وتستمر المهزله ارتفاع سعر الكيا سيراتو هاى لاين لسعر 196 الف بزيادة 10 الف جنيه

[rambo5700]

علي فكره السيراتو هاي لاين كامله بالسعوديه ب87000 ريال لسه سائل عليها النهارده وطبعا الريال سعره قرابة 2جنيه يعني تمنها بالمصري 87000*2=174000جنيه مصري .

[linatrix]

ايه الهبل ده طيب ما انا اروح اجيب واكتفايا ولا فوكاس ولا 30 حاجه انضف و احسن من السيراتو بالسعر ده

[ferrari1500]

يا باشا السيراتو ٢٠١٣ شكل جديد عند الجبر وكيل كيا بالسعودية ب ٧٦ الف ريال اعلى فئة ١٦٠٠ سي سي مش ب ٨٧ وكمان لو كاش تاخدها ب ٧٣ الف ريال لكن بتنزل بدون تبريد وتسخين مقاعد ولا كراسى كهرباء

[ATTRACTIVE]

انا شايف انكم لو ناويين تشترو حاجة بالسعر دا يبقى تفكرو في حاجة زي الاوبل استرا 2013 السيدان او الهاتشباك والعربية مفيش منها غير فئتين بس اول فئة ب 188 الف وتاني فئة ب 220 الف والفرق فتحة سقف كهربية وليدات وكاميرا خلفية بس وعلى الاقل اديك حتركب الماني وب 188 الف مش كوري ب 196 الف ولا ايه يا رجالة ؟
بس انتو عارفين ان السيراتو عجباني في الكماليات بتاعتها جميلة بصراحة بس لو يرجعو للسعر القديم يبقى كدا هما ازكياء عشان الناس عارفة ان بسعر زي دا يقدرو يشترو الماني

[3bd0]

انا رأيي ان اللي بيتحكم في سعر العربيات هما المشترين نفسهم
أكيد الوكيل بيبقى دارس السوق كويس جدا وعارف انه لما يزود السعر هيلاقي "الزبون" اللي هيشتري منه
الموضوع فيه حسابات كتير، وكل واحد دوره يشوف مصلحته فين. الوكيل بيقولك انا مش عاوزك تشتري مني، انا عاوز اللي راسه والف سيف يشتري سيراتو 2013 باي سعر. وانتا في نفس الوقت تقولو يفتح الله عشان انتا عارف ان مصلحتك في مليون عربية غيرها بنفس السعر