ساجا 2013

[Emgrand]

المشاركة الأصلية كتبت بواسطة abolo2 مش فاهم يعني اية كمية المشاكل ممكن نوضح اكتر

1-استهلاك بنزين سفاح وغير مناسب اطلاقا لعربيه 1300 والبنزين هيغلى يا معلم
2-مساعدينها ضعيفه بتحتاج تتغير
3-بعض العربيات بها مشاكل بعلبه الدركسيون اخر ثمن لها 5500 بالتوكيل
4-الريموت به مشكله (مداه ضعيف-بياكل الحجر-بيحتاج تكويد) فى حاجه غلط
5-قطع الغيار غير متوفره باستمرار بالتوكيل وتحتاج حجز بالشهور حتى لو فى الضمان
6-قطع الغيار قليله نسبيا بره التوكيل
7-قطع الغيار نار يا حبيبى نار
8-النقاط السبعه السابقه هى شكوى ملاكها

واخيرا حكم نفسك ودور علي العربيه فى الشارع
العربيه الجيده بتختار زبونها

[alama]

العربيه نازله من شهر صباح الخير انا سألت التوكيل على المانيوال لقيتها بقت 73 الف ولاد اللذينه بعد مكانت 68 الف لا والاعجب من كده ان مفيش حاجه اتغيرت سألت الراجل اى تغيير قالى الموديل بس بدل 12 بقا 13 ليس الا دا الواحد لما كانت ب 68 كان بيفكر ومش مستقر عليها فمابالك بعد الزياده تبقى تغور

[د/محمود عبدالمقصود]

السلام عليكم انا لسا جاي من بره رحت لتوكيل عز العرب بالاسكندريه في الداون تاون و قالوا لي ان العربيه حتوصل بعد 15 يوم تتسلم على طول و السعر بتاع الاوتوماتيك حيكون78500حرام والله كل الزياده دي و زي العاده حتفضل بنفس الالوان الاحمر و الابيض و الاسود و الفضي و الضمان 3 سنين او 100الف كيلومتر ,و لما سألته هو ليه الغلاء ده بعد ما كانت ب72900 اصبحت ب 78500 قال لي اصل الجمارك مبهدلانا !!!!!!! انا من جوايا بقوله يا راجل اتقي الله ده الجمارك بتقل كل سنه على العربيات الاوروبي يبقى ازاي بتزيد معاكم انتوا

[د/محمود عبدالمقصود]

على فكرة انا اخطأت في حاجه واحده و هي ان العربيه الساجا 2013 الجديده مش حيبقى فيها abs نهائي