أول مشاركة: استفسار بخصوص بولو 97 أريد شرائها

[أحمدعبد الفتاح]

السلام عليكم ورحمة الله

الإخوة الكرام هذه أول مشاركة لي في هذا المنتدى ولي استفسار عاجل بخصوص سيارة بولو 97 أريد شرائها

حالة السيارة:

1300 سي سي
230000
السيارة ثاني استخدام والتكييف لا يعمل من الاستخدام الأول ولا يعرف السبب
الدواخل فابريكا ورشة خارج للنظافة
فانوس أمامي مكسور وفانوس خلفي اشارات مكسور
السيارة ليست باور
الإكصدام الأمامي يحتاج رش

المطلوب من حضراتكم ولا أريد أن أسأل أحدا بعدكم:

1- ما هو أقصى سعر يمكن أن أدفعه في هذه السيارة
2- أين يمكن أن أكشف على هذه السيارة عفشة وميكانيكا
3-أفضل مكان يمكنني شراء قطع الغيار الجديدة والإستيراد لهذه السيارة في القاهرة
4- أفضل وأرخص وأأمن مكان يمكنني فيه صيانة السيارة عفشة وميكانيكا وكهربا

شكرا جزيلا ومعذرة على كثرة الأسئلة

جزاكم الله خيرا

[Ahmed Nageb61]

السلام عليكم
انا اسف بس بصراحه انا مش هاقدر افيد حضرتك اوى فى الموضوع ده وان شاء الله اهل الخبره هنا يفيدوك .. بس هو فيه ملحوظه بسيطه .. ممكن حضرتك تسال صاحب العربيه هو ده موتور الفبريكا ولا مسقط موتور ولو مسقط هى كانت كام سى سى فى الاول .. لان معظم التسقيط بيبقى عك فى عك الا ما رحم ربى وده شئ يعيب العربيه جامد جدااا .....

[أحمدعبد الفتاح]

شكرا أستاذ أحمد
الموتور الأصلي بتاع العربية ومش متسقط

[Hisham.Elgazzar]

حجاتها ف الحرفيين وفى دمشق وفى جسر السويس
المكانيكيين بتوع الفولكس بيشتغلوا فيها عشان كدا غالية وحجاتها غالية ومصنعياتها غالية
قطع غيارها غالية وكانت معمرة ودلوقتى الاستيراد كمان بقى غالى
سعرها بيبدأ من 25 لحد 33 لما تكون مكيفة ومفيهاش اى غلطة خالص

[أحمدعبد الفتاح]

المشاركة الأصلية كتبت بواسطة Hisham.Elgazzar حجاتها ف الحرفيين وفى دمشق وفى جسر السويس المكانيكيين بتوع الفولكس بيشتغلوا فيها عشان كدا غالية وحجاتها غالية ومصنعياتها غالية قطع غيارها غالية وكانت معمرة ودلوقتى الاستيراد كمان بقى غالى سعرها بيبدأ من 25 لحد 33 لما تكون مكيفة ومفيهاش اى غلطة خالص

شكرا على الإفادة أستاذ هشام
بس سعر 25 ده أو حتى 29 مشفتوش خالص لحد دلوقتي.