القيادة المانوال .. أم الأوتوماتيك ؟؟؟؟؟

[negro wolf]

يعنى يا شباب تفتكروا لو كل أنواع السيارات

الموديلين المانوال و الأوتوماتيك بنفس السعر

لمن ستكون الغلبة ... و الشباب هتشتري ايه ؟؟

أعتقد الأوتوماتيك

[bmkbmk]

يا باشا الاتوماتك اريح و اسهل بكتير خصوصا فى زحمة مصر
الاتوماتك هو التطور الطبيعى للجير
زى الزجاج الكهرباء و الشنطة الكهرباء و السنترلوك
و صيانته مش صعبه ولا حاجة ... عادى يعنى و حكاية تيل الفرامل و التجميع الضعيف و الكلام ده كله بصراحة انا مش معاه .. يعنى فرق السحب مش باين خالص الا لو كنت جايب العربية تسابق الناس بيها و بتدور على فرق الثانية و النص ثانية
اما تيل الفرامل فا ده سامحنى كلام فارغ حتى لو ليه تأثير لن يتعدى 1 فى الالف

ده رايي

بس فيه ناس بتفضل المانيوال علشان يحسو بالعربية و النقلات و ده السبب الوحيد اللى ممكن تجيب عشانه مانيوال (سبب نفسى و عاطفى)

انا لو مكانك اتوكل على الله و اجيب اتوماتك
و بالتوفيق يا باشا ان شاء الله

[بدر بسيونى]

ياباشا الاتوماتيك مناسب جدا لمصر بالذات فى الزحمة وليه تتعب نفسك طامل ممكن تستريح الا لو كنت غاوى شد وبالنسبة لمشكلة التيل مااعتقدش ان تيل الفرامل غالى اوى كده وكمان راحة اعصابك مش ببلاش ومين قال ان الاتوماتيك مابتصانش عربيات كتير جدا فى مصر اتوماتيك الكلام ده كان زمان

[Kossama]

المشاركة الأصلية كتبت بواسطة dr_abooody انا شايف ان المانيوال مقرف في الزحمة لكن على الطرق السريعة المانيوال افضل لكن مصر دلوقتي عايوة عربية فيها تكييف و اتوماتيك عشان الزحمة و الوقفة الكتير في الاشارات

تمام كده هو ده الكلام

المشاركة الأصلية كتبت بواسطة rafat الاوتوماتك سيئ فى مصر لصعوبة صيانته بجانب هلك تيل الفرامل بسرعة

صعوبة الصيانة كانت زمان. الومين دول كل الناس بيعرفوا يشتغلوا فيه.

أما بالنسبة للتيل فأنا عريتى مانوال وعربية مراتى أوتوماتيك. لايوجد أى فرق فى عمر التيلين عن بعض


إذن الأوتوماتك يكسب

[فادى]

الاوتوماتيك مش اختراع جديد و لا حاجة الاوتوماتيك موجود من الاربعينات و كان اول ظهور له على يد اولدز موبيل فى 1942, و هو مصمم أساسا للمحركات الكبيرة و ليست الصغيرة, عيوبه كثيرة و منها :
- متعة قيادة منقوصة.
- كفاءة أقل فى نقل الحركة من المانيوال العادى, بمعنى أن العزم الذى يصل الى العجل يكون أقل من حالة المانيوال.
- عدم القدرة على التحكم فى النقلات و اختلاف النسب مما يحد من قدرات التسارع.
- ثقل الوزن.
- استهلاك اعلى للوقود.
الميزة الوحيدة فقط هى سهولة القيادة!!
فهل يستحق الأمر؟
بالنسبة لى, الماونيوال أفضل, خاصة انه مع التعود لا تشعر بتغيير النقلات و تصبح هذه المهمة شبه لا ارادية.