toyota corolla VS hyundai elantra

[sherifabden]

بسم الله الرحمن الرحيم

النهاردة حبيت اجيبلكم مقارنة بين تويوتا كورولا 2012 وهيوندي النترا 2012 بعد ماشفت العربيتين على الواقع

والمقارنة شاملة المواصفات والاسعار والفيديو

ملحوظات

المواصفات والاسعار انا اللي كاتبهم

والفيديو مش انا اللي عامله

نبدا على بركة الله

المحركات

تاتي تويوتا كورولا بمحرك cvv-i بسعة 1600 سي سي يعمل بنظام الحقن الالكتروني للوقود يتكون من 4 اسطوانات في خط مستقيم ويتكون من 16 صمام بمعدل 4 صمام لكل سلندر ويتكون من كامة علوية مزدوجة يولد قوة مقدراها 122 حصان وعزما يقدر بـ154 نيوتن وهذا المحرك يستطيع دفع السيارة من السكون الى سرعة 100 كم /ساعة في زمن يقدر بـ 11 عن طريق علبة تروس اوتوماتيكية مكونة من 4 سرعات امامية وسرعة واحدة خلفية

اما عن الهيونداي النترا فهي تاتي بمحرك D-cvvt بسعة 1600 سي سي يعمل بنظام الحقن الالكتروني للوقود يتكون من 4 اسطوانات في خط مستقيم ويتكون من 16 صمام بمعدل 4 صمام لكل سلندر ويتكون من كامة علوية مزدوجة يولد قوة مقدراها 130 حصان وعزما قدره 160 نيوتن وتتسارع من وضع السكون الى سرعة 100كم / ساعة في زمن قدره 9.5 ثانية عن طريق علبة تروس ستبتروبيك مكونة من 6 سرعات امامية وسرعة واحدة خلفية

طبعا الافضلية للالنترا من حيث المحرك والفتيس

الابعاد والوزن

يبلغ وزن تويوتا كورولا 1270 كيلوجرام ويبلغ طولها 4540 ملم وعرضها 1760 ملم وارتفاعها 1465 ملم وارتفاعها عن الارض 155 ملم ويبلغ طول قاعدة العجلات 2600 ملم

اما عن الهيونداي الانترا فيبلغ وزنها 1184 كيلو جرام ويبلغ طولها 4530 ملم وعرضها 1775 ملم وارتفاعها 1445 ملم وارتفاعها عن الارض 150 ملم ويبلغ طول قاعدة العجلات 2700 ملم

طبعا في فرق في الابعاد لكن العربيتين زي بعض في الوسع وبخصوص موضوع الوزن فانا كاتب وزن العربيتين فارغين انما وزن العربية

الوقود

في الكورولا تبلغ سعة خزان الوقود 50 لتر وتستهلك بنزين بمعدل 7 لتر لكل 100 كم

اما عن الالنترا فتبلغ سعة خزان وقودها 48 لتر وتستهلك بنزين بمعدل 6.7 لتر لكل 100 كم

الفرق مش كبير اوي بينهم ومعدلهم ممتاز وكويس

الاسعار

تويوتا كورولا A/T F/O 1.6 154900 جنيه

تويوتا كورولا A/T F/O Alloy Wheel 1.6 158900 جنيه

تويوتا كورولا A/T F/O H/L 1.6 167400 جنيه

هيونداي النترا GL M/T 112000 جنيه

هيونداي النترا GL M/T SAB ABS 120000 جنيه

هيونداي النترا GL M/T 122000 جنيه

هيونداي النترا GL A/T S/R 125000 جنيه

هيونداي النترا GL A/T SAB ABS 129000 جنيه

هيونداي النترا GL A/T DAB ABS 131900 جنيه

هيونداي النترا GL A/T HIGHLINE SAB 131000 جنيه

هيونداي النترا S/R GL A/T HIGHLINE SAB134000 جنيه

هيونداي النترا S/R ABS GL A/T HIGHLINE SAB137500 جنيه

هيونداي النترا GL A/T SAB 137000 جنيه

هيونداي النترا GL A/T S/R SAB 140000 جنيه

هيونداي النترا GL A/T DAB ABS 143000 جنيه

هيونداي النترا GL A/T S/R FULLYLOADED 155000 جنيه

طبعا غبور لاعب في الالنترا زي ما هوا عايز مرة ينزلها بايرباج ومرة ينزلها باتنين ومرة ينزلها من غير ايرباج اصلاا حتى في فئات عالية من الالنترا فيها ايرباج واحد بس والفئات بصراحة تلخبط جدا في الكماليات حتى التوكيل احيانا بيتلخبط في موضوع الكماليات وانا اموت واعرف حكمة غبور من الموضوع دا وعموما الفئات الاولى من الالنترا هيا الافضل

اما عن الكورولا فهيا تتميز ان 2 ايرباج و ABS & EBD من كمالياتها الاساسية والموضوع دا هيفيد اللي بيهمه وسائل الامان في المقام الاول وهيا اصلا 3 فئات بس

انما اللي يهمه كماليات الرفاهية زي زر تشغيل / ايقاف المحرك وفتحة سقف كهرباء والكلام دا كله هيلاقي ان الالنترا انسب ليه

تقييم السيارة

خارجيا

اولا هيونداي النترا

طبعا الالنترا الجديدة اتحسنت بكتير عن الالنترا القديمة من حيث الشكل وشكلها بقا افضل واحسن وانسيابي اكتر وطبعا النترا تتميز بخطوط تصميم هيونداي الجديدة واللي اسمها fluidic sculpture

ومن عيوب الشكل الخارجي للالنترا ان ازاز البرابريز الامامي مساحته كبير يعني لو اتكسر هيبقا غالي شوية وكمان الازاز الخلفي مساحته صغيرة اوي يعني اللي قاعد ورا مش هيشوف حاجة وكمان شنطة العربية عالية جدا جدا يعني مش هتعرف تركن العربية ابدا الا بالكاميرا الخلفية والسينسور بارك

تويوتا كورولا

تصميمها عامة هادئ ورزين مش ثوري زي الالنترا ومن قدام حلوة جدا جدا جدا لكن من ورا استغفر الله العظيم ودا عيب الجيل الحالي من الكورولا وهوا ان شكله من ورا متخلف اوي ومش حلو

تصميمها كمان انسيابي وحلو لكن مش زي الالنترا طبعا ودي الحتة اللي يتفوق فيها الكوريين ويفشل فيها اليابانيين وبالاخص تويوتا وهوا موضوع التصميم

من عيوب شكل الكورولا طبعا شكلها غبي من ورا وانا شايف ان دا العيب الوحيد في الشكل

وعموما الالنترا تتفوق من حيث الشكل والموضوع اصلا مسالة اذواق

التصميم الداخلي

برضه الالنترا تتفوق وموضوع الشكل دا اصلا اذواق ودا ذوقي انا وطبعا تتميز بطابلوه ذا تصميم رائع واضاءة زرقاء راااااائعة للطابلوه والعدادت ليلا مع تحفظي على خامات تابلوه الالنترا

والكورولا من جوه معقولة ومش وحشة لكن مش زي الالنترا وتتميز باضاءة برتقالية للطابلوه والعدادات بالليل

برضه الالنترا تتفوق

التقفيل والخامات

بالنسبة للكورولا فهيا تقفيلها ممتاز وجميل ومش وحش وخاماتها متوسطة يعني مش عالية اوي ولا حاجة بس افضل من عربيات كتيرة

اما عن الالنترا فانا شايف ان خاماتها متوسطة برضه واقل من الكورولا وتقفيلها معقول ومش سئ لكن برضه مش زي الكورولا

وعموما الكورولا على الالنترا في التقفيل والخامات

الراحة

في الالنترا بمجرد فتح باب السائق هتحس بالقوة وتحس ان العربية بتجذبك علشان تجلس على كرسي السواق ولما رجلك تعتب العربية وتدخل العربية طبعا مع ملاحظة سهولة الدخول والخروج من العربية وتقعد على كرسي السواق هتستريح اوي لوضعية القيادة التي تميل للرياضية وهيا طبعا من الوضعيات المفضلة ليا (الكرسي نازل لتحت والطارة نازلة لتحت وظهر الكرسي راجع للاخر يعني من الاخر غطسان في العربية) بس الوضعية دي مش هتريح اللي متعود انه يبقا لازق في البرابريز وهوا سايق !!

وعموما انا شايف ان وضعية القيادة حلوة ومش سيئة وانا افضلها عن الكورولا بصراحة

باقي الكراسي في الالنترا مريحة وحلوة وواسعة جدا جدا

بالنسبة للكورولا فمن اول ما تفتح الباب هتحس بجودة وعراقة التويوتا واول لما تقعد على كرسي السواق هتحس بعدم الراحة !!!

بصراحة وضعية القيادة معجبتنيش خالص وقعدت ساعة اضبط في الطارة والكرسي وبرضه مااستريحتش (مع العلم ان العربية اللي ركبتها كانت اول فئة ودي مفيهاش تحكم في ارتفاع كرسي السائق) وعموما الوضعية دي مريحة للي متعودين انهم يبقوا لازقين في البرابريز برضه او اللي متعودين على الجلسة المعتدلة في السواقة

باقي الكراسي مريحة جدا والكراسي بتاعتها انعم من بتاعت الالنترا يعني باقي الركاب في الكورولا هيستريحوا اوي في القعدة مش زي الالنترا ومفيش فرق في الوسع بين العربيتين

وعموما انا شايف انه من حيث راحة الركاب ان الكورولا تتفوق ومن حيث راحة السائق الالنترا تتفوق

في النهاية السيارتين ممتازتين

وطبعا السيارتين تتميزان بتوفر قطع الغيار في كل مكان واعادة البيع الممتازة والذي منه

وللاسف كنت عايز اجيب صور للعربيتين بس موقع رفع الصور مش شغال

اتمنى من الادارة حل المشكلة دي

وعلشان كده جبت كام فيديو لقيتهم لتسارع الالنترا والكورولا علشان الموضوع يبقا حلو

http://www.youtube.com/watch?v=2Pj0M...eature=related

http://www.youtube.com/watch?v=RyvaU0JK5KI

وفي النهاية اتمنى ان يكون الموضوع نال اعجابكم

وتقبلوا تحياتي

sherifabden

[sherifabden]

طب والله حرام عليكم
انا لفيت على معارض سوهاج كلها علشان اشوف العربيتين واعمل المقارنة وتكون حيادية وفي الاخر محدش حتى يقول شكرا
دا اخر مرة هكتب فيها مواضيع بقا

[M.TONSY]

تسلم ايدك يا استاذ شريف على الموضوع
انا لسة شايفه والله متزعلش
وطبعا انا شايف ان الالنترا تكسب وتتفوق على الكورولا حتى من ناحية السعر والشكل والقوة وقطع الغيار
وانا شايف ان المستقبل حاليا فى صالح الكورى اكثر من اليابانى لان تصاميمهم اصبحت عصرية جدا وكثر رفاهية من اليابانى

[sherifabden]

المشاركة الأصلية كتبت بواسطة M.TONSY تسلم ايدك يا استاذ شريف على الموضوع انا لسة شايفه والله متزعلش وطبعا انا شايف ان الالنترا تكسب وتتفوق على الكورولا حتى من ناحية السعر والشكل والقوة وقطع الغيار وانا شايف ان المستقبل حاليا فى صالح الكورى اكثر من اليابانى لان تصاميمهم اصبحت عصرية جدا وكثر رفاهية من اليابانى

الف شكر ياباشا على الرد نورت الموضوع
وكلامك مضبوط 10000000000000%
بس الناس لسا مش مصدقه ان الكوري كويس ودي حكاية مضايقاني

[sherifabden]

مفيش حد عبرني غير استاذ تونسي !!
براحتكم دا اخر مرة هكتب فيها مواضيع