ملاحظات على قانون المرور الجديد

[no love]

المشاركة الأصلية كتبت بواسطة waelsalah تعرف انا ارهابى ليه لانى للاسف انتخبت السيسي وده اخر مرة هروح انتخابات لان رايي وصوتى لا هيودي ولا هيجيب حسبنا الله ونعم الوكيل

الاخوان برده بيقولوا انهم مش اخوان وانت برده انتخبت السيسي
للاسف برده كده كده صوتك ولا هيودي ولا هيجيب
نزلت او لأ
شت ام ابيت
وابقي قولي ليه انت مواضيعك اللي في قسم الثوره برده مايعه كده ولا باينلك انت اخوان ولا لأ
ومبنعرفش برده انت مؤيد لمين
ولا ده عادي برده انت مصري صحيح نسيت

[no love]

مين قالك انهم مالهومش نسبة مادية ومعنوية فى حصد عدد المخالفات وقيمته

حلوه اوووي نسبه معنويه دي
ههههههههههههههههههههههههه هههههههههههاول مره اسمعها الضابط المعنوي
وملهمش نسبه ماديه يا بتاع المعنويات
وانا بتكلم عن يقين مش كلام مرسل مش من عدم معرفه زيك
اشيك شويه من جهل
ثانيا
اللهم ابيد فساد المرور والداخليه
المفروض انا افهم بقي
وانت بتكلمنا بالكنايه برده زي النسبه المعنويه جميله والله
وسم ايه اللي ببثه ياعم هو انا اللي بقول كلام مرسل وبنتقد وخلاص وبخلي الناس تبخرلي زيكم
السم ده بيخرج من افواه التعابين المتلونين في اي جهه اللي متعرفش هم مع مين لكن انا واضح وبقول مع مين ولبا بتاع معنويات ولا بتاع مواضيه عايمه ولا بتاع كنايه

[no love]

المشاركة الأصلية كتبت بواسطة AbOnOrA فينك يا راجل ليك وحشة والله من زمان مش لاقيين حد نضحك عليه فى المنتدى بس صحيح قبل ما انسى .. لما انت عارفنى اوى كدة متعرفش ان ليا اصحاب ظباط ووكلاء نيابة كمان هبقى بكرههم كلهم كدة ازاى يعنى ؟؟ وعامة علشان اريح انا بكرة اى سلطة غبية وفاشلة ناهيك عن فاسدة ومتخلفة وانت واللى زيك اقصى حدود ابعاد قشرة المخ عندك متجيبش غير اللى حاكمينك دول ومبسوط بيهم ومصدق وعودهم والقانون فى الحالة ديه واضح لا يحمى المغفلين ولا يمنعهم برضو فاستمتع ياباشا باللى انت فيه وسيبنا احنا نقول رائينا كاحرار وهنقولة زى ما قولناه ايام اللى قبله واللى قبله وهنفضل نقولة مش ليك ولا للى زيك انتو قفاكو اعرض واخدتو على كدة ومفيش فيكم فايدة زى ماقال مصطفى كامل زمان بس صدقنى فيه جيل تانى غيركو بيسمع وبيفهم وبيتكلم ومش هيسكت ومش هقبل بقوانين ساكسونيا ولا هيحترمها علشان القوانين مفيهاش رمادى يا حق يا باطل وانتو من اساسكو باطل فى باطل

هو في حد اصلا بيدخل المنتدي عشان تلاقي حد تضحك عليه ده انت والمدير و15 عضو ومش مستحمل والمنتدي بيقع بالايام والساعات
ومعني كلامك بما اننا اساسنا باطل في باطل يعني انقلاب
طب مكنتش ليه مع الاخوان طب مشينا الاخوان طب السيسي مسك لا يبقي حكم عسكري
عرفت انك مش عارف عاوز ايه
يبقي هو نفس الرد خليك مع البوب الهربان ومع حزبك اللي ملوش كلمه ولا راي

وموضوع افانا اعرض ده اهو علي الاقل احسن ماننضرب علي وشنا زي اللي حصل في الاخوان واللي مش عارفيين هم عاوزين ايه زيك
وقول رايك يا باشا زي ما انت عاوز بس زي ماعاوز تقول رأيك سبنا ننتقدك ولا حرام

وموضوع الجيل اللي مش هيسكت ده وانه مش هيقبل ادينا مع بعض ونشوف وخليك علي مبدئ الاخوان وما تابعهم مكملين
ليلتك جميله بس ابقي قولي هتلغي العضويه امتي بقي وكويس انك سبت القهوه علي النار وسبتلي حق الرد

[demonarundo]

ربنا ياخد الداخلية والنيابة والنظام كله فى ليلة واحدة

"فى مصر" الناس كلها بتبقى شايفة الاشارة إلا الصف الأول لأن الاشارة بتبقى وراهم ومفيش إشارة قدامهم بعد التقاطع

"فى مصر" مينفعش تمشى فى حارتك لأن مفيش حارات اصلا , الشارع سداح مداح

"فى مصر" لو ماشى فى شارع فيه مطبات فأدعى ربنا ان الشارع يكون زحمة , عشان دى الطريقة الوحيدة اللى حتعرف بيها مكان المطب

"فى مصر" لو فيه إشارة وفيه عسكرى , أوعى تبص على الاشارة , ركز مع العسكرى عشان هو نفسه ملوش دعوة بالإشارة

"فى مصر" أكبر نسبة حوادث طرق ورغم ذلك الوزير بيفتخر بالشوارع المكسرة وفطنته وصلته انه بكدا بيقلل نسبة الحوادث

"فى مصر" لما الشارع يقف والدنيا تبوظ وتلاقى عسكرى المرور واقف يهرش ويصب عرق, بينزل واحد من المواطنين الشرفاء يقوم بدور عسكرى المرور والدنيا بتسلك فى 5 دقايق

"فى مصر" لو عملت حادثة لا قدر الله لازم تنزل تفتح دماغ السواق عشان دى الطريقة الوحيدة انك تاخد حقك وتفش غلك, بينما برا بينزلوا يسلموا على بعض ويطمنوا على صحة بعض وينتظروا الشرطى ييجى يقيم الحادثة ويحسب نسب الخطأ على كل واحد وفى الآخر التامين هو اللى بيتحمل التصليح

"فى مصر" لما أبو %50 بيقرر يعمل U-turn بيهديه عقله انه يجيب قالب خرسان ويحطه فى وسط الشارع وأنت يا مؤمن ونيتك

"فى مصر" لما تروح إدارة المرور ويصادف انك تخش مكتب الظبوط الكبير تلاقى كنبة كبيييرة عليها ناس كتييير تحتسى القهوة الساخنة بإنتظار الرخصة لما تطلع

[AbOnOrA]

المشاركة الأصلية كتبت بواسطة no love هو في حد اصلا بيدخل المنتدي عشان تلاقي حد تضحك عليه ده انت والمدير و15 عضو ومش مستحمل والمنتدي بيقع بالايام والساعات ومعني كلامك بما اننا اساسنا باطل في باطل يعني انقلاب طب مكنتش ليه مع الاخوان طب مشينا الاخوان طب السيسي مسك لا يبقي حكم عسكري عرفت انك مش عارف عاوز ايه يبقي هو نفس الرد خليك مع البوب الهربان ومع حزبك اللي ملوش كلمه ولا راي وموضوع افانا اعرض ده اهو علي الاقل احسن ماننضرب علي وشنا زي اللي حصل في الاخوان واللي مش عارفيين هم عاوزين ايه زيك وقول رايك يا باشا زي ما انت عاوز بس زي ماعاوز تقول رأيك سبنا ننتقدك ولا حرام وموضوع الجيل اللي مش هيسكت ده وانه مش هيقبل ادينا مع بعض ونشوف وخليك علي مبدئ الاخوان وما تابعهم مكملين ليلتك جميله بس ابقي قولي هتلغي العضويه امتي بقي وكويس انك سبت القهوه علي النار وسبتلي حق الرد

قواعد الاشتباك معروفة ياباشا وطول مانت ملتزم بيها مفيش اى داعى للايقاف .. اينعم كان هيبقى اكرملك وافضل ليا وللناس تتعامل بمعرف حقيقى وشخصية معلومة طالماً انت مصر على انتقاد شخصى وشخصنة الامور بس مش مشكلة نعرف ناخدك على قد عقلك برضو
فعلشان متكررش حوار الايقاف كتير حاول تلتزم بالحوار ومتخشش تهلل فى ميت موضوع او تعمل اى حاجة تربك الدعم الفنى وانت مش هتتوقف زى كل الناس

الاختلاف فى الراى محل ترحيب هنا طول عمرة ومن ساعة الثورة الاقسام والموضوعات شاهدة على التنوع والحرية اللى متوفرة عندنا

تانى نقطة انت حابب تهرى فيها كتير علشان اريحك احنا 5 اعضاء بس يا عم مش 15 كمان استريحت طالما احنا نفرين وطفايه كبر دماغك مننا مش عارف انت وموقعك اللى فرحان بيه ده شاغلكم فى ايه موقع فيه 5 انفار يعنى !!

تالت نقطة وهى الاهم انا هديك فرصة تانية تشدنى لجدال معاك بس حدد انت ايه الموضوع بالظبط علشان انت داخل عمال تهاجم بشخصنة شوية وتجيب حكايات ملهاش دعوة بالسياسة وبعدين سياسة ومش عارف انت عايز ايه بالظبط يمكن انت حد كارهنى كلى على بعضى ديه حاجة متزعلنيش خالص بس ده ملوش دعوة بالحوار فى المنتدى خلى حوارك موضوعى حاول بجد ممكن تعرف او شوف حد تتعلم منه اسس التحاور والمناظرة