رسالة الى مبارك

[sad-bird]

المشاركة الأصلية كتبت بواسطة mido-spicy حد يعرف هو فين دولقتى ؟؟

على حد احد التعليقات امبارح مش فاكر على اي قناة هو لازال في مصر الي خرج برة زوجته الأولى وولاده بس لكن هو لسه في مصر واتمنى انه يفضل فيها لغايه لما يتحاسب على الاقل

[sad-bird]

المشاركة الأصلية كتبت بواسطة nktis نفسي اشوف وزير الداخليه والماليه بيتحاكموا .............. مكنتش اتصور ان الوزير يامر بلم السلاح من اقسام الشرطه ويفتح السجون ويعمل تسيب امني بالشكل اللي البلد فيه المنطقه عندنا في البحيره ممنامش صاحيين طول الليل حظنا وقدرنا منطقتنا بها سجون كتير اتفتحت

ربنا يكون في عونكم اول لما قالو سجون وادي النطرون قلت ربنا يسترها معاك يا نوح

عرفت اخبار ابن عمتك ايه وايه اللي حصل معاه والا لأ

بالنسبة لموضوع المحاكمة
المالية معتقدش هيتحاكم لكن الشرطة ان شاء الله يتحاكم وامبارح في تعليق للدكتور احمد شفيق رئيس الوزراء لما سألوه عن موضوع المحاكمة لمن تسبب في الموضوع ده رد فيما معناه يتعرف مين السبب ويتحاكم ويُعدم ورجع نوه ان دي وجهة نظره لكن الامور تستقر الاول والناس تلاقي اكلها وندور على المتسببيبن في كل حاجة

[lol64]

لازم يتحاسب
حد يعرف ثروته قد ايه ؟اكيد نهب من مصر كلها
نص متر وفاجر

[amrmohamed1975]

يا جماعة عندي شهادة حق فقط اريد ان اوضحها للناس و الله على ما اقول شهيد المعلومة اللي عندي فعلا فيما يخص موضوع السجون ان الداخلية ليس لها علاقة بفتح السجون و تهريب المساجين الدليل على ذلك ان انا ابن خالتي ضابط فى قطاع مصلحة السجون و فضل لحد يوم الاحد فى مكانه هو و من معه يحاولوا منع خروج المساجين من سجن طره و بالفعل نجحوا بمعاونة الجيش و تعازيزات من الامن المركزي يوم الاحد الساعة السابعة صباحا
و بالعقل كده سجن زي وادي النطرون فيه 8000 مسجون لو كل واحد منهم راح من عائلته 2 بس هيبقي فيه 8000 جوة و 16000 الف بره على كام ظابط و كام عسكري بالاضافة ان حالت الفوض اللي تسبب فيها بالفعل قيادات وزارة الداخلية خلت كل واحد عنده قريب له مسجون يقول اشمعني هوا اروح اطلعه و تخيلوا ان اللي رايح لواحد مسجون مش كلهم بيبعوا سبح يعني اغلبهم تجار مخدرات و قتلة

[MIDO-SPICY]

المشاركة الأصلية كتبت بواسطة nktis نفسي اشوف وزير الداخليه والماليه بيتحاكموا .............. مكنتش اتصور ان الوزير يامر بلم السلاح من اقسام الشرطه ويفتح السجون ويعمل تسيب امني بالشكل اللي البلد فيه

وهل تفتكر ان العادلى كان يقدر يصدر قرار زى دا من نفسه ؟؟