سؤال بخصوص ابيزا من 2010 ل-2012

[karimmm]

السلام عليكم ياجماعة.. أنا إنشاء الله نويت اشتري ابيزا الشكل الجديد إلي من 2010 إلى 2012 وطبعاً قولت رجالة السيات هنا في المنتدى هيا إلي هتجبلي من الأخر..
أولاً العربية ديه فتيسها DSG بتاع Volkswagen و أنا لسة واحد أعرف معاه جيتا 2010 لسة جيبا فتيس والناس بتقول إن العربيتين نفس الفتيس والموتور
ثانياً كنت عايز أعرف العربية ديه عفشتها جولف ولا سيات عشان إلي أعرفه إن فولكس مشترية سيات من زمان والعربية فيها حاجات كتير مشتركة من فولكس
ثالثاً إيه عيوب العربية غير قطع غيرها الغالية
رابعاً معلش أنا طولت عليكم بس أنا قدامي دلوقتي ابيزا 2010 مشية 25 ألف مطلوب فيها 100 ألف فبريكة برة وجوه ايه رأيكم في السعر ؟؟


وشكراً على ردودكم مقدماً

[sherifabden]

انا رايي اي عربية فتيسها DSG ابعد عنها
والعربية مشتركة مع الجولف في الشاسيه
وطبعا الايبيزا زيها زي اي عربية اوروبي
تتميز بالقوة والجودة والشكل والاداء والثبات لكن المشكلة في قطع الغيار واعادة البيع + مشكلة الفتيس

[karimmm]

المشاركة الأصلية كتبت بواسطة sherifabden انا رايي اي عربية فتيسها DSG ابعد عنها والعربية مشتركة مع الجولف في الشاسيه وطبعا الايبيزا زيها زي اي عربية اوروبي تتميز بالقوة والجودة والشكل والاداء والثبات لكن المشكلة في قطع الغيار واعادة البيع + مشكلة الفتيس

ألف شكر على ردك يا أستاذ شريف.. هو أنا لحد دلوقتي مسمعتش عيب في الابيزا عن الفتيس.. ناس بيقولو إن الفتيس إلي فيها دة المعدل غير القدم بتاع الفولكس بس أنا خايف إن بعد سنتين تلاتة يحصل حاجة في الفتيس.. أنا كنت بسأل للإحتياط ... وبصراحة العربية داخلة دماغي جدا ! مش عارف أعمل ايه D:

[sherifabden]

المشاركة الأصلية كتبت بواسطة karimmm ألف شكر على ردك يا أستاذ شريف.. هو أنا لحد دلوقتي مسمعتش عيب في الابيزا عن الفتيس.. ناس بيقولو إن الفتيس إلي فيها دة المعدل غير القدم بتاع الفولكس بس أنا خايف إن بعد سنتين تلاتة يحصل حاجة في الفتيس.. أنا كنت بسأل للإحتياط ... وبصراحة العربية داخلة دماغي جدا ! مش عارف أعمل ايه D:

لو عندك استعداد تتحمل مصاريف الصيانة وقطع الغيار وتخسر في اعادة البيع هاتها
بس في مقابل كدا هتحصل على عربية قمة في الجودة والامان والثبات والفخامة

[karimmm]

المشاركة الأصلية كتبت بواسطة sherifabden لو عندك استعداد تتحمل مصاريف الصيانة وقطع الغيار وتخسر في اعادة البيع هاتها بس في مقابل كدا هتحصل على عربية قمة في الجودة والامان والثبات والفخامة

هو بالنسبة لقطع الغيار أنا هقارنها بالألماني ذي الجولف.. وفي إعادة بيعها العربية انشاالله هتعد معايا ثلاث أربع سنين فأنا متقبل أني أخسر فيها على حساب عوامل الأمان والسلامة وجودة العربية.. مش عارف أغامر واجرب الفتيس ال-DSG ولا أروح التوكيل أسألهم واقلهم على موضوع الفتيس ده ولو حصل حاجة في الفتيس هيغيروه أو يصلحوه على حسبهم ولا أيه ؟؟