حد يرد يا ناس فى دايو جولييت

[lol64]

بالنسبه للسعر موديل 2002 اتباعت قدامى فى شهر 12 2010 ب 48000 بس كانت حكايه

[محمود زيزوو]

عامتا الانوس عربية اعتمادية جدا وعائلية بس مش عائلية قوى يعنى اخرك تشيل فى العربية 4 تبقى كويسة وبالنسبة للاستهلاك البنزين هو احلى ما فى الانوس وقطع غيارها يعنى المجمل العربية كويسة كقطع غيار وتوفير بنزين وهى 1500 سى سى كامة واحدة اللى موجودة فى مصر بصراحة انا سمعت ان فى 1600 سى سى بس عمرى مشوفتها نهائى وعلى فكرة الصفيحة معاك جوة البلد بتعمل حوالى 230 الى 250 كيلو واستهلاك على طريق وسرعة منتظمة 90 100 يعنى بتعمل شغل جامد فى السفر يعنى الفيحة ممكن تمشيك 300 كيلو وممكن يذيد بس اهم حاجة اكشف على العربية كويسة ومتسمعش كلام الصنايعية خالص لان اغلبيتهم مبيفهموش حاجة خالص اطلع على التوكيل او مركز معتمد واكشف كمبيوتر هيديك تقرير مفصل عن العربية والف مليون مبروك

[shams_alld]

السلام عليكم - انا معايا دايو جوليت 1997 وهيا عربية جميلة جدا واقتصادية لحد ما فى قطع الغيار زى اللانوس العادية بالضبط ولكن من عيوبها غير ثابتة بعد 120 كم/س وسعرها دلوقتى تقريبا فى حدود 37000 : 43000 حسب الحالة طبعا دة بالنسبة الى الجوليت 1

[MmFFoR]

بصراحة؟ شوف جولف 2 91 او 92 دواخل فابريكة
حتعمل 28 - 30 الف اخرها
و وضبها على مزاجك - اصرف 5 الاف حتبقى عروسة و احسن من ميت دايوو

[بدر بسيونى]

العربية بمحرك 1498 سى سى مكون من 8 صمام يولد 86 حصان عندج 5400 RBM

اقصى عزم لها 130/3400 Nm/RPM

طولها 4074 مم وعرضها 1679 مم وارتفاعها 1433 مم وقاعدة عجلاتها 2520 مم

ارتفاعها عن سطح الارض 175 مم

تسارعها من 0 الى 100 كم/س فى 12,5 ثانية

متوسط استهلاكها للوقود 7.5 لتر لكل 100 كم

مقاس اطارتها175/70 R 13

ووزنها فارغة 1086 كجم

وهى نسخة الدايو اللانوس الهاتشباك وبتنزل ب3 او ب5 ابواب

وكمان فى فئتين للمحرك تانين بس مش نتشرين فى مصر 1300 و1600 سى سى