بعد اغلاق القناة - هنا الترددات الجديدة للجزيرة

المشاركة الأصلية كتبت بواسطة SALAHHAKIM السلام عليكم يا احمد بيك هناك فارق كبير بين ان تنقل الخبر كما هو وأن تعلق وتحلل الخبر من وجهة نظرك مثال سبب دخول امريكا الحرب العالمية الثانية كان بسبب لعبة مخابراتية من انجلترا ونقل تحليل عميل من اليابان لوجهه نظرة لوضع المجتمع الامريكى فى بيرل هاربر (القاعدة العسكريه البحرية ) العميل لم ينقل ما يراة ولكن نقل وجهه نظرة فما كان من اليابان ان صدقت التحليل لجاسوس عديم الخبرة وكان ما كان اما قناة الجزيرة التى شعارها الذى يذاع على الدوام ( فليغرق العالم وتصعد الجزيرة ) لما لم تذكر قناة الجزيرة مكان اكبر قاعدة عسكرية فى الشرق الاوسط ( عديد) وثانى اكبر قاعدة خارج امريكا ابو حميد مثال اخير لو نقلت لى خبراً كاذباً وانا نقلتة للاخرين فكل المتناقلين للخبر يحملو بالذنوب واولهم انت لانك كنت اول من نقل الخبر بدون التدقيق فية انا لا اقصد سوى اعطاء مثال متزعلش يا ابو حميد بس مصر متتستهلش كل البلاوى دي الفتنة نائمة لعن الله من ايقظها

كلامك مظبوط يا ابو صلاح وانا معاك في كل كلمة قولتها بس لو عندك قناة بتراعي ربنا بتنقل الاحداث بما يرضي الله بدون نفاق ما كنا ولعنا في الجزيرة والقنوات اللي زيها لكن لما تفتح الجزيرة وتلاقي الدنيا مولعه والصوره مباشرة من ميدان التحرير ويطلع التلفزيون المصري يقول علي الشباب الجميل اللي رفع رسنا انهم قلة مندسة


قولي انتا بالله عليك اعمل ايه

[sad-bird]

انا كنت من المؤيدين ومن محبي الجزية وانا كنت معاكم هنا يوم 25 بنتابع الاخبار واللي بيحصل في الجزيرة بس بقيت بركز قوي في اللي بيحصل وفي الصور وفي المكالمات واسمع في اماكن تانية واكيد في الاول مكنش التلفزيون المصري لكن من يوم الجمعة والتلفزيون المصري جايب تغطية حية وصورة واقعية للي بيحصل في الجهتين المهندسين والتحرير وكان عارض 4 مشاهد فيديو لكل الوقائع المهندسين والنيل والمنيا والتحرير في نفس التوقيت اللي الجزيرة والعربية عرضت بعد كده مشاهدة التحرير بس والتعليق على الاخبار
وعلشان تفهخم وجهة النظر اكتر
راجع الموضوع ده المشاركات في الموضوع ده من اول المشاركة رقم 1415 وكام مشاركة بعدها وركز قوي فيهم وانت تعرف وتفهم اقصد ايه
http://www.masrmotors.com/vb/showthread.php?t=46686

المشاركة الأصلية كتبت بواسطة sam ram الليه ينور عليك يا ابو حميد ... على فكره انا متابع قناه الجزيره ومش باخد باي كلام يقولوه ... بشوف و بفكر وبيني وبينك ... الصوره خير معبر ... وخير دليل .. ومش محتاجه تعليق يعني كفايه ان الواد يقفل الصوت و يتفرج و يشغل دماغه بعكس الصوره اللي بينقلها التليفزيون المصري للاسف اللي كلها فبركه و نفاق دول كانو جايبين صوره لكوبري قصر النيل و بيقولك الدنيا فاضيه و ابص على اي قناه تانيه الاقي التحرير مليان على اخره وبرضو بتفرج عليها ...علشان اقارن واشغل عقلي ابسط مثال ... المظاهرات المعارضه بقالها اسبوع سلميه ومظاهره التأييد في التحرير كلها بلطجيه و مولوتوف و هجامه ونازلين ضرب بقالهم 3 ايام و سايبينهم مع ان مهزله التأييد ادام التليفزين كان الجيش محاوطها الا من رجل رشيد دا عمار الشريعي الضرير ... شاف بقلبه وفهم .... حسبي الله و نعم الوكيل

الله ينور عليك يا سموحه وهو ده قصدي انا علي فكرة مبسمعش لاي كلمة قناة الجزيرة بتقولها لكن بشوف الفيديوهات بتاعتها بس

ولو كان عندنا خيار اخر كان زمانا شفرنا بنفسنا قناة الجزيرة

[sad-bird]

المشاركة الأصلية كتبت بواسطة corsair كلامك مظبوط يا ابو صلاح وانا معاك في كل كلمة قولتها بس لو عندك قناة بتراعي ربنا بتنقل الاحداث بما يرضي الله بدون نفاق ما كنا ولعنا في الجزيرة والقنوات اللي زيها لكن لما تفتح الجزيرة وتلاقي الدنيا مولعه والصوره مباشرة من ميدان التحرير ويطلع التلفزيون المصري يقول علي الشباب الجميل اللي رفع رسنا انهم قلة مندسة قولي انتا بالله عليك اعمل ايه

المشاركة الأصلية كتبت بواسطة corsair الله ينور عليك يا سموحه وهو ده قصدي انا علي فكرة مبسمعش لاي كلمة قناة الجزيرة بتقولها لكن بشوف الفيديوهات بتاعتها بس ولو كان عندنا خيار اخر كان زمانا شفرنا بنفسنا قناة الجزيرة

لا يا احمد انا مش معاك في الموضوع ده
محدش ينكر التقصير اللي كان موجود في التلفزيون المصري والقنوات المحلية في الاول
لكن بعد كده وخصوصا من اول يوم الجمعة التغطية بقت 24 ساعة على التلفزيون المصري بالاشافة لحوالي 7 ساعات كل يوم على الحياة ودريم والمحور
ده غير التحليلات الموجوده والتقارير اللي بتكون في اخر اليوم
وبعدين لو التلفزيون المصري بيجيب ناس وبيفبرك على كلامك زي ما بتقول
ليه مش تكون الجزيرة كمان بتفبرك هيا كمان والا الجزيرة دي أله وكلامه قرآن ( حاش لله طبعا )

[sam ram]

هي الجزيره فعلا بتركز على نواحي معينه ... محدش يقدر ينكرها
زي ما القناه الاولى برضو بتركز على نواحي معينه
علشان كده بتفرج على الاتنين ... وبكون صوره من التناقض بينهم

المحور واضع تحيزها ...
ال OTV و دريم بينقولو صوره و بيحاولو يتقصوا حقائق فعلا ... مش نقل كلام و خلاص

حديث مصطفى الفقي كان مع او تي في

http://www.youtube.com/watch?v=niPuy0hQUbM