موضوع دائم و متجدد لأصحاب الفليشيا

[firejambozy]

انا نفسى يبقى فى موضوع ثابت و متجدد عن كل حاجة خاصة بالسكودا فليشيا انا ححاول اجمع كل المواضيع الخاصة بالفليشيا و احطها هنا و نفسى كل من كل اصحاب الفليشيا يساعدونى و نحاول نرد على استفسارات بعض.

[firejambozy]

السلام عليكم ورحمة الله وبركاتة
اولا العربية دي انتجت من سنة 1995-2001 ونزلت موديلين lx و glx
وبمتورين 1300 cc و 1600 cc وثلات انظمة حقن (كربيراتير ونص انجكشن وفول انجكشن)
,ونزلت بشكلين عادي من 1995-1997 وووش اوكتفيا 1998-2001

ثانيا بالنسبة لمصر فللأسف مش هتلاقي غير 1300 بس كريبراتير لحد 1997 او انجكشن من اول سنة 2000 ووش او كتفيا نزل اول سنة 1998 بمعني مش كل عربية وش اوكتفيا بتبقي انجكشن

جايز تلاقي 1600 cc بس طبعا مش من مصر او متسقطلها المتور ده

تمنها بيختلف تبع الحالة لكن عموما من 1995 -1997 ممكن تعمل 30- الف35 قبل الازمة طبعا وممكن تتجاوز لو حالتها نادرة
تمن موديل 98 يعمل 36 -37 الف لو الحالة نضيفة 2000-2001 انجكشن كانت بتعدي 40000 الف

ثالثا الشكل والابعاد في الموديلات
1-الصغير او العادية ودي المنتشرة في مصر
2-الكومبي الكبير وعددها قليل نسبيا

الاوبشنز تبع الموديل
lx
فاضية خالص وبدون اوبشنز
glx
1-مريات كهرباء
2-تكييف
3-عداد rpm و ساعة دجيتال
4-الكنبة جزئين
5-لمبة داخل الشنطة
6-كونسول
7-فوانيس شبورة قدام وورا

طبعا الفرق يستحق بمعني دور علي glx

رابعا اهم نقطة وهي المميزات والعيوب
المميزات
1-عربية لا غبار عليها في التحمل والاعتمادية والمتانة
2-تقفيل بلدها ومعظم قطع غيرها الماني وتشيكي
3-صاج عالي الجودة ومتين طبعا مش زي البيجو 504 بس امتن كتير جدا اذا ما قورن بصاج الكوري والياباني
4-اتزان غريب في الحقيقة العربية تقيلة جدا علي الارض ومتزنة بدرجة مدهشة
5-تابلوة بسيط وخماتة جيدة
6-تقفيل محترم جدا
7-قطع الغيار الاصلية لانقاش معمرة الي اعلي درجة (لازم تخربها بنفسك او حدثة لاقدر الله)
8-قطع الغيار متوفرة جدا و بأختلاف بلاد المنشأ بمعني هتلاقي الماني وتشيكي وكوري واسباني ودرجات مختلف من الصيني
9-قطع غيار الاصلية غالية بالنسبة للصيني مثلا (قربة مياة اصلي 125 والقربة الصيني ومش بطالة ب35 جنية)بس معمرة
10-الحاجات الي مفيش موجود منها جديد زي الدركسيون والاكسسوار الداخلي متوفر في الوكالة والحرفيين وبأسعار جيدة
11-عفشة متينة جدا وعربية عالية عن الارض
العيوب
1-عربية خشنة بمعني تناسب الرجال اكتر او شبابية
2-تسارع ضعيف اذا ما قورن بالاكسنت 1300 مثلا بس الفرق مش كبير بس الامانة هي سحبها اضعف
3-اهم واختر عيب هو مشكلة السخونة وهي مشكلة معقدة وبتنتج من عدم الاهتمام بصياتة العربية واغلبها يحل بصيانة دورة التبريد والاهتمام بسلامة المتور
4-الدركسون تقيل ومفهوش بور هو نص بور بس تقيل وخصوصا لو بتركن لكن بمجر ما تمشي بيخف بشكل ملحوظ غير ان صعب تركبلة بور
5-تكييف ضعيف اذا ما قورن بالكوري الي في فئتة


الخلاصة
1-الفلشيا عربية محترمة ومنتشرة في مصر وكانت بطلة رالي في يوم من الايام
2-عايز عربية انعم كوري واغلي بي فرق بسيط يبقي الاكسنت وبعد كده الانوس
3-سعر اعادة البيع انت وحظك عشان سوقها اتقل طبعا الاسعار الي فوق قبل الازمة
4- انا كتبت كتير بس عشان افيدك علي قد ما اقدر عموما انا عندي اتنين فليشيا



منقول للامانة و ده اللينك http://dvd4arab.maktoob.com/showthread.php?t=1674259

[AbOnOrA]

ان شاء الله يبقى موضوع متكامل ومفيد لكل اللى معاهم العربيه

ديه بعض المواضيع عن الفليشيا فى مصر موتورز

مميزات وعيوب الفليشيا
http://www.masrmotors.com/vb/showthread.php?t=2220

السخونه فى اسكودا فليشيا 97 glx
http://www.masrmotors.com/vb/showthread.php?t=23651

اخيرا لاقيت ميكانيكى فاهم فى الاسكودا فليشيا او الفيفوريت
http://www.masrmotors.com/vb/showthread.php?p=129543

اسعار لبعض قطع غيار الفليشيا
http://www.masrmotors.com/vb/showthread.php?t=9632

ويمكن استخدام البحث لايجاد المزيد من المواضيع

[firejambozy]

ده لينك لكل حاجة خاصة بالفليشيا
http://en.wikipedia.org/wiki/%C5%A0koda_Felicia

[firejambozy]

انا عندى سؤال, و يا ريت حد يفدنى
انا معايا سكودا فليشيا 97 glx
بس كنت عايز اعرف هو كل الglx لازم بتنزل بالتكييف و المرايات الكهربا ولا مش شرط؟
هى فيها
-عداد rpm و ساعة دجيتال
-الكنبة جزئين
-فوانيس شبورة قدام وورا