|
#11
08-10-2011, 03:32 PM
|
||||
|
||||
رد: قصص حوادث
أنا أسمى جونيور و حاجة حلوة أوى أنا عايش فى حى النزهة الجديدة و من فترة حوالى 4 سنين كان معايا هيونداى أكسنت قديمة موديل 98 كانت فيرانى (فيرارى) المهم
كنت ماشى عند السندباد حوالى الساعه 1 بى أم (بى أم دبيو ) عارفين الملف إللى أدامه كنت ماشى بسرعتى على حوالى 100 مافيش حد كان قدامى الطريق متأمن المهم فجأه لقيت خير اللهم أجعله خير لقيت عدد 2 فيسبا لاغير واحد ماشى و التانى بقى إيه بيزوء الأولانى اللى هو ماشى ( يوحنا الماشى ) أخد بالك معايا انتا المهم خرج بعد مالف الملف على الحاره بتاعتى و عايز يدخل يمين عالنزهة بس أنا مكنتش أعرف أنه نفسه يدخلها على جثته المهم أنا بقيت واقف بتفرج منا بقا حشد فرامل ولا مش حشد مش فارقه ماهو قدامى وش المهم شديت سنه فرامل و شلت الفيسبا إاللى كانت بتزوء اللى ماشى وخبطته بسرعه لا تقل عن 80 كيلومتر/الساعه بس و فضلت أتفرج عمل شويه عمايل يالهوى عمل حاجات أوفر أوى عاوزين تعرفوا إيه شكل الحادثة أقولوكوا خد عندك يا سيدى : أول تصادمنا كان الرفرف الشمال بتاعى فى ضهر الفيسبا كلها نتج عنه إن لقيت الفيسبا بالراجل طاروا لفوق بشكل عمودى يعنى مش لقدام المشهد التانى بعد شويه الحمدلله الفيسبا نزلت فوق كبوت العربيه و الراجل بعدها بشويه نزل بس على البرابيز المشهد التالت لقيت الراجل قام مخبوط فى البرابيز و بعد كده طار لقدام العربيه بس فى الملف بقا و قام مكمل باقى المشوار زحف على الأسفلت بس الحمدلله الطريق كان وقف لما لاحظوا ان فى مشهد بيتصور من فيلم ابراهيم الابيض بعد كدا أنا بقى نزلت من العربية مزهول كنت حاسس إن انا حلاقى كاميرا سينما بتصور أو الاستاذ ابراهيم نصر بيقولى ده الكاميرا الخفيه بس بعد كدا نزلت زعقت للراجل ده و لقيت ان راسه اتفتحت اللى حيجننى بقا فيتن الفيسبا التنانيه اللى كانت بتتزق مش لاقيها خالص اتارى انها لما انا خبطت الفيسبا بتاعت يوحنا الماشى التنايه دارت و مشيت وده كان يوم جميل من كواليس ابراهيم الابيض بس كلفنى كتير كبوت و رفرف و فانوس و اكصدام و كارتيرة و بس خدوا بالكو من الفيسبا اللى مالهاش حل الا انها تمشى جوا انفاق خاصه
__________________
 Force Is Our Mechanism, Defense Is Our Target التعديل الأخير تم بواسطة jonior607 ; 08-10-2011 الساعة 03:59 PM 
|
|
#12
09-10-2011, 11:31 AM
|
|||
|
|||
|
رد: قصص حوادث
هي حادثة جامده بس في السعوديه هنا وما ادراك جنون السرعه في الخليج
كنت راجع من المصيف انا وزمايلي فقررنا نرجع قبل الصلاه ونصلي في بلدنا وخلاص فكنت ماشي علي الهاي واي 160 تقريبا معظم الطريق والعربيه تويوتا هاي لوكس وكنت ماسك الحاره اللي في النص انا مبحبش امشي في الحاره الشمال لاني مبعديش حد عشان مبحبش اطلع من الحاره كل شويه فبمسك اللي في النص واللي ورايا يزمر براحته يايهدي يا يعدي وانا كمان مبتخطاش اللي قدامي يعني بالبلدي بكون مروق شويه في السواقه ومبرخمش علي حد يعني ماشي بسرعه بس لما الاقي حد ادامي لا بقلبله نور ولا بربكه يا يعديني يا استناه واللي ورايا بحلقله يزمر براحته جيت عند مكان في الطريق لقيت صف عربيات نقل ماسك اليمين وانا الصراحه بقلق لما اكون ماشي جنب عربيات نقل وكنت انا في النص وفيه عربيه ادامي فقلت اطلع منها علي الشمال واشد سرعه شويه لحد ما اعدي كل صف العربيات النقل وابقي امسك النص تاني فجاة وبدون اي مقدمات بممممممم ايه اللي حصل بقي العجله الشمال اللي قدامي طرشقت وانا طبعا مكنتش عارف انها العجله انا سمعت صوت بم وخلاص مسكت فرامل من الخضه انا عارف انه غلط لكن ساعة القدر يعمي البصر طبعا اول ما مسكت الفرامل فقدت التحكم بالعربية بالكاااااااامل العربيه فضلت تلف بينا ودخلت في الحاجز اللي في نص الطريق والعربيه طبعا ادمرت ودخلنا في الحاجز وردينا بعرض الطريق وحمدت ربنا ان محدش من اللي معايا حصلتله اصابات كبيره والاهم اننا مدخلناش في عربيه تانيه وحتي صف النقل كنت سبقته بفتره كافيه بحيث يبقي عنده رد فعل يهدي بس كل ده كوم واللي حقوله كوم تاني المشكله مش في الحادثه المشكله ان العربيه مكنتش بتاعتي وكان واحد زميلي واخدها من وري جوز اخته ومعهوش رخصه وانا اللي كنت سايق ومكنش قايله ان هو مسافر بالعربيه وحتي العربيه مكنش فيها رخصه  تخيل تسيب مفتاح عربيتك مع واحد وبعد يومين تلاته يرجعهولك برده بس من غير العربيه  ههههههههه
|
 |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| سيارات حوادث للبيع | wael_mo97 | مطلوب شراء | 463 | 20-04-2016 06:19 PM |
