|
#351
20-04-2009, 09:32 PM
|
|||
|
|||
رد: ابتسامة فى استراحة مصر موتورز
:: الست زي الشتيمة.. بتلف تلف وترجع لصاحبها. ::الست زي الطريق الصحراوى.. الغلطة عليه بحادثة.:: الست زي نادى الزمالك ..جمالها في ضعفها. :: الست زي الجورنال.. تقراه من ورا لقدام. :: الست زي عربية الإسعاف ..لما تفتح السارينة لازم توسّع لها. :: الست زي الشتا ..تحب الدفا. :: الست زي شاحن الموبايل..معظم الوقت مالوش لازمة، بس في لحظة بيبقى كل حاجة. :: الست زي الكتاب الحلو .. أول ما تخلصه تبقى عايز ترجع تقراه من الأول تاني. :: الست زي التليفزيون .. من النادر إنه يعرض الحاجه المناسبة في الوقت المناسب. :: الست زي العيد..الاتنين ماينفعوش من غير وقفة. :: الست زي الحكومة .. دايماً محتاج معجزة علشان تعرف تغيّرها. :: الست زي كتب الفلسفة .. كل ما تيجي تدوّر على إجابة تتورط في أسئلة جديدة. ::الست زى المسمار ..الاتنين مايجوش غير بالدق. :: الست زى جهاز الكمبيوتر ..ماحدش يعرف هي بتشتغل إزاى غير اللي عملها. :: الفرق بين الست زمان والست دلوقتى .. زى الفرق بين الجنيه زمان والجنيه دلوقتى. :: يقولون عن المرأة عندما تتزوج أنها عثرت على (عدلها) بما يعني أن المرأة تعيش حياتها مقلوبة إلى أن تعثر على رجل (يعدلها)، ويقولون عن الرجل عندما يتزوج أنه عثر على (نصف دينه)، بما يعني أن الرجل يعيش حياته – شبه كافر- إلى أن يعثر على المرأة التي تجعله (يآمن بالله). :: الرجل في العشرين يبحث عن الزواج، في الثلاثين يبحث عن الحب، في الأربعين يبحث عن نفسه، وفي الخمسين يبحث عن منصب. :: الفرق بين الرجل وفودافون، إن فودافون مش بس كلام. :: الرجل زي نشرة الأخبار الجوية، صعب تصدقيها بس بتتفرجى عليها للآخر. :: الرجالة زي البيتزا..الفرق في الحشو. :: الرجل زي الملاهى .. متعة يعقبها دوخة ورغبة في (الترجيع). :: الرجل زي البقال الغلس ..دايماً يقول ماعندوش، وهو عنده جوه. :: عندما تعجب امرأة برجل ما ( بتبتدى تتكلم معاه)، ولكن عندما يعجب الرجل بامرأة ما (بيبتدى يسكت معاها) 
|
|
#352
21-04-2009, 03:16 AM
|
||||
|
||||
|
رد: نكت سياسيه 00 وربنا يستر
*مره رئيس نزل فى البلد يتفقد الاحوال00لقى شارع طويل عريض مكتوب عليه شارع الحمار00قال لوزيره بانفعال:
-كلام فارغ ازاى بلد محترمه يبقى فيها شارع اسمه الحمار00لازم الاسم ده يتغير0 تانى يوم نزل نفس الشارع وغيروا الاسم شارع الرئيس(الحمار سابقا)! *وزير نقل ومواصلات احدى الدول جاءت له شكاوى كثيره عن حفره كبيره باحدى الطرق الرئيسيه وكل يوم ناس تقع فيها وتنكسر! جمع مستشاريه لاختيار حل غير مكلف للمشكله فقال احدهم: -احنا نبنى مستشفى جنب الحفره عارض آخر: -لا احنا نجيب عربيه اسعاف مخصوص للحفره وده يوفر فلوس قال الوزير: -انتوا مجموعه أغبيه00 احنا نردم الحفره حل سهل ونعمل حفرة تانيه جنب المستشفى ونخلص *احدث خبر: الحكومه المصريه فى ظل أزمة انفلونزا الطيور قررت ألغاء النسر من العلم ووضع سمكه بلطى خوفا من انتقال المرض *مرة رئيس جمع الوزراء على وليمه عشاء وائناء تناول الطعام لمح الرئيس وزير الماليه يسرق ملعقه ذهبيه ويضعها فى جيبه قال الرئيس للوزراء: -تعرفوا ان انا ساحر تعجب الحضور قبل ان يقول: -انا ح أحط الملعقه الدهب فى جيبى 00 شايفين 00 كده(ووضعها فى جيبه)00دلوقتى الملعقه فين؟طلعها من جيبك ياوزير الماليه! *سأل مدرس طالب ابتدائى ما معنى الجيش والحكومه والشعب والمستقبل؟ ولم يجاوبه00 فضربه المدرس00 وعندما ذهب للمنزل سأل ابوه فقال: -الجيش يعنى امك والحكومه أنا والشعب الخدامه بتاعتنا والمستقبل اخوك الصغير ولما نام الطفل وصحى بالليل يروح الحمام لقى امه نايمه وابوه فى حجرة الشغاله واخوه الصغير عاملها على روحه لما راح المدرسه تانى يوم المدرس سأله نفس السؤال00فأجاب الطفل بثقه: -الجيش نايم و الحكومة بتمارس مع الشعب والمستقبل مبلول
__________________
|
|
#353
21-04-2009, 06:15 AM
|
||||
|
||||
|
رد: نكت سياسيه 00 وربنا يستر
وزير راح للريس بعد ما شالوا من الوزارة وقالوا عايز أعرف انت
شيلتنى ليه ياريس قالوا يا كمال يا حبيبي التغيير سُنة الحياه ، قالوا طيب شيلت وزير المواصلات ليه قالوا يا كمال يا حبيبي التغيير سُنة الحياة ، قالوا طيب ممكن أسالك سؤال اومال ليه انت الوحيد اللى مابتتغيرش قالوا ياحبيبي تغييركم انتم سُنة لكن أنا وجودي " فرض
__________________
 
|
|
#354
21-04-2009, 06:25 AM
|
||||
|
||||
|
رد: نكت سياسيه 00 وربنا يستر
يا خبر ابيض انتم مش عاوذين تعيشوا ولا اية
يا جماعه انا بقولك اهووووووووووو انتم لو اتمسكتم محدش يجيب سرتي وكويس ان انا مش مكتوب في بطاقتي Cupo ptmnlo123per145 يعني انا في السليم يا رجاله بس متخافوش هبقى اجيبلك عيش وحلاوه ايه جماعه النكت دي الحمدلله انا اسم الموقع_ مصر _ يعني واخدين حمايه شويه ptmnlo123per145
__________________
I do not like driving a fast but I love fly slowly
|
|
#355
21-04-2009, 06:26 AM
|
||||
|
||||
|
رد: نكت سياسيه 00 وربنا يستر
موظف راح يدى صوته فى الانتخابات فاختار لا
وهو مروح قابل واحد صاحبه فسألو عملت ايه ؟ قاله علمت على لا لطم صاحبه وقاله روحت فى شربة ميه فسأله الموظف ايه الحل ؟ قاله ارجع بسرعه وصلح اللى كتبته واكتب نعم رجع الموظف لرئيس اللجنة وقاله :- جيت اعلم على نعم غصب عنى علمت على لا مسكه رئيس اللجنة من ودنه وقاله احنا صلحناه لك اوعى تعمل كده تانى واحد شغال فى فرز اللجان الإنتخابية...فواحد صاحبه بيسأله : بقى معقول انتوا بتقعدوا تفرزوا الأصوات دى كلها؟؟؟؟؟؟؟؟؟؟؟ قال له : ولا بنفرز ولا حاجة...التعليمات واضحة وصريحة...احنا نرمى الورقة بتاعة الناخب فى الهوا...ولو نزلت على وشها أو ضهرها يبقى وطنى...ولو على سنها يبقى معارض بلدياتنا نجح في انتخابات مجلس الشعب, ففي اول جلسة قاعد جنب واحد افندى فالأفندى عزم عليه بسيجارة مارلبورو, وبعد شويه بيسالوا إيه رأيك في الديمقراطية ياحاج؟؟.. فرد الحاج : والله أحسن من الكيلوبترا سأل الرئيس وزيره : كيف حال الشعب بعد ما غلّينا العيش ؟ فقال : يا سيدي بياكل زفت فقاله : طيب غلي الزفت **مره الريس راح مدرسه ابتدائى فلما جت فتره الاسئله ولد رفع ايده الريس ساله اسمك ايه فقاله رامى فقاله ايه سؤالك يا رامى ؟ رامى : انا عندى اربع اساله 1 - ليه انت رئيس بقالك 25 سنه ؟ 2 - لسه معينتش نائب ؟ 3 - ليه ولادك ماسكين كل حاجه فى البلد ؟ 4 - ليه مصر حالتها الاقتصاديه زفت و انت مبتعملش حاجه ؟ ساعتها بالظبط رن جرس الراحه وبعد الراحه رجع الريس وقال احنا كنا فين بقى؟ مين عنده سؤال ؟ ولد صغير تانى رفع ايده فالريس سأله اسمك ايه قاله تامر فقاله سؤالك ايه يا تامر ؟ تامر : انا عندى 6 اساله 1 - ليه انت رئيس بقالك 25 سنه ؟ 2 - لسه معينتش نائب ؟ 3 - ليه ولادك ماسكين كل حاجه فى البلد ؟ 4 - ليه مصر حالتها الاقتصاديه زفت و انت مبتعملش حاجه ؟ 5 - ليه جرس الراحه رن ربع ساعه بدرى ؟ 6- فين رامى ؟؟؟؟؟؟
__________________
التعديل الأخير تم بواسطة MosTafaFox ; 21-04-2009 الساعة 06:28 AM
|
 |
| الكلمات الدليلية |
| حوادث سيارات, الشاي, اعلانات, اضحك, دحك, فرفش, نكت, كاميرا |
|
|
