wAJA_2006

[wAJA_2006]

63000 جنيها

موديل 2006 | 49000 كم
واجا بريميوم .. اعلى فئه .. جميع الكمليات حساسات وفرش جلد مريات كهرباء ضم و ايرباج و فرامل اي بي اس مع مانع للنزلاق و تحكم الكاست فى الطاره و جنوط 16 .. حاله العربيه ممتازه

للاستفسار : 0106782858

[medhatr]

العربيه دى تعمل 53000 الف جنيه

[MANDO09]

اشتريها ب 52 ألف كاش مونى

[luckyman]

سيارة جميله وهى قريبة جدا فى خطوطها من vw او السكودا برغم انها ليست اى منهما الا انها صفقة جيدة

[Fakhr]

السلام عليكم جميعا
بخصوص التوكيل والكلام عن واجا 2010
فقد قمت بزيارة التوكيل للتعرف على نوعيات البروتون حيث أننى لم أعرف عنها الكثير ولكن بعد قراءتى الكثير من المعلومات والخبرات عن بروتون بصفة عامه توصلت لإختيار الواجا حيث أنها عائلية وبها العديد من الكماليات الجيدة مقارنة بالسعر ومقارنة بمثيلاتها فى السوق من الماركات الأخرى وحين ذهبت للتوكيل وجدت أن الواجا 2009 هى الموجودة فى المعرض بلونين فقط هما الأسود والفضى بالإضافة لوجود عدد حوالى 4 سيارات لم تباع حتى الآن وكان من الواضح أنها مهملة جدا من حيث النظافة وخربشة الدهانات والأتربة من داخل الصالون مما أعطانى إيحاء بأنها مستعملة فقمت بسؤال المسؤول فأكد لى أنها جديدة وليست بمستعملة وأنهم(التوكبل) قام بعمل تخفيضات عليها حتى يسهل بيعها والتخلص منها لاستقبال موديل 2010 والذى أخبرنى المسؤول أنها لازالت بالجمارك وهى أيضا ستتوفر بنفس اللونين وبنفس الشكل بزيادة فى بعض الأبشنز(الكماليات) مثل ايرباج وحساسات ركن،، وأنها ستتوفر فى خلال اسبوعين بالمعارض وإذا أردت أن أشترى عليا أن أحجز وأدفع مبلغ رمزى أولا حتى يتمم إجراءات البيع
المهم بعد حوار طويل للتعرف على المزيد من المعلومات عنها لدى مجموعة من الأسئلة:
1- هل فى حد من حضراتكم يعرف مدى مصادقية هذا الكلام من عدمه عشان انا قلقت من منظر العربيات المركونة فى المعرضى اللى واضح ان بقالها مده كبيرة وده حسسنى انهم مهملين فى الماركة دى ومش فارقه معاهم المهم الجيب والحاجات اللى بتجيب أما الغلابة فمش مشكلة؟!
2- ايه اللى يخلينى أتأكد ان الموديل ده 2010 ومش تغيير ورق وخلاص مش يمكن أقل كمان من 2009؟
3- لما اتصلت بيه تانى يوم غير كلامه وقاللى ان العربيات موجودة فى المخازن وجاهزة للبيع بس تحجز (طب ازاى ) وانا عاوز اشوف الموديل اللى حشتريه والعربية اللى حاخدها نفسها قبل اى شئ (وللا هو سمك فى مية) وبعدين تفاجأ بتغييرات وتبقى اتدبست خلاص وتدحل فى مشاكل معاهم وخاصة لو فى بنك فى النص؟!!!
4-هل حد عنده علم إذا كانت تكنولوجيا العربية دn متطورة لدرجة انك متعرفش تعمل صيانه بره التوكيل وللا ايه النظام(يعنى كمبيوتر فحص وكمبيوتر العربية نفسه وقطع غياروخلافه) لأن بصراحه العربية دى دخلت دماغى لأنى كان معايا عربية ألمانى ومش عارف اركب حاجه تانى بس واضح من الكلام ان التوكيل مش مهتم بتحسين خدمته للبروتون ولا ناوى يحسن تسويقها فى مصر مع انه ممكن ينافس بقوة الماركات الأخرى اللى كتير منها مناظر وبس ده بالإضافه ان الواجا واخده 3 نجوم من أصل 5 فى اختبارات الأمان عالميا وبتتباع فى انجلترا بكترة والإنجليز معروف عنهم القوة .
بصراحه التوكيل مقلقنى جدا ياريت حد يطمنى ويفهمنى أتوكل على الله وأكمل وللا اروح للأوبترا اللى كتير رشحوهالى بس هى عربية فاضية ع الاخر وسمعت انها بتاكل بنزين زى كل الأمريكى.