شيزوفرينيا - 1- الفانوس بالفانوس والبادى اظلم

[احمد بدر1978]

المشاركة الأصلية كتبت بواسطة سيف الدين سعيد ياباشا البك ابيض . وبلاش تهدى النفوس .. المسامح كريم ...

يعنى ابو نورة حيشوفة تانى

المشاركة الأصلية كتبت بواسطة kira حرم عليك بس مش حرام اوى انا كنت هكسرله فنوسين ........أبو نورا متحسش بالزمب أحساسك كان هيكون ايه لو لأقدر الله كان رد فلك خاطئ و طيرت الناس الجامبك من الكوبري بسبسب السواق ال....... دا كان هيبقى احساس اكبر بكتر من الينتى حسه و الراجل دا خد أقل مما يستحق و كان لآزم ياخد علي دماغه انت سح 100/100 فيما عدا حتيت مفتاح العجل كان ممكن تعمله عاهة لا اذا كونت واخده عشان تخوفه بس و حمدالله على سلأمتك أسف على الاطاله

طيب اية الفرق بين اللى انا كنت حعملة واللى حضرتك حتعملة حضرتك كنت حتكسر فانوسين وانا كنت حكسر الزجاج الامامى الاتنين نفس النتيجة

[crime]

لا انت تمام الله ينور لو مخدتش حقك بنفسك محدش هيجبهولك غير كده هوا قاصد يخبطك لو غصب عنوا على الاقل كان وقف انما ده خبط وشتم وجرى وبكده اركان الجريمه مكتمله

[M.TONSY]

حصلى مواقف مشابه مع عربية مصفحة من بتوع نقل الاموال للبنوك دخل فى مرايتى الشمال روحت قافل عليه ونزلت له وهو بمنتهى البرود فضل قافل الازاز على نفسه وبيكلمنى من وراه ومش عايز ينزل وبيغلطنى قمت روحت كاسر له المراية الكبيرة بتاعته من غيظى ونزلت 600 حتة وطبعا ايدى اتعورت ومحستش بيها غير بعدها بفترة وهو بقى نزل اخيرا بعد ما تكسرت مرايته بس كنت خلاص مشيت وودعته
المشكلة برده حسيت بنفس اللى انت حسيت به وهو الشعور بالندم وان هل الموقف كان يستاهل كل العصبية دى اللى كانت ممكن تخلى الواحد يرتكب جريمة وفضلت فترة متضايق من نفسى وخصوص ان مرايتى اتعدلت تانى ورجعت سليمة هو بس احساسى بتعمده وبروده هو اللى خلى الواحد اتصرف بالطريقة الزفت دى

[rockana9112007]

معلش فى تعليقى دة وارجو ان الجميع يتقبلوة بصدر رحب

هو لية دايما الانسان المصرى بيحلل الغلط لنفسة ولية دايما بيعذر نفسة لكن ابدا منعذرش غيرنا

انا هحكيلكم قصة مشابهة بس من الجانب الاخر وياريت تفهمو

اولا انا مرة من المرات كنت راجع من سفر وسايق من الساعة 7 صباحا وراجع باليل مش عارف الساعة كام بالظبط ومعايا عمتى وهيا ست كبيرة برضة ومرهقة جدااا من السفر وعاوز اروحها بيتها عشان انا كمان لسة هروح بيتى وقسما بالله كنت خلاص نايم على الدركسيون من كتر التعب

اقوم الاقى قصادى زفة برضة وقافلين الشارع وتيت تيت وماشيين ببطء شديد واحنا فى 6 اكتوبر والشارع عريض ويعدى 5 عربيات

انا متنرفزتش خالص بالعكس قعدت ازمر معاهم حوالى دقيقتين وبعدين خلاص بقى عدونى ياجماعة اشوف حالى واروح بيتى انتم ناس معلش رايقيين وفرحانين وعلى مهلكم خالص انتم لية حاجزنى وراكم وكل ما احاول اعدى الاقى اللى بيقفل عليا ومش عاوزنى اعدى

وبرضة ماشيين على سرعة عشرين وتيت تيت ولا اكنى موجود
المشكلة ان اللى كان بيعمل دة واحد بعربية اكسنت خضرا وباين علية محترم وسنة معدى الاربعين
والتانى بعربية افيو لسة زيرو وراجل كبير وشعرة ابيض ومعاة العريس والعروسة والفالح حاطتلى بدج النيابة قال يعنى هيخوفنى
لو كانو عيال صغيرة او مراهقين كنت قلت فرحانين بشبابهم بس اللى كان بيعمل كدة ناس المفروض تبقى قدوة وميعملوش شغل العيال دة

انا بصراحة اتجننت وقلت هعدى يعنى هعدى

طبعا انا استغبيت عليهم ودخلت بكل غشومية مابينهم وزنقت على عربية العريس والعروسة وكنت هقلبلهم الفرح غم لولا عمتى الى كانت جنبى قعدت تصرخ

طيب لية دة كلة ..ياعم انتا فرحان الف مبروك افرح بس متقعدش تستفز الناس اللى اصلا اللى فيها مكفيها
وربنا اعلم باللى فيها
لية تقفل الشارع وتعطل اللى وراك عن عمد هيا البلد ناقصة عطلة

وفى النهاية انا عاوز اقول لابو نورا مع عظيم احترامى لحضرتك موضوع الزفة دة كان غلط وترتب علية غلط سواق التاكسى وترتب علية برضة غضبك الشديد وبحيى ضمير حضرتك الصاحى اللى مستنكفش انة يعلن عن احساسة بالذنب على العام

وبالنسبة للناس اللى ايدت اللى عملة ابو نورا فى سواق التاكسى انا بدعوهم انهم يراجعو نفسهم لان مش كل التكسجية بلطجية فيهم ناس بتجرى على اكل عيشها زى مش كل اصحاب الملاكى محترمين فيهم تجار مخدرات وعربجية وراكبين اغلى الموديلات

تقبلو تحياتى

[mohamed hossam elemam]

انا بقي من غير قصدي خبت الشنطه بتاعت عربيه كورسا اولت اصلحالو الي ماشي ورحنا لمكنيكي جمبي قالي 150 جنيه قولت ماشي مفيش حاجه لقيت الراجل الي خبطه بيقول اغيره الشنطه كلها واجبلو فانوس جديد حسبت المبلغ الي هاصلح بيه العربيه ذي ما بيقول الراجل صاحبها 3000 الاف جنيه هل افعل ما يريد ام افعل انا ما اوريد وتقبلوا تحياتي