|
#1
27-02-2013, 01:36 AM
|
|||
|
|||
تجربتي مع هوندا برليود 1988
السلام عليكم جميعا
من اسبوعين او اكتر شويه اشتريت عربيه هوندا برليود 1988 اوتوماتيك كامله طبعا اللي يقرا اوتوماتيك وكامله دي يقول عربيه اوعي وشك وده غير الحقيقة كنت ذكرت في موضوع قبل كده اني اشتريت العربيه دي من صاحبها اللي سافر وسابها مرميه زي الجثة رغم انه كان بيجددها واشترالها صاج جديد كامل واشتري موتور بفتيس جديد ورغم كل ده اول ما جاله السفر سابها للصنايعيه وسافر وكلكم عارفين يعني ايه ترمي العربيه عند الصنايعي يعني كل واحد هيعك فيها شويه وده اللي حصل .... العربيه بدل ما المفروض انها ترجع زيرو بعد الصاج والموتور والفتيس والرش ... لكن ده محصلش واللي حصل ان العربيه اتقفلت زي الزفت والرش والبوهيه زي الزفت برضه ناهيك عن الفرش المتبهدل عارف ان فيه ناس هتسالني وانت تشتري عربيه زي دي ليه السبب الاول ان سعرها مريح جدا السبب التاني انها اوتوماتيك بماتور جديد السبب التالت ان الصاج برضه جديد السبب الرابع ان العربيه من ناحسة الشاسيه وكده عشرة علي عشرة ومرشتش دواخل طبعا بعد ما استلمتها وهي زي الصفيحه اخدتها للمكانيكي غيرلها زيت وفلتر ورداخ بنزين وخراطيم وخلافه وكمان نضف الكرابرتير وعمل عمرة للفرامل لانها تقريبا مكانش فيها فرامل خالص وبعدين روحت علي الكهربائي اللي ركب فوجات الشبورة والاشارات والفوانيس وطبعا كل ده اشتريته واخيرا وليس اخرا روحت لبتاع الفبر عشان يعمل اشارتين قدام جنب الفوانيس الاماميه لاني ملقتهمش عند بتوع قطع الغيار وقابلتني مشكله كبيرة شويه الفبرة اللي بين البرفيز الامامي والكبوت مش موجوده لا هي ولا المساحات ولا المكن بتاعهم وانا محتاج الحاجات دي عشان المفروض ان العربيه هتروح تفحص وتركب نمر جديدة وعلي فكرة صاحبها قبل ما يسافر خلص كل ورقها في المرور وثبت الموتور الجديد ودلوقت هي واقفه علي انها تروح الفحص وطبعا عشان العربيه صرفت عليها اكتر من الفين جنيه والعمليه خرفت معايا قلت اتصرف واعملها اي حاجه واحد قالي انها ممكن تتعمل صاج بس هتتكلف شويه واحد تاني قالي ممكن تروح لبتاع الفبر وتخليه يعملك واحده علي ادها بس لاقيت برضه ان كلفتها عاليه الحل المثالي كان اني انزل الحرفيين وادورلها علي فبرتها الاصلية وخلاص بس لاني مزنوق ماديا ومفيش وقت ان انزل وكمان عدم معرفتي بسعرها كل ده عملي مشكلة ففكرت في حل روحت لبتاع الفبر والازاز بتاع البوابات والشبابيك وطلبت منه يقطعلي حتة فبره علي اد المكان الفاضي وحصل وركبت الفبرة وشكلها مش بطال وماشي الحال فاضل بس اركب المساحات بالمكن بتاعها ومعنديش اي فكرة اذا كانت العربيه ينفعلها اي نوع مساحات ولا لا فقولت اسالكم بالمره وياريت حد يجاوبني المره دي بصراحه العربيه من يوم ما اخدتها من عند الميكانيكي وهي زي الفل ماعدا بس ان صوتها في الاول بيكون عالي وعرفت ان العيب من الشكمان ورحت لواحد بتاع شكمانات وقالي دي عايزة شكمان ... وانا شايف بعيني الشكمان جديد فقلت اروح لواحد تاني وفعلا التاني قالي ان الشكمان جديد بس فيه ماسورة ملحومة غلط والحل انها تتفك وتتعمل تاني وحصل والحمد لله صوت العربيه بقي رايق وكله تمام مش قادر اقولكم اد ايه ان مبسوط من العربيه وادائها بحس اني راكب عربيه بجد وعلي السريع اوعي وشك طيارة يا ابويا المكنه والكهربا تمام لكن لسه بقي شوية تظبيط ربنا يعني عليهم لاني بجد افلست ان شاء الله هصورها واحطلكم صورها ياريت يا جماعه لو اي حد يعرف اي حاجه عن الفبرة والمساحات بالمكن واسعارهم ميبخلش عليا وساعدوا اخوكم الهنداوي المستجد 
|
|
#2
31-03-2015, 01:35 PM
|
|||
|
|||
|
رد: تجربتي مع هوندا برليود 1988
استاذ سعيد انا فخور جدا بمجهود حضرتك و اتمني بعا انك تكون لقيت الفبره و الحجات الي بتسال عليها و احنا دلوقتي عملنا جروب علي الفيس بوك لملاك الاكوردو البريليود تقدر تنضمله و هتلاقي ناس كتير تفيدك
https://www.facebook.com/groups/3403...05036/?fref=ts
|
 |
| أدوات الموضوع | |
|
|
