كل شئ عن البرسونا

[محمدالسيدعبدالله]

ان شاء الله انا ناوي اجيب البرسونا 2012 او 2013 لانها عربية عائلية و وسائل امان و اوبشن و حجات كتير بس خايف من التوكيل و العربية لانها مش منتشرة اوي فياريت يا جماعة الكل يفيدني عنها وعن كل شئ عنها و خصوصا التوكيل و الاعتمادية لاني هسافر بيها كل يوم فوق 200 كيلو ان شاء الله و استهلاك البنزين و اسعار قطع الغيار و شكرا جزيلا لحضراتكم

[Mohamed Dahab]

بس يا باشا الف مبروك مقدما بس ياريت توضح نوع العربية الحالية لانها هتفرق
لان البرتون من الداخل مش واو يعنى (التابلوة, الاضاوة, الكراسى و الفرش) و التقفيل عامة من سىء لمقبول
جوة البلد العربية بتستهلك بنزين كتير
العفشة ناشفة بس حلوة
الموتور بسم الله ما شاء الله

[محمدالسيدعبدالله]

بص يا باشا اي عربية جديدة حاليا هتكون احسن من العربية الي معايا لانها قديمة اوي وانا محتار اوي بين البرسونا و التيجو بس خايف من التيجو عشان صيني عشان كدة استقريت علي البرسونا

[محمد حسني]

المشاركة الأصلية كتبت بواسطة محمدالسيدعبدالله بص يا باشا اي عربية جديدة حاليا هتكون احسن من العربية الي معايا لانها قديمة اوي وانا محتار اوي بين البرسونا و التيجو بس خايف من التيجو عشان صيني عشان كدة استقريت علي البرسونا

اختيار موفق بإذن الله.

مميزات البرسونا تتخلص فيما يلي:

1- موتور قوي وفتيس رائع وتصميم متميز، تناغم نادر الوجود بين الموتور والفيتس وتصميم العربية قلما يوجد في عربية في الفئة السعرية ذاتها، أو حتى أعلى منها.
2- سحب قوي على السرعة العالية أو السرعات المنخفضة وخصوصًا بعد تعديل IAFM.
3- شاسيه متين وصاج قوي ذو سُمك كبير.
4- عفشة رياضية متعددة الوصلات
5- ثبات رهيب وقدرة فائقة على التحكم والسيطرة Lotus Ride & Handling
6- أمان عالي وسائد هوائية ونظام فرامل ABS وEBD
7- شكل ثوري متميز خصوصًا مع التعديل 2011 الشبكة والفوانيس LED والمرايات ذات الإشارات وتحسين جودة التقفيل الداخلي إلى حد ما، والمسألة تختلف من شخص لآخر باختلاف الأذواق والميول.
8- سعر تنافسي للغاية حتى بعد الزيادة؛ السعر 2013 وصل 99 ألف جنيه أوتو كاملة.
9- صناعة إسلامية ماليزية خالصة بخبرة عملاق السباقات الشهير Lotus بعد الاستحواذ عليها من قِبل بروتون.

العيوب

1- مشاكل تقفيل بسيطة تُعالج في صيانة 1000 كيلو، كتزييق الكنبة الخلفية، تعليق في مفتاح أو زر ما، مكنة زجاج تقيلة، الأبواب تقيلة في الغلق والفتح، ولا تتجمع هذه العيوب في عربية واحدة، وقد لا تظهر من الأساس.
2- الخامات الداخلية بلاستيكية تعطي إحساس بالاسترخاص والرداءة، المسألة أذواق.
3- صوت الموتور عالي نوعًا ما، إن كان ده مقصود عشان الانطباع الرياضي.
4- استهلاك البنزين عالي إلى حد ما داخل المدينة خصوصًا مع نمط القيادة الرياضية، سحب وشد وغرز وفرامل فجأة وما إلى ذلك. إنما على الطرق السريعة، فهي مثالية في توفير الوقود خصوصًا مع السرعات المنتظمة الثابتة.
5- قطع الغيار غير متوفرة بكثرة مقارنةً بالكوري مثلاً، وإن كانت موجودة، وسعرها أعلى شوية من الكوري. قطع الغيار الاستهلاكية متوفرة، إنما الأجزاء الأخرى، مثلا نظام الوسائد الهوائية، أو علبة دريكسون، أو باب أو شنطة ما ينجم الحوادث من تلفيات لا قدر الله، فقد تكون غير متوفرة، وتنتظر لما التوكيل يجيبها من ماليزيا.
6- توكيل العربية عز العرب مش مهتم بيها، فضلاً أن الأراء حوله تترواح من سيء إلى مقبول، وقليل من يُشكر فيه.
7- سعر إعادة البيع مش قوي.
8- الصاج قوي ومتين لكن الدهان اقتصادي، فممكن يتقشر بفعل الزلط والحصى على الطرق السريعة مثلاً.
9- العفشة رياضية ناشفة إلى حد ما، ولكن ده في مقابل الثبات والرساوة العالية.

هذا التقرير البسيط ليس بناءً على تجربة شخصية، بل استنادًا إلى دراسة متعمقة امتدت شهور طويلة، وخبرات ملاك العربية وتجاربهم.

واتمنى أن يكون مفيدًا لك، وربنا يوفقك.

[محمدالسيدعبدالله]

المشاركة الأصلية كتبت بواسطة محمد حسني اختيار موفق بإذن الله. مميزات البرسونا تتخلص فيما يلي: 1- موتور قوي وفتيس رائع وتصميم متميز، تناغم نادر الوجود بين الموتور والفيتس وتصميم العربية قلما يوجد في عربية في الفئة السعرية ذاتها، أو حتى أعلى منها. 2- سحب قوي على السرعة العالية أو السرعات المنخفضة وخصوصًا بعد تعديل IAFM. 3- شاسيه متين وصاج قوي ذو سُمك كبير. 4- عفشة رياضية متعددة الوصلات 5- ثبات رهيب وقدرة فائقة على التحكم والسيطرة Lotus Ride & Handling 6- أمان عالي وسائد هوائية ونظام فرامل ABS وEBD 7- شكل ثوري متميز خصوصًا مع التعديل 2011 الشبكة والفوانيس LED والمرايات ذات الإشارات وتحسين جودة التقفيل الداخلي إلى حد ما، والمسألة تختلف من شخص لآخر باختلاف الأذواق والميول. 8- سعر تنافسي للغاية حتى بعد الزيادة؛ السعر 2013 وصل 99 ألف جنيه أوتو كاملة. 9- صناعة إسلامية ماليزية خالصة بخبرة عملاق السباقات الشهير Lotus بعد الاستحواذ عليها من قِبل بروتون. العيوب 1- مشاكل تقفيل بسيطة تُعالج في صيانة 1000 كيلو، كتزييق الكنبة الخلفية، تعليق في مفتاح أو زر ما، مكنة زجاج تقيلة، الأبواب تقيلة في الغلق والفتح، ولا تتجمع هذه العيوب في عربية واحدة، وقد لا تظهر من الأساس. 2- الخامات الداخلية بلاستيكية تعطي إحساس بالاسترخاص والرداءة، المسألة أذواق. 3- صوت الموتور عالي نوعًا ما، إن كان ده مقصود عشان الانطباع الرياضي. 4- استهلاك البنزين عالي إلى حد ما داخل المدينة خصوصًا مع نمط القيادة الرياضية، سحب وشد وغرز وفرامل فجأة وما إلى ذلك. إنما على الطرق السريعة، فهي مثالية في توفير الوقود خصوصًا مع السرعات المنتظمة الثابتة. 5- قطع الغيار غير متوفرة بكثرة مقارنةً بالكوري مثلاً، وإن كانت موجودة، وسعرها أعلى شوية من الكوري. قطع الغيار الاستهلاكية متوفرة، إنما الأجزاء الأخرى، مثلا نظام الوسائد الهوائية، أو علبة دريكسون، أو باب أو شنطة ما ينجم الحوادث من تلفيات لا قدر الله، فقد تكون غير متوفرة، وتنتظر لما التوكيل يجيبها من ماليزيا. 6- توكيل العربية عز العرب مش مهتم بيها، فضلاً أن الأراء حوله تترواح من سيء إلى مقبول، وقليل من يُشكر فيه. 7- سعر إعادة البيع مش قوي. 8- الصاج قوي ومتين لكن الدهان اقتصادي، فممكن يتقشر بفعل الزلط والحصى على الطرق السريعة مثلاً. 9- العفشة رياضية ناشفة إلى حد ما، ولكن ده في مقابل الثبات والرساوة العالية. هذا التقرير البسيط ليس بناءً على تجربة شخصية، بل استنادًا إلى دراسة متعمقة امتدت شهور طويلة، وخبرات ملاك العربية وتجاربهم. واتمنى أن يكون مفيدًا لك، وربنا يوفقك.

بسم الله ما شاء الله جبت المفيد يا باشا الف شكر لحضرتك و ياريت لو حد من الاعضاء عندة راي تاني يفيدنا بية برضو