برجاء التثبيت/ الحل النهائى لمشكلة الشكمان والفرن " تجربتى فى تركيب فرن 128 1300cc رائعه وبالصور

[star_poison]

برجاء التثبيت وحذف الموضوعات المكررة بسبب مشكلة رفع الصور ...

السلام عليكم ورحمة الله وبركاته
مشكلة تنفيس الشكمان من عند الأفيز أو الزور مشكلة تخص ال128 مودل سبعينات وثمانينات بصفه عامه وبنسبة 99.9% الأعراض صوت المكنة بيبقى عالى والحرارة بتبقى عاليه والمكنة مخنوقة

النهاردة حل تلك المشكلة
نوع العربية المستخدمة نصر فيات 128 مودل 1987 1100cc

الحل هو تركيب فرن نوفا 128 1300cc موديل تسعينات فيما فوق أو فرن شاهين 1300cc

ده شكل الفرن القديم بتاع فيات 128 موديل 1116cc وبجوارة جوان الفرن اللى بيركب على وش السلندر وككمان القفيز والمسوره المدوره بتاع الزور اللى كانت راكبه القديمة



بيبقى نظام فاتحه مدورة بتركب فى ماسورة الشكمان بتتربط بافيز وبينهم جوان شكمان وده عيبه انه بينفس يعنى لو انت مركب جوان للشكمان اللى بيتربط فيه مش هيكمل معاك بالظبت شهر ده لو الصانيعى رابطة باحكام ولازقه بسيلكون كمان أخره شهر شهر ونصف بالكتير طيب ليه لأنه بيبقى مربوط بافيز ب 2 مسمار فى أى مطب او أى هزه للشكمان الدخان بيطلع من أضع منطقه اللى هى عند الزور من عند الأفيز اللى بيربط الشكمان فى الفرن
طيب الحل أيه ياعم انت وجعت دماغنا
الحل هو فرن فيات 128 1300cc "نوفا" أو فرن شاهين 1300cc لأنه مش بيحتاج قفيز بيبقى نظام 4 مسامير وكمان ليه بيبقى فيه 2 فاتحه فبيريح المكنه أووووووووى

وده شكل فرن نوفا 128 1300cc




وديه صورة للفرن بتاع 128 نوفا كمان علشان تبقى الأمور واضحه أكثر




الأدوات المستخدمه:-

1- فرن 128 نوفا 1300cc او فرن شاهين 1300cc والسعر 100 جينه ويفضل تجيبه بالغطاء الصفيح اللى بيركب فوفق الفرن لانه بيتربط فيه الاكسلاتير وبيحوش السخونه "علشان متضرش انك تقص جزءمن الغطاء القديم" المكان من أ. طارق أبوزيد
عضو هنا فى منتدى مصر موتورز او ممكن تشتريه من عزبة شلبى حسب راحتك

2- عدد 2 جوان شكمان شاهين 5+5=10جينه

2- عدد 2 جوان فرن اللى بيبقى بين الفرن وبين وش السلندر 10ج

3- مشترك شكمان 128 معدل 1300cc بتبقى أسمة كده مشترك 128 معدل أتنين فى واحد بيركب بدل الماسورة القديمة اللى كانت بتربط فى الشكمان القديم الثمن 100ج وبتشترية من عند محل الشكمانات اللى هتعمل عنده الشكمان

5- عدد 8 مسمار مقاس 13 و عدد 4 ورد السعر 3 ج
6- ممكن هتحتاج 2 كوتشة ترفع بيها الشكمان ب 5ج

7-الوقت المستخدم الميكانيكى ساعه والمصنعيه 20ج

8- نصف ساعه عند بتاع الشكمانات وده مصنعيته بتبقى 25 أو 30ج

[COLOR="rgb(139, 0, 0)"]ملاحظه هامه جدااااااا:: الميكانيكى بيفك الفرن القديم بيفك الكربيرتاتير معه قوله يسلك فتحتين الميه اللى غالبا بيبقوا مسدودين من الصدا ودول فايدتهم انهم بيبردوا الريداتير[/COLOR]

-<<<[COLOR="rgb(139, 0, 0)"] لما الميكانيكى يخلص ترلكيب الفرن الجديد ويركب الكربيراتير و يخلص هتقابله مشكله صغيره خالص وهى ان الصفيحه الغطى الحديد اللى بيركب فوق الفرن واللى بيتعلق فيها الأكسلاتير مش راضيه تركب.. وديه حلها بسيط بيقصها من تحت قرب زور الفرن بس متخلهوش يقص جامدعلشان ليها فايده انها بتحوش السخونه بتاع الفرن وبالأخص للناس اللى مش مركبه ليباد في الدواسة بتاع العربيه من جوه
الصفيحه بتتقص بالشكل ده>>>





بعد ما تخلص أنشاء الله وتركب العربيه هتلاقى دخان من الكبوت ماتخفش ده السليكون اللى حاطه الميكانيكى بين الفرن ووش السلندر بيختفى بعدها بربع ساعه او نصف ساعه بالكتير

النتيجه كانت مذهله بكل المقاييس العربيه ملهاش صوت نهائى من قدام وكل ما ادوس بنزين اسمه رنة الشكمان من ورا واتمزج بالأضافه لان المكنه كانها أنجيكشن هدوء وسحب عالى ومغرية فى الجرى جدااااااا
فعلا تجربه رائعه وكانت تستحق أن انقلها للمنتدى المحترم بتعكم
وكل سنه وانتم طيبين ومستعد لأى استفسار

[star_poison]

برجاء التثبيت لأنه موضوع مهم جدااا وانا تعبت فيه جدااا وأى استفسار من الأعضاء انا موجود
واتمنى من المشرف حذف اى موضوع تانى مكرر لان كان عندى مشكله فى رفع الصور على المنتدى والمواقع الاخرى لان كان حجم الصور كبير وشكرا

[ahmed344]

فكرة كويسة ونستنى راى الاعضاء الخبرة وممكن اتعرف عليك علشان عاوز اعمل كدا علشان صوت الموتور عندى عالى شوية

[احمد على 1999]

ما شاء الله موضوع و مجهود مميز
جزاك الله كل خير

[mr_astra]

موضوع جميل جدا
الله ينور عليك
التثبيت مش من صلاحياتى
فى فكرة تانى تفى بالغرض
تركيب وصلة مرنة بـ 120 جنية بعد الفرن مباشرة