هل يحمل لنا عام 2010 اشكال جديدة لموديلات بروتون !!!?

[MohabSaeed]

المشاركة الأصلية كتبت بواسطة AboNoRa فيه عربيات ناجحة اشكالها بتتغير للاسواء زى الجولف مثلاً وفيه شركات كبيرة زى تويوتا عربياتها ناجحة وتصميمتها من سىء الى اسواء ثالثاً سعر العربية نفسة سهل المصنع يخلية منافس قصاد العربيات التانية المعاد تصميمها او المصممة حديثاً وده الحاصل فعلاً فى موديلات بروتون انها كل سنة بتنزل الموديل تقريباً بنفس السعر وبكماليات اعلى وسعرها مازال منافس جداً قدام النظائر الكورية او الهندية او الصينية او الايرانية مع اختلاف نوعى فى التصميم والهندسة طبعاً لصالح بروتون انا شخصياً راضى عن الوضع الحالى بس اتمنى ان يكون فيه تنوع على مستوى الموديلات (توسع افقى)

متفق مع كلامك يا ابو نورا 100 %

المشاركة الأصلية كتبت بواسطة Ahmed Anwer أنا للأسف مش عايز أرد علي الموضوع ده لأني شايفها نقطة ضعف بروتون يعني فضلت تنتج الويرا اللي هيا ميتسوبيشي موديل اوائل التسعينات بنفس الشكل و الواجا نفس الحال رغم انها عربية محترمة جدا لكن لما تقارنها باشكال السيارات الحديثة من فئتها زي الالنترا و الكورولا و السيفيك و اللانسر و السيراتو تحس انها قادمة من أواخر التسعينات و لا تقارن بيهم فقط الجين 2 و البيرسونا هما اللي كانوا مجاريين لاشكال عصرهم و متفوقين كمان و طبعا شفنا النتيجة انتشار ساحق من غير دعاية لأن اول شء بيشد المستهلك شكل العربية و يا سلام لو فيه لمسة حداثة

لا يا استاذ احمد اكيد يهمنا نسمع رأيك .

اسمحلى انا حبدأ من اخر نقطه حضرتك ذكرتها .... للاسف غالبيتنا مش بيبص لشكل العربيه على انه شى اساسى فى قرار الشراء ... و ده للاسف منطبق على حاجات كتير فى حياتنا مفتقده للشكل الجمالى فى كل حاجه ....

يعنى هل معقول ان الكورولا الشكل القديم شكلها حلو ؟ ديه كنبه متحركه باربع عجلات و الناس كانت بتشتريها ب 100 الف جنيه و مفهاش غير تكيف و باور علاشان اسمها تويوتا !!! .. اكيد مش علاشان شكلها حلو " و حتى الجديده شكلها مش احسن حالا و مفتقده لاى خطوط جماليه " .

هل الماتركس شكلها حلو ... لا بس تعتبر عربيه عمليه و الشكل مش هو العامل الاساسى فيها انما العمليه و برده منتشره انتشار ساحق .

الانسر الى مش بتتباع غير عندنا فى مصر و مش معروفه على مستوى العالم غير بفئه الايفوليوشن برده شكلها مش ثورى ولا ملفت و مع ذلك مغرقه الشوارع .

الاسبرانزا ال213 !!!@#%$^!!! و ال516, الانوس . الفيرنا .................. و الليستا طويله .

و مع ذلك عربيه زى بروتون واجا نزلت من سنه 2000 ...و العربيات الى كانت فى فئتها فى نفس الوقت كانت بالشكال ديه .....

--------------------



--------------------



------------



------------------



----------------




-------------------
----------------
------------
---------
-----
--






--------



بالنسبالى كشكل و تصميم الواجا تتفوق عليهم بمراحل .

----------------------------

* الويرا كانت بتنتج من سنه 95 و حتى سنه 2005 ...بس بالرغم من كده كانت متفوقه على الفيرنا و الانوس الى هما من نفس الفئه و كانت ارخص منهم سعرها و فيها كل الكماليات و الرفهيات الى موجوده فيهم + انها كانت اوسع بكتير منهم و اثيت بمراحل على السرعات العاليه .... و كشكل تعتبر عاديه مش فارقه كتير عن الانوس و الفيرنا الى لسه بينتجو لحد دلوقتى و تمنهم 70 الف جنيه !

* الواجا الحاليه سعرها مانيوال 82 الف جنيه , اوتوماتك 87 الف جنيه فل اوبشن " فل اوبشن بجد مش مجرد ازاز كهربا و سنتر " + جنط 15 - 195 , ABS+EBD , AIR BAGS , باركنج سينسور , كاست ام بى ثرى بتحكم من الدركسيون , ريموت كنترول + ايموبليزر ............ و حاجات تانيه كتير . + شاسيه بالتعاون مع فولفو و ميتسوبيشى و تعديل كامل من لوتس .

*الالنترا الاوتوماتك ب 100 الف جنيه و بيقولو عليها فل اوبشن و هى هاف اوبشن بالمقارنه بالواجا... و اغلى فى السعر ... كفايا الانذار الى بيشتغل لوحده و الكاست التعبان الى مركبه غبور عند واحد فى الشارع علاشان يوفر كام جنيه !!ptmnlo123per111

السيراتو اوتو اول فئه ب 104 الف

لانسر اوتو اول فئه 135 الف

كورولا .. 145 الف

سيفك .. 150 الف

يعنى فرق سعر بين الواجا و بينهم بالنسبه للاوتو بيبدأ من 13 الف : 63 الف

بصراحه الى معاه يجيب من اول السيراتو لحد السيفك ... اكيد مش حيفكر فى الواجا الى87 الف .... , و بصراحه بالنسبالى لو معايا المبلغ ده ... مش حفكر فى اى عربيه فيهم و حجيب عربيه اوروبى بنفس السعر و بالنسبالى حتكون اقيم بكتير... فورد فوكس ... " التحفه فيات برافو ".. سيات ليون ..308 .

* الواجا تتقارن بالاوبترا , الصنى . الانسر القديمه ...و بالمقارنه بيهم فهى سعرها اقل و بكماليات اعلى و بشاسيه و موتور افوى و بعوامل امان اعلى .

[Ahmed Anwer]

ماحنا مبنتكلمشي عن مقارنة عامة ،، السعر - الامكانيات - الخ

إحنا بنتكلم في نقطة الشكل و التصميم فقط ،،

الواجا كان شكلها جميل سنة 2000

بس دلوقتي شكلها عواجيزي قوي ،،

[MohabSaeed]

هى مش شكلها عواجيزى " و ان كان ديه ازواق طبعا " ... هى زى الاوبترا و الانسر و الصنى ..... تصميم بقاله 9 سنين , بس احسن منهم كسعر و كماليات و ثبات .
ان شاء الله الموديل الجديد من الواجا نازل كمان سنه او سنه و نص ... بابعاد اكبر و موتور " قريت " انه حيكون CPS تيربو يعنى بنتكلم فى 160 حصان تقريبا .
اعتقادى انها حتبقى الافضل فى فئتها ... بس كلو بتمنه :-) .

[islam_galal]

أنا معجب جدا بالحوار و باتابع لإني فعلا معجب بشركة بروتون و نفسي تستمر و ربنا يكرمهم بوكيل محترم أكثر
أتخيل إن لو أبو الفتوح أخد توكيل بروتون بدل توكيل شيري ، كانت بروتون حتغرق مصر

[samer-proton]

المشاركة الأصلية كتبت بواسطة MohabSaeed هى مش شكلها عواجيزى " و ان كان ديه ازواق طبعا " ... هى زى الاوبترا و الانسر و الصنى ..... تصميم بقاله 9 سنين , بس احسن منهم كسعر و كماليات و ثبات . ان شاء الله الموديل الجديد من الواجا نازل كمان سنه او سنه و نص ... بابعاد اكبر و موتور " قريت " انه حيكون CPS تيربو يعنى بنتكلم فى 160 حصان تقريبا . اعتقادى انها حتبقى الافضل فى فئتها ... بس كلو بتمنه :-) .

والله ياباشا فرحتني عنجد انا فرحان جدا بهذا الخبر الجامد جدا شكرا شكرا شكرا تصدق انا كنت مفكر بيع الواجا واخد جين 2 بس رح انتظر جوجو الجديدة وممكن ان بروتون تنافس سوبارو امبريزا 2000 سي سي 160 حصان وتتغلب على الاوبترا والصني واللانسر والكورولا تصدق لو طلع الخبر عنجد انا اول واحد رح اشتري جوجو الجديدة واعمللكم ريفيو كامل لتحفة بروتون :-) تحياتي مهاب باشا