محتاج بجد رأيكم ..فى byd f3 2013

[melsheshtawy]

المشاركة الأصلية كتبت بواسطة أشرف المصري لأ فيه ضمان وكل حاجه لحد 60 الف كيلو او 3 سنين ايهما اقرب لو قابلتك مشكله وفرع القطامية معرفش يحلها احجز في فرع الاسكندرية والكل بيشكر فيه يعنى فيه ضمان وبنظرية الاحتمالات احتمال العربية يبقى فيها مشكلة واحتمال لأ لو فيها مشكلة احتمال فرع القطامية يحلها واحتمال لأ لو فرع القطامية معرفش يحلها احجز في فرع الاسكندرية واحتمال ضئيل جدا انه ميعرفش يحل المشكلة لان الكل بيشكر في الفرع ده يبقى توكل على الله لو مقتنع بالسيارة

كلام حضرتك منطقى جدا لو إنت هتحتاج التوكيل لو فى مشكله بس .. إنما عشان حضرتك تفضل محافظ على الضمان ده معناه زيارة كل 5000 كم للتوكيل .. ومش طبيعى إن الواحد كل شهرين أو 3 يروح مشوار للإسكندرية خصوصا فى إن الوقت هيفرض عليك تروح فى ايام سقعة وأيام مطرة وايام زحمة فى الصيف ... إلخ
عموما أنا وحضرتك عرضنا وجهتين نظر وفى الأخر يمكن تطبيق هذا الرأى أو ذاك على حسب معدلات سير الأستاذ إللى بيسأل وكذلك إرتباطاته ومواعيده

[Sameh Ragih]

العربية أثبتت جدارة في السوق المصري على الرغم من كل ما يقال عنها.. أنا شخصياً ما سوقتهاش لكن ركبتها تاكسي كتير و عجبني ثباتها على السرعات العالية

[أشرف المصري]

المشاركة الأصلية كتبت بواسطة melsheshtawy كلام حضرتك منطقى جدا لو إنت هتحتاج التوكيل لو فى مشكله بس .. إنما عشان حضرتك تفضل محافظ على الضمان ده معناه زيارة كل 5000 كم للتوكيل .. ومش طبيعى إن الواحد كل شهرين أو 3 يروح مشوار للإسكندرية خصوصا فى إن الوقت هيفرض عليك تروح فى ايام سقعة وأيام مطرة وايام زحمة فى الصيف ... إلخ عموما أنا وحضرتك عرضنا وجهتين نظر وفى الأخر يمكن تطبيق هذا الرأى أو ذاك على حسب معدلات سير الأستاذ إللى بيسأل وكذلك إرتباطاته ومواعيده

طيب ما هو لو مفيش مشكلة في العربية الصيانة الدورية هيعملها توكيل القطامية
ولو فيه مشكله في العربية يحجز في القطامية ولو معرفوش يحلوها يطلع على اسكندرية او حتى يشوف مركز صيانة خارجي مضمون

[melsheshtawy]

المشاركة الأصلية كتبت بواسطة أشرف المصري طيب ما هو لو مفيش مشكلة في العربية الصيانة الدورية هيعملها توكيل القطامية ولو فيه مشكله في العربية يحجز في القطامية ولو معرفوش يحلوها يطلع على اسكندرية او حتى يشوف مركز صيانة خارجي مضمون

المشكلة فى مركز القطامية من وجهة نظرى المتواضعة إن صعب حد يستحمل العشوائية اللى فيها المركز من كل زيارة تروح تضيع فيها يوم عشان تلاقى نفسك مغير زيت فى 4 ساعات ودافعلك 60 جنية مصنعيات.. حتى باقى الحاجات الروتينية مش بيعملوها لأن الوقت بيكون إتأخر وحضرتك عملت مشكلة فبالتالى الشغل دايما تحت ضغط عشان يمشوا الزبون وخلاص .. لو واحد معدل مشية كتير وتردده على المركز كتير مش هيستحمل كده وهيفضل يروح يغير زيت فى البنزينه فى ربع ساعة ويدفع 5 جنيه بالكتير

[bunnybunny77]

عربية كويسة