مشكلة ِلمبة ABS منورة على طول والعدادات غير مستقرة BYD/AT/2014

[العمده المليجى]

السلام عليكم باالنسبه لعداد السرعه ممكن يكون سلك تالف وعايز تبديل على العموم بسيطه متقلقش اما لمبه ال abs هيه ديه الى مشكله على العموم روح مركز التوكيل ممكن برمجه او حكيت في حاجه لمسه الحساس بتاع ال ABS ربنا يسترها وتبقى بسيطه وياريت تنزل صوره 2014 اتوماتيك ضرورى وشكرا

[alhashmi]

السلام عليكم
رحت التوكيل إمبارح بخصوص صيانة الاف وحل مشكلة abs ومشكلة العداد اللي بيطلع وبينزل ده ويارتني مارحت
طبعا رحت مركز القطامية اللي كنت حاجز قبل يومين ومعادي الساعة 10 الصبح
المهم وقفت في التوكيل الساعة 9:45 وجي مهندس تقريبا الساعة 10:15 وملا أمر الشغل وقوتلو على المشاكل اللي في العربية وطلعت صالة الانتظار من غير ما طول عليكم ابتدا الشغل في العربية الساعة 12:40 دقيقة بعد عدة اتصالات وتوسلات .
عيب abs تم معالجته
عيب العداد لم يتم تصليحه ولم يعرف السبب وقالولي خلى العربية انشوفها تاني فأنا رحت زعلان ومتغاظ جدا جدا جدا
ولن أذهب الى هذا التوكيل مرة أخرى وراح اشوفلي صنيعي احسنلي من القرف دة
واخيرا ان بحب العربية جدا وعجباني جدا
قدر الله وما شاء فعل

[palltalk]

غريب جدا ان توكيل يقول ابقى تعالى نشوفها تانى امال انت كنت رايحله لية اساسا هما فاكرين ان الناس فاضية و موريهاش حاجة لا حول ولا قوة الا بالله للاسف دة حال كل توكيلات مصر المهم فية اى جديد في مشكلة العداد ولا لسة زى مهو

[alhashmi]

السلام عليكم
كما اسلفت المرة السابقة إنه لم يتم تصليح مشكلة العدد في التوكيل المهم رجعت تاني للتوكيل وبعد ما شرحت المشكلة من جديد جاء المهندس أحمد السبيعي تقريبا ده أسمه راجل ما شاء الله عليه في المعاملة اخذ الجهاز وكشف على العربية من جديد طبعا انا كنت فوق في أستراحة الزوار وشفت المهندس أحمد بيغير قطعة في السيارة وبعدها طلب من النزول لتجربة العربية وكان المهندس احمد معاي وجهاز كشف الاعطال موصل بالعربية واخذنا لفة خارج التوكيل واختفي العيب بالعداد وبسؤالي له على السبب اجابني بإن المشكلة في سنسور السرعة الذي قام بتغيره.
أشكر المهندس أحمد على راحابة صدره وحسن معاملته .:01F57 7~130:

[palltalk]

مبروك واتمنى ان العربية تكون مريحاك و يا رب يكفيك شرها ويديك خيرها