مساعدة في صيانة 20000 كم مازدا 3 2010

[karem ali]

ربنا معاك يا استاذ على و كده انا و انت خلاص مفيش غبور تانى بس نحاول نعرف حد كويس نجيب من عنده قطع الغيار الاصلى

[alymonir]

المشاركة الأصلية كتبت بواسطة karem ali ربنا معاك يا استاذ على و كده انا و انت خلاص مفيش غبور تانى بس نحاول نعرف حد كويس نجيب من عنده قطع الغيار الاصلى

مفيش غبور بعد النهاردة
أنا لقيت واحد اسمه الرز في جمال عبد الناصر قبل فيكتوريا
عنده كل حاجتها أصلي
و ممكن لو احتجت قطعة غيار أشتريها من غبور و أمري لله

[hhhesham]

المشاركة الأصلية كتبت بواسطة AboNoRa بص يا هندسة صيانة العشرين ديه فى رائى من اهم الصيانات للعربيه وبصراحة عايز اوعز لك تروح تعملها فى التوكيل بس علشان الكشف على الجهاز لكن كل حاجة تتعمل بره احسن ما تتعمل فى التوكيل وقدام عينيك ديه بنود الصيانة تغيير زيت المحرك - زيت الباور - زيت فرامل - زيت الفتيس ** ولو حابب تحط اى اضافات لتنظيف المحرك او الرشاشات حطها قبل الصيانة مثلا منظف الرشااشات تجيب علبة تفضيها على نص التانك ولما تخلص نص التنك روح اعمل الصيانة - زيت الفتيس يفضل الكشف عليه وتزويدة ان لزم الامر فقط بدون تغيير خاصة الاوتوماتيك غير فلتر زيت المحرك - تغيير فلتر هواء - تغيير فتر التكييف وانت بتغيير فلتر التكييف او لو هتغير السير بتاعة خليه يقيس الفريون ولو محتاج يتزود زودة بس انا رائى لو التكييف شغال كويس غير فلتر وبس - الفلاتر عامة فى بلدنا وجونا ده اكيد بتقاسى فانصحك تغييرهم كلهم وتجيب الانواع الاصلية - فلتر التكييف مهم لانه بيحوش تراب وبكتيريا فميقلش اهمية عن باقى الفلاتر حتى لو التكييف شغال كويس فحص سيور المحرك (كاتينة - دينمو - تكييف - باور ,, دول يتبص عليهم بس ميتغيروش لسه دلوقتى تغيير بوجيهات فحص / تغيير الفريون تغيير مياة الريداتير (غسيلة) وفحص المروحة والتوصيلات الخاصة به تزويد مياة المساحات وفحص الكاوتش الخاص بها او تغييرة فحص البطارية وتزويدها ان كانت سائلة وده شغل العفشة فحص / تغيير تيل فرامل امامى وخلفى والاسطوانا ت او الطنابير تغيير او تزويد زيت الفرامل فحص العفشة وتربيطها (كبالن - مقصات - مساعدين - سوست - جلب ،،، الكشف على الكاوتش واعادة ترصيصة ان لزم الكشف على الزوايا واعادة ضبطها ان لزم الكشف على انابيب ومواسير التكييف والتبريد والعادم كشف ظاهرى بس كده مراجعة ضبط رجلاش الدبرياج والسلك بالنسبة للسيارات المانيوال مراجعة قراءه كمبيوتر السيارات ومسح الاعطال بس يا سيدى وتطلعها من الفرن وبالهناء والشفاء

kda zae 2l fol aweeeeeeeeeeeeeeeeeeee

[احمد على 1999]

طبعا الطبة احسن بكتييييييير اولا ده الموصى به من المصنع لان تصميم التصفية من اوطى نقطة بيضمن نزول 99.99 % من الزيت القديم طبعا يفضل التصفية و العربية ما زالت سخنة اما الشفط مش مضمون يشفط كله ده غير ان الخرطوم الى حيدخله فى فتحة مقياس الزيت اكيد عليه بلاوى من طين و اثار زيوت من عربيات تانية
كلامى ده مش بتاعى ده بعد طول بحث و قرائة نصائح مواقع عالمية متخصصة

طبعا اضافات الزيت دى اضحوكة عالمية اثبت عدم فاعليتها بل على العكس ممكن يبقى ليها ضرر و عن تجربة بعربية متواضعة زى اللانوس انا ماشى ب شيل الترا هيلكس 224 الف كم و الماتور بيعرق زى الزيرو مع العلم انى بغيره على 15 الف فى المتوسط و ساعات بوصله ل 27 الف مبقولش تعمل زيى بس بثبتلك مدى الثقة فى الزيوت التخليقية بدون اضافات


بالنسبة للزوايا طالما الكاوتش مبيصفرش و العربية مبتحدفش لناحية واحدة بشكل ثابت يبقى مفيش داعى بس الكلام ده لو كنت كشفت زوايا قبل كده لكن يفضل تتعمل لو لأول مرة كأجراء وقائى
و برضه مثال فى اللانوس انا كشفت زوايا 4 مرات مرتين منهم ظبط و مرتين مظبطش حاجة الكلام ده من 2002 مسافة 224 الف كم

نوع الفوم اى منتج امريكى و حتلاقيه فى البنزينات العالية زى موبيل النضيف او امارات و طبعا حتلاقيهم ارخص عند بتوع الاكسسوارات زى سعيد نصار بس الفرق مش كبير

تنويه عن الزيوت التخليقية
اكتر اللحظات حرجا هى لحظة الادارة الولى صباحا فى الشتاء الزيوت المعدنية بتاخد على الاقل 8 ث لتغطية جميع الاجزاء المحتكة اما التخليقية بتاخد على الاكثر 3 ث u do the math

[mando_07]

المشاركة الأصلية كتبت بواسطة alymonir مفيش غبور بعد النهاردة أنا لقيت واحد اسمه الرز في جمال عبد الناصر قبل فيكتوريا عنده كل حاجتها أصلي و ممكن لو احتجت قطعة غيار أشتريها من غبور و أمري لله

ممكن توصفلي مكانه بالظبط ويا ريت لو معك رقم تليفونه عشان أنا عايز أغير موتور طرمبه البنزين لعربتي mazda 3 2008