موضوع دائم و متجدد لأصحاب الفليشيا

[mahmoud abd elhady]

مشكور يا محترم علي المجهود وبجد العربيه دي محترمه جدا جدا جدا واللي ركبها وغيرها بيندم كتير وفعلا كلام حضرتك صح 100 100 وبالنسبه لموضوع السخونه انا راكب فيلشيا 95 بقالي 6 سنين اول حاجه هنغير المروحه بتاعه الردياتير لخمسه ريشه بدل اربعه ونجيب ترموستات بيشتغل علي درجه 70 وطبعا لازم الردياتير يكون سليم يعني مش نخرم ومتلحم كتير وكمان الخراطيم تكون مبتسربش ميه وطرنبه الميه تكون شغاله تمام زي الخلاط لانها لو ضعفت او السير بتاعها بقي واسع بتقلب الميه في المتور ببطء وبتساعد علي الزياده في درجه الحراره وبعدين نظبط كهربه العربيه ونخليها وسط يعني مش عاليه ومش واطيه وده سهل اوي عند الميكانيكي وكمان نخلي بالنا من التاكيهات وظبتها وطبعا افضل زيت ليها الشيل ال5000 الاصفر ونغيره مع الفلتر من غير ما نمشي عليه زياده وكمان البوجيهات تكون نضيفه والشكمان يكون سليم مبيسربش وبلاش شغل العيال السيس لموئخذه اللي بتركب شكمان سبور او ديفيل ده بينهي المكنه بسرعه وبعدين سير الكاتينه بتاعها دا 100100 بس نغيره لما نلاقي صوته طلع عشان صوته بيبقي رخم اوي وعند ميكانيكي بيفهم فيها وتحطلها ميه زرقا او خضرا وطبعا تغسل المتور غسله تمااام كل شهر ب5 جنيه ومتقرصش علي المكنه في الحر وفي المطالع وبجد اللي هيخلي بالو من الكلام ده هيلاقي العربيه زي الفل معاه في السفر والحر واي حته وملحوظه وانت مسافر بيها اهم حاجه مبتبقاش محمل كتير يعني ارب افراد كويس لو معاكو شنط او 5 من غير شنط عشان تبقي العربيه مستريحه وتريحك والكلام اللي قولتو ده لو انت لسه شاريها ممكن تستصعبه بي سدقني مع التعود الكلام ده من اسهل ما يكوووووووووون وبجد العربيه تمااااااااااام

[skod1998]

هل الإيريال ممكن يتركب كهربا

[mikao]

اذا بدأت العربية تسخن منك فانت كده لازم تفكر فى انك تغير وش السلندر ده السبب الرئيسى لمشكلة السخونة فى الفليشيا وانا اذا كنت هانصح بلاش تشترى فليشيا دلوقتى خالص عشان
1- قطع الغيار اغلى
2- تقيله فى البيع
3- بدون اى رفاهية

[ahmadtaalab]

لو سمحتم انا عندي سكودا فيليشيا 96 عايز اجيبلها كاربراتير مستعمل
الاقيه فين وتقريبا هيكون بكام؟
وهل ممكن اجيبه من حته يكون عليه اي نوع من انواع الضمان او حاجة كده؟؟

[amrsoudy]

انا لسه جايب سكودا فلشيا 1996 lx

والحمد لله حالتها كويسه والله أعلم
المهم انا انشاء الله هعرض اي مشكله تقابلني وهحتاج ردكم انشاء الله

مبدأيا انا بدور علي الجريده الجلد اللي بتتركب فوق البابين مع بعض اللي بتوصل من اول الشنطه لحد الكبوت من اليمين تعمل كام والاقيها فين ؟

انا بالاسكندريه
وعايزاعرف الميكانيكي اللي قال عليه في الاسكندريه اسمه ايه وهوه فين أرجوكم
يا جماعه محدش رد عليه ليه دا انا حتي لسه جديد هنا جدا

المهم انا لما بسخن العربيه الصبح بتطلع دخان اسود ليه ؟

انا علي فكره بدوس دوسه واحده علي البزين قبل ما ادور ثم ادور واشيل رجلي خالص من علي البنزين وبسيبها تسخن لوحدها الحمد لله مش بتبطل

لاكن مبتطلعش دخنه سوده خالص اول ما العربيه تسخن
حد عارف ليه ؟

وبعدين الميكانيكي فين بتاع الاسكودا يا شباب الي في الاسكندريه