|
|||||||
| بروتون PROTON شركة بروتون هي الصانع الماليزى الوطني للسيارات. يعود إنشاء الشركة لعام 1983 بناءًا على توجيهات مباشرة من رئيس الوزراء الماليزى آنذاك، د. مهاتير محمد. شركة بروتون القابضة، هي الشركة المسيطرة على بروتون للسيارات. |
 |
|
|
أدوات الموضوع |
|
#1
13-12-2008, 07:57 PM
|
||||
|
||||
بالصور : عمل وصله AUX For Proton Waja CD Player
السلام عليكم و رحمة الله و بركاته كتير من مالكين بروتون واجا كانو بيتسائلو عن طريقة عمل وصله aux ل السى دى بلاير الكلاريون , خصوصا و ان موديلات ماقبل 2007 السى دى اوديو فقط , و ديه كانت نوعا ما مشكله لان طبعا السى دى اوديو سعته محدوده جدا بالمقارنه بال سى دى ام بى ثرى . و كان الحل فى عمل وصلة ال AUX لتوصيل جهاز I Pod , Mp3 , او حتى توصبل الموبايل بال سى دى بلاير و بكده يبقى حلينا مشكله السى دى اوديو " تحديدا لموديلات ماقبل 2007 " . اولا - الادوات المطلوبه :- 1- واصلة ال AUX ( تمنها 3 جنيه ) . 2- مفك صليبه . 3- بكرة شكرتون صغيره . 4- مقص صغير . 5- فوطه للتنظيف . 6- مفك عاديه " مبطط ". 7- منديل ورقى . 8- وصله للموبايل او الاى بود " لو حنوصل موبايل او اى بود " ثانياً - خطوات العمل :- * اهم شى هو الحرص فى التعامل مع وش الكنسول " الفريم " و اتباع الخطوات بالتفصيل . ----------------------- 1- وصله 3,5 لموبايل سونى اريكسون ( فى وصلات لجميع الموبايلات - نوكيا , سامسونج .... و الاى بود ) , لو حتوصل ام بى ثرى مش حتحتاج اى توصيلات اضافيه 2- مفك صليبه 3- وصلة ال AUX  ----------------------- 1- حنشيل الدواسه الجلد الصغيره الموجوده تحت طفايه السجاير و الولاعه ( و ديه بتتشال بسهوله جدا بنرفعها من قدام و من الجمب فى حواف جلد مجرد لما نشدها بتطلع كلها ) . 2- بعد ما نشيل الدواسه الجلد الصغيره حنلاقى تحتيها المسمار ده الى فى الصوره حنفكه ( هو المسمار الوحيد الى رابط فريم الكنسول ) .  ----------------------- نيجى لاهم خطوه الى محتاجه حرص " فك فريم الكنسول " 1 - حنفك مقبض الفتيس ( حنلف المقبض Anti-clockwise عكس عقارب الساعه ). 2- حنلف المفك العاديه " المبطط " بقطعة منديل " علاشان منجرحش التابلوه او الكنسول " و ندخله فى الفراغات الموجوده اعلى الفريم " مكان الخطين الحمر فى اعلى الصوره " علاشان نفك الكلبسين الى فوق " مكان السهمين الحمر الى فوق " . 3 - حنشد الفريم لورا من الاربع اماكن الى عليها " اسهم حمرا " مكان الكلبسات بحرص . * نخلى بالنا ان فى خمس ذوائد بلاستيكيه " موجوده مكان الاسهم الصفراء " . * لما نيجى نشد الفريم نشده لوره بس ماينفعش نشده فوق و ألا حنكسر الذوائد البلاستيكيه الى ماسكه الكنسول من تحت .  ----------------------- ده شكل الفريم بعد ما اتفك . و واضح اماكن الاربع كلبسات  ----------------------- و ده شكل الذوائد البلاستيكيه الى ماسكه الفريم من تحت  ----------------------- حنفك الاربع مسامير الى ماسكين السى دى بلاير " الاربع مسامير الى جمب الاسهم "  ----------------------- مافيش اى مسامير تانيه حتتفك . بمجرد مانفك الاربع مسامير الى فوق السى دى بلاير حيتطلع معانا بدون مشكله  -----------------------  ----------------------- حنفك التوصيلات الى ورا . *( الخطوه ديه مش لازم نعملها . انا فكيت السى دى بلاير علاشان كنت عاوز اصلحه فى توكيل كلاريون , لكن علاشان نوصل الوصله مش لازم نفك توصيلات السى دى بلاير ) .  ----------------------- شكل التوصيلات بعد مافكينا السى دى بلاير . 1- الفيشه الصغيره السوده الى على الشمال خاصه بزراير التحكم الى فى طاره الدركسيون 2- الفيشه الرمادى و الصفراء خاصه ب الباور و الصوت " نخلى بالنا اننا منعكسهمش الفيشه الرمادى بتتوصل تحت و الصفرا فوق " 3- جاك اريال الراديو .  ----------------------- شكل الكنسول بعد مافكينا الفريم و السى دى بلاير  ----------------------- شكل السى دى بلاير من ورا . *حنوصل وصلة ال AUX فى الجاكين المتوصلين بالسلك الاحمر .  ----------------------- الجاكين المتوصلين بالسلك الرمادى خاصين بتوصيل الامبلفاير ملناش دعوه بيهم و نخلى بالنا اننا نوصل التوصيله فى جاكات السلك الاحمر فقط .  ----------------------- حنجيب وصله ال AUX و ندخل الجاك الاسود فى فتحه السى دى بلاير فى الكنسول من ناحيه الشمال و حنلاقى فى فراغ ننزل الجاك لتحت وننزل للفتحه الى تحت نمد ايدنا لجوه نشده بايدنا السلك من الفتحه الى تحت االولاعه و طفايه السجاير . و حيبقى شكلل الوصله زى ما فى الصوره بالظبط الجاكين الاحمر و الابيض طالعين من فتحة السى دى بلاير فوق , و الجاك الاسود تحت .  ----------------------- حنوصل الجاك الاحمر مع الاحمر , و الجاك الابيض مع الاحمر الفاتح زى الصوره .  ----------------------- حنلف عليهم شكرتون علاشان مايلمسوش فى حاجه و علاشان مايتفكوش لو حد شد الوصله جامد .  ----------------------- حنركب الوصلات و الفيش كلها زى مافكنيها بالزبط و نركب السى دى بلاير. * قبل مانركب فريم الكنسول لازم نجرب الوصله ( نوصل ام بى ثرى او موبايل و نتأكد ان الوصله سليمه و ان الصوت استرييو و طالع من السماعات الاماميه و الخلفيه ) .  ----------------------- شكل الكنسول بعد ماركبنا كل حاجه زى الاول  ----------------------- وده شكل الوصله بدون مانخرم فى حاجه او نبوظ شكل الكنسول .  الموضوع كله بياخد تقريبا نص ساعه بالفك و التركيب . اجمل مافى الموضوع انك حتعمل كل حاجه بايدك و اكيد حتكون اكثر حرصا من العامل الى حيفك و يركب ومش حيكون فى اى تجاريح او خدوش او خسائر مكان الفك و التركيب . لو حد عنده اى استفسار انا تحت امركم . اتمنى ان الموضوع يحوز على اعجابكم  WAJA  Engineered To Exhilarate 
|
|
#2
13-12-2008, 10:10 PM
|
||||
|
||||
|
رد: بالصور : عمل وصله AUX For Proton Waja CD Player
حقيقي مجهود وموضوع اكتر من رائع.
شكرا جزيلا.
|
|
#3
14-12-2008, 10:41 AM
|
||||
|
||||
|
رد: بالصور : عمل وصله AUX For Proton Waja CD Player
جزاك الله خيرا يا أ/مهاب
فينك من زمان
__________________
مقولة مأثورة (اللَّهُ يَنْصُرُ الدَّوْلَةَ الْعَادِلَةَ وَإِنْ كَانَتْ كَافِرَةً وَلَا يَنْصُرُ الدَّوْلَةَ الظَّالِمَةَ وَإِنْ كَانَتْ مُؤْمِنَةً)
|
|
#4
14-12-2008, 11:04 AM
|
||||
|
||||
|
رد: بالصور : عمل وصله AUX For Proton Waja CD Player
مجهود متميز وطريقة عبقرية وعملية جدا بس طبعا محدش يعمل الطريقة ديه بنفسة الا بحرص شديد علشان ميبوظش حاجة او لو معندوش مهارة العمل اليدوى يبقى افضل يروح لمتخصص يعملها على ايدة
تسلم ايدك يا مهاب على الشروحات القيمة والمواضيع الرائعة اللى بتتحفنا بيها دايما ptmnlo123per1126
|
|
#5
14-12-2008, 11:25 AM
|
||||
|
||||
|
رد: بالصور : عمل وصله AUX For Proton Waja CD Player
بجد موضوع رائع يستحق التقدير و تسلم ايدك بجد
__________________
 سبحان الله و بحمده سبحان الله العظيم اذكروا الله اللهم اغفر للمسلمين و المسلمات و المؤمنين و المؤمنات الاحياء منهم و الاموات
|
|
| الكلمات الدليلية |
| proton waja aux, proton waja cd player, waja, واجا, وصله aux ل بروتون واجا |
|
|
