ربنا يملها بركة , الاستاذ باسم اللى مغلب نفسه بالشماسات كت إديهالى يا بسوم , الاستاذ كريم على اللى خد منى الحلاوة الحمصية ههههههههههه , الاستاذ خالد بس كان نفسنا تفضل معانا شوية كمان , الاستاذ بندارى والباشا مروان البندارى كان نفسى أجيبلك يوسف إبنى تعيشوا مع بعض بس متعوضة إن شاء الله , الاستاذ طارق والاستاذ سيف اللى نورونا متأخر حبتين مع ابو نورا بس سماح المرة دى , الاستاذ أبو الاسعاد اللى مش عارف أقوله إيه على كل اللى عمله معايا لإنجاح هذه المقابلة وأخيرا وليس أخرا حبيب الملايين هشام بك باهى اللى والله كان نفسى أقعد معاه أكتر من كده بس إن شاء الله متعوضة وأحب أقول لكل اللى مجاش إحنا اللى خسرنا اننا ما شفناهمش وأتمنى للجميع العودة بسلام الى منازلهم وعلى امل اللقاء القريب فى إحدى مقابلات مصر موتورز المتكررة دوما. وفى إنتظار الصور والتقرير وسامحونى إن كنت نسيت حد يا ريت يسامحنى علشان انا خلاص فصلت.

وعلى فكرة يا أبو نورا أم أشرف بتسلم عليك إنت وأحمد بدر

ملحوظة : تم تغيير إسمى من rooming إلى komy

المفاجأه
وصلت علي اللنك ده

يلا ياشباب

http://www.masrmotors.com/vb/showthread.php?p=342016#p ost342016