مشكله فى الكربراتير..... ضرورى بالله عليكم

[aegaw]

شكرا هجرب بكره ان شاء الله بعد الصلاه كده والله المستعان

[zing0]

لو الباب بتاع السرعة معلق هتلاقى الـRPM (عدد دورات المكنه) عالسلانسية عالى , و مش منتظم (بيزيد و يقل)
لو الشفاط موارب (شبه مقفول) هتلاقى السلانسية عالى , و لو أتقفل زيادة المكنه هتبدأ تبرجل, و لو أتقفل عالآخر هتبطل و مش هتدور

أنا رأيى إن البكات مسدودة (بدليل إن أقصى سرعة بتقول كانت 80)
و حضرتك فى مكان مفيهوش صنايعية
لو هتعرف تفك الكربراتير و تطلع بيك السلانسية و تسلكه يبقى تمام
مش هتعرف يبقى جرب تديها 2 أمبلية بعد متعكس البوجيهات (قنبلتين)
بتعكس أسلاك البوجيه الثانى مع الثالث (بتركبهم مكان بعض)
و بعدين تدور و إنت بتكارك بنزين (دوس متقطع عالدواسة )
هتلاقى الكربراتير بيطلع قنابل علشان كده الأفضل تكون فاكك العمة و فلتر الهواء
الطريقة دى بتستخدم ضغط هوا البساتم (بتاع العادم) لتنضيف الكربراتير
بس دى للضرورة فقط

[aegaw]

شكرا جزيلا

تم الاتصال بالميكانيكى وقالى عندك باب مقفول دوسا على من ناحية الصالون
بمفك عاده طويل لو صوت الماتور بأ عالى يبقى جرب الباب التانى
والحمدلله ضغط على الباب الاول بمقياس الزيت لحد لما الصوت بقا افضل من الاول وبعد كده ظبط المسار علشان الصوت ودنيا الحمدلله تمام ... بس فى ملاحظه .......... لما ازود من الكربراتير الصوت بيفضل عالى
لما ظبط الصوت ودخلت زودت من الدواسه بقيت تمام

الحمدلله على كل حال وشكرا جزيلا ليكم جميعا

[nktis]

طيب تمام الحمد لله و ربنا ييسرك و ييسر لنا جميعا طرقنا و سفرنا .