أفضل غسالة من وجهة نظركم عن تجربة

[jojojojojo]

اولا الغسالات دلوقتي كلها ديجيتال غير غسالات من 5 او 6 سنين وفعلا LGمن افضل الغسالات الاتوماتيك دلوقتي وده من لسان متخصص سالته كان بيصلح الغساله بتاعتنا وصناعتها بكامل كوري وقطع الغيار متوفره ولهم صيانه بيجوا لحد البيت بس اهم حاجه الغسالات الديجيتال الجديده كلها عايزه كهربا مظبوطه وتكون عاليه عشان تشتغل معاك كويس ومتعطلش والله الموفق

[aymanlaw]

المشاركة الأصلية كتبت بواسطة samirsaid1 أفضل غسالة من وجهة نظركم عن تجربة ال جى وايت بوينت ايديال زانوسى من ناحية الكفاءة وكتم الصوت وقطع الغيار ؟؟؟ لان عندى واحدة زانوسى بس الحمد لله تمشى جنبها ماتسمعش صوتها ومش لاقى زيها فانتوا ايه رأيكو ؟؟؟؟ ولو ليكو راى تانى ماشى !!! انتوا عارفين بقى عيد الأم وشكرا

سيبك هى دى المواضيع الجميلة بجد ,نهدى ونفكر فى عيد الأم الى كان الواحد هينساه من ازمة الناصابين الى بينطوا كل لحظة ويسرقوا مننا فرحة الحرية (انتخابات الرياسة)..كل سنة وانت فاكر ست الحبايب سواء الوالدة الحبيبة او ام اولادك عموماً بجد تعيش وتفتكر,وكل سنة وكل المشاركين بخير وكل أهل المنتدى بخير وكل الى سابوا المنتدى بخير ويرجعوا على خير يارب....
اما موضوع الغسالات ,اسمحلى احكى حكايتى مع الغسالات التى صادفتنى فى حياتى ,اول غسالة كانت (جى ام سى )ودى كانت باكورة الأنتاج وكانت سنة 94 وجبتها قبل ماتجوز بسنتين لأنى متجوز فى 96 المهم انا كنت عايش لوحدى وكانت معايا الجى ام سى ودى جابت أخرها سنة 2009 ولكنها ماذالت فى الخدمة لأن حلتها استالنس (الداخلية والخارجية)وده مش موجود فى الجديد علشان كده الغسالات الحالية خفيفة مش زى القديم تلاقيه كله ميتال +صبة من الأسمنت علشان الطرد المركزى ولكن مع ان هذه الغسالة كانت تعتبر بدائية يعنى مفيهاش ديجيتال وصوتها والله كان فى الأول ناعم ولكن مع الأستخدام وشوف ظلت فى الخدمة من 94 إلى 2009 وكمان صلحتها وماذالت شغالة ولكنها فى مكان تانى بمعنى ان الغسالات القديمة بتتصلح وترجع الخدمة اما الحديث فأذا انتهى خلاص لأن الحلة الخارجية من البلاستيك...اما الغسالة الحالية عندى هى

WML 15106P غسالة بيكو 57100 · غسالة بيكو صنع تركيا ، سعتها الداخلية 7 kg · عدد دورات التنشيف 1000 دورة أي أنها على تنشيف الملابس لدرجة 80% · باب حوض يفتح بدرجة 180 وهو مصنع من مادة الستنلس ستيل . · تصنيفها العالمي بالنسبة لصرف الكهرباء و الماء ( A A) أنها اقتصادية في صرف المياه و الكهرباء،قوه الكهرباء تصل الى 16 أمبير بقوة 220 فولت 50 هيرتز اما باستهلاك الماء فانها تستهلك الماء بحجم عدد القطع الموجودة في الغسالة فقط بالنسبة للكهرباء تستهلك 1.19 KW في الساعة . · يوجد بها شاشة عرض لعرض الوقت · يوجد بها قفل لمنع الاطفال من العبث بالبرنامج . · حوض ستانلس ستيل قياس 8/18 · التحكم بمستوى الماء . البرامج الموجودة في هذه الغسالة · برنامج COTTON يعمل على ثلاث درجات حرارة 40-60-90 مئويه · برنامج الملابس الملونة يعمل على ثلاث درجات حرارة 30-40-60 مئوية · برنامج MINI 30 وهو غسيل بكمية 2K/21 · برنامج SUPER 40 لغسيل الملابس الصوفية ذات البقع · برنامج WOLL يعمل على درجتين حرارة عادية 40 مئوية · برنامج البح · برنامج سهولة الكوي أي تكون الملابس رطبة لتسهيل عملية الكوي · خاصية منع الانكماش · برنامج الغسيل الاضافي ·

ودى غسالة تركى بتكنولوجيا شركة بوش الألمانية وهى عندى من2009 وبسم الله مشاء الله هادئة جداً الطرد المركزى متحسش بيه امكانية ضبط الغسلة على عدد لفات الموتور تبدأ من 400 حتى 1000 لفة ,السعر مش فاكر والله بلضبط وكمان مش فاكر الفاتورة فين الأن لأنى فوجئت بموضوع الغسالات وعلشان كده ,هتشجع وأسأل على حاجة عملالى صداع وهى ان الأولاد عيزين يعرفوا سعر الدرجات الجديدة التى لها موتور كهربائى ياترى فى القاهرة بكام وده لأنى بقالى فترة منزلتش مصر وكمان مش قادر انزل بلعربية بعد احداث بورسعيد وحضرتكوا عارفين المشاكل التى بتحدث بسبب هذا الموضوع ,المهم إذا امكن وكان عند احد الأخوة الأعزاء فكرة ياريت يبلغنى وله جزيل الشكر,واسف على الصداع الى سببته لكم متزعلوش منى انتوا حبابى وكل سنه ومصر منصورة وهامة شامخة فى سماء الحرية والعزة والكرامة,وكل ام فخورة بأولادها سواء من منهم من الشهداء او الأحياء :GR OWIN~12::GROWI N~12:

[samirsaid1]

شكرا ليكم على نصيحتكم
انا روحت معرض القاهرة الدولى بالامس واتفرجت على كذا نوع غسالة
زانوسى - ايديال زانوسى - وايت بوينت - وايت ويل - يونيفرسال - كريازى

بس معجبونيش أوى لانى كنت شوفت قبل كدة ال LG

فقلت خلاص هاشترى ال LG وخلاص

وكل سنة وانتم طيبين وكل أم طيبه

[Eng/salwa]

المشاركة الأصلية كتبت بواسطة samirsaid1 شكرا ليكم على نصيحتكم انا روحت معرض القاهرة الدولى بالامس واتفرجت على كذا نوع غسالة زانوسى - ايديال زانوسى - وايت بوينت - وايت ويل - يونيفرسال - كريازى بس معجبونيش أوى لانى كنت شوفت قبل كدة ال LG فقلت خلاص هاشترى ال LG وخلاص وكل سنة وانتم طيبين وكل أم طيبه

نصيحة من أم مجربة للغسالات الاوتوماتيك على مدار 23 سنة زواج
اشترى غسالة ( فوق اوتوماتيك ) وهى تفتح من باب علوى و ليس جانبى ومسحوقها
عادى او اتوماتيك لا تفرق و بتنظف الغسيل جدا و تعمل عدد كبير من الغسلات فى اليوم بدون شرط تركها 5 ساعات بين كل غسلة و اخرى لان موتورها مع الجاذبية الارضية و ليس عرضى ممتازة
انا لسة شارية توشيبا اتوماتيك فوق اوتوماتك و اختى اشترت LG
الاثنين ممتازين
وكل سنة و كل ام طيبة و انتم جميعا طيبين

[samirsaid1]

المشاركة الأصلية كتبت بواسطة Eng/salwa نصيحة من أم مجربة للغسالات الاوتوماتيك على مدار 23 سنة زواج اشترى غسالة ( فوق اوتوماتيك ) وهى تفتح من باب علوى و ليس جانبى ومسحوقها عادى او اتوماتيك لا تفرق و بتنظف الغسيل جدا و تعمل عدد كبير من الغسلات فى اليوم بدون شرط تركها 5 ساعات بين كل غسلة و اخرى لان موتورها مع الجاذبية الارضية و ليس عرضى ممتازة انا لسة شارية توشيبا اتوماتيك فوق اوتوماتك و اختى اشترت LG الاثنين ممتازين وكل سنة و كل ام طيبة و انتم جميعا طيبين

شكرا لحضرتك
وكل سنة وانتى طيبة