مشكله حصلت معايا في الالنترا

[holly_man19]

المشاركة الأصلية كتبت بواسطة احمد على 1999 كده فعلا لازم الكشف الجيد على العفشة و الفرامل و يفضل التوكيل و على فكرة عن نفسى اول ما جبت ال i10 كلت مطب صناعى محترم على سرعة 90 لانى لما شوفته متاخر فضلت انى مدوسش فرامل بعدها سمعت صوت احتكاك غريب فطنشت و هما فى صيانة ال 5 تلاف اكتشفوا ان الماستر الخلفى شمال جايب زيت و ساعات بيعلق فغيروه فى الضمان

اولا اشكرك جزيلا لمتابعتك للموضوع وردك السريع
انا فعلا بفكر اروح اكشف عليها فالتوكيل بس للاسف انا حاليا في الاقصر واقرب توكيل في الغردقه يعنى مشوار طويل وخايف لايكون فيها حاجا واكون بضغط عليها اكتر فالمشوار دا
وعلي فكرا انا عملت زيك كدا اما لبست المطب فضلت انى مدوسش فرامل فالمطب بس كنت دايس فرامل قبلها اول ما شوفته فهديتها شويا وبعد كدا رفعت رجلى واكلته والحمد الله

[احمد على 1999]

العفو حضرتك
طيب لما بتحس بالصوت جرب ريح رجلك على الفرامل بسيط و شوف هل الصوت بيروح
بس غالبا ان شاء الله مفيش حاجة جامدة و ممكن فى الصيانة القادمة مع ظبط رجلاش فرامل اليد الصوت بعدها يروح و الله اعلم

المطب اللى كلته كان ايه صناعى و لا حفرة و لا ايه و بعد ما شلت رجلك من على الفرامل دخلت عليه بسرعة كام و هل عدل و لا بزاوية ؟

[kaledma]

السلام عليكم

بالنسبة للصوت اللى فى العجلة

لو الصوت مستمر مع الحركة ومالوش علاقة بدوسة الفرامل يبقى رومان بلى

لكن لو الصوت بيظهر فقط مع دوسة الفرامل ممكن تكون الصاجة اللى بتقفل فوق تيل الفرامل مش مظبوطة من خبطة المطب ودى لا تؤثر ولا تضر

ولو كان الصوت بيروح لو ضغطت فرامل بشدة يعنى تكون دايس فرامل جامد مش سنه بسيطة

لو الصوت راح يبقى التيل بدا يتآكل

واما بالنسبه لصوت ونة الهوا فى اليمين
ممكن تكون المرايه اللى فى الباب
ياريت تجرب تلم المراية وتجرى بالعربية وشوف هتسمع الصوت ولا لأ


لان دى كانت ظهرت قبل كده فى النيسان صنى 2011 والاوبترا وحلها صنفرة خفيفة لدهان المراية

وربنا يسترها معانا جميعا
: 12EA7A~153:

[holly_man19]

المشاركة الأصلية كتبت بواسطة احمد على 1999 العفو حضرتك طيب لما بتحس بالصوت جرب ريح رجلك على الفرامل بسيط و شوف هل الصوت بيروح بس غالبا ان شاء الله مفيش حاجة جامدة و ممكن فى الصيانة القادمة مع ظبط رجلاش فرامل اليد الصوت بعدها يروح و الله اعلم المطب اللى كلته كان ايه صناعى و لا حفرة و لا ايه و بعد ما شلت رجلك من على الفرامل دخلت عليه بسرعة كام و هل عدل و لا بزاوية ؟

انا مش عارف اشكرك ازاى لمتابعتك للموضوع
بس هيا للاسف الصوت مش منتظم مع حاجا معينه يعنى اخر مره سمعته اما كنت مريح رجلي علي الفرامل خفيف

المطب الى اكلته كان صناعى اسفلت الي هوا اكتر من وحده ورا بعض بس مخدتش بالي كنت علي سرعه كام يعنى تقريبا كدا بتاع 40 او 50 بعد الفرمله ودخلت عليه وانا شايل رجلى من الفرامل خالص ودخلت عليه عدل مش بزاويه

[holly_man19]

المشاركة الأصلية كتبت بواسطة kaledma السلام عليكم بالنسبة للصوت اللى فى العجلة لو الصوت مستمر مع الحركة ومالوش علاقة بدوسة الفرامل يبقى رومان بلى لكن لو الصوت بيظهر فقط مع دوسة الفرامل ممكن تكون الصاجة اللى بتقفل فوق تيل الفرامل مش مظبوطة من خبطة المطب ودى لا تؤثر ولا تضر ولو كان الصوت بيروح لو ضغطت فرامل بشدة يعنى تكون دايس فرامل جامد مش سنه بسيطة لو الصوت راح يبقى التيل بدا يتآكل واما بالنسبه لصوت ونة الهوا فى اليمين ممكن تكون المرايه اللى فى الباب ياريت تجرب تلم المراية وتجرى بالعربية وشوف هتسمع الصوت ولا لأ لان دى كانت ظهرت قبل كده فى النيسان صنى 2011 والاوبترا وحلها صنفرة خفيفة لدهان المراية وربنا يسترها معانا جميعا : 12EA7A~153:

وعليكم السلام ورحمه الله وبركاته
اولا اشكرك علي المعلومات القيمه دى
وانا اهوه بحاول اركز مع الصوت كل مركب العربيه بحاول اعرف سببه منين
وربنا يسترها معاك ومعانا جميعا