العودة   مصر موتورز مجتمع السيارات > السيارات الأوروبية > رينو RENAULT > رينو لوجان Logan

رينو لوجان Logan The Dacia Logan is a car produced jointly by the French manufacturer Renault and its subsidiary Dacia of Romania. It is manufactured at Dacia's automobile plant in Mioveni, Romania, in Colombia, Brazil, Russia, Morocco, Iran, India and South Africa. It is also marketed as the Renault Logan, Nissan Aprio or Tondar 90 depending on the existing presence or positioning of the Renault brand.


إضافة رد
 
أدوات الموضوع
  #421  
قديم 06-09-2011, 01:52 AM
falcon89 falcon89 غير متواجد حالياً
 
تاريخ التسجيل: Sep 2011
المشاركات: 12
falcon89 is on a distinguished road
افتراضي رد: كل اللي نفسه في حاجة عن اللوجان يدخل هنا

ممكن أسأل سؤال بايخ معلش يا جماعة .... هو الكرسى الورانى فى اللوجان ممكن يتقفل ويتفتح الصالون ع الشنطة زى ما هو موجود فى بعض العربيات ولا لأ ؟؟
رد مع اقتباس
  #422  
قديم 07-12-2011, 02:21 PM
Neo206 Neo206 غير متواجد حالياً
 
تاريخ التسجيل: Feb 2011
المشاركات: 1,382
Neo206 has a reputation beyond reputeNeo206 has a reputation beyond reputeNeo206 has a reputation beyond reputeNeo206 has a reputation beyond reputeNeo206 has a reputation beyond reputeNeo206 has a reputation beyond reputeNeo206 has a reputation beyond reputeNeo206 has a reputation beyond reputeNeo206 has a reputation beyond reputeNeo206 has a reputation beyond reputeNeo206 has a reputation beyond repute
افتراضي رد: كل اللي نفسه في حاجة عن اللوجان يدخل هنا


المشاركة الأصلية كتبت بواسطة falcon89 مشاهدة المشاركة

ممكن أسأل سؤال بايخ معلش يا جماعة .... هو الكرسى الورانى فى اللوجان ممكن يتقفل ويتفتح الصالون ع الشنطة زى ما هو موجود فى بعض العربيات ولا لأ ؟؟
لا لا أعتقد ان ده موجود فى اللوجان
رد مع اقتباس
  #423  
قديم 09-12-2011, 06:56 PM
ELAHLAWY69 ELAHLAWY69 غير متواجد حالياً
 
تاريخ التسجيل: Nov 2010
المشاركات: 8
ELAHLAWY69 will become famous soon enough
افتراضي رد: كل اللي نفسه في حاجة عن اللوجان يدخل هنا


المشاركة الأصلية كتبت بواسطة flashfox مشاهدة المشاركة

طبعا العربية دي بقت لغز الموسم هي عربية زي اي عربية ليها مميزات وعيوب بس الصراحة كل عيوبها بتنتهي بعد التلين وده نظرا لضغط الطلبات عليها و مع اول صيانة 5000كم

و انا حجزت واحدة من التوكيل و الاستلام شهر 12!!

نبدأ اولا التصميم الخارجي كومباكت وشكله كلاسيك و جميل جدا

وهي من الداخل فيها مساحة رهيييييييييييييبة بجد
ما يلي هو سرد لتفاصيل السيارة...و كما تعرفون...الصور أبلغ طريقة لإيضاح الإشياء
1. السيارة من الخارج

تتميز السيارة بخطوط بسيطة...واضحة المعالم بدون تعقيد أو محاولة لإثبات عبقرية التصميم كعادة سيارات رينو...t
من الأمام:





من الجانب:


من الخلف:
يمكن ملاحظة شريط الكروم أسفل الشنطة...و هو متوافر في الفول أوبشن فقط





المرايات الجانبية:


جنوط حديد بطاسات...و كاوتش 185 15


لمبة الستوب:


با يوجد توربيدو (البلاستيك الأسود) خلف الكابوت تحت المساحات (كما بالصورة):

.تانك البنزين...فتجه من الخارج:


وهذه مفاتيح السيارة....واحد مزود بريموت كنترول لفتح و غلق السيارة عن بعد...و الأخر بدون..
مع العلم ان ان المفاتيح مشفرة..أي لا يمكن عمل نسخ منها إلا بالرجوع إلى التوكيل أو أحد المتخصصين...
و مع العلم أيضاً ان الريموت متوافر في الفول أوبشن فقط


2. السيارة من الداخل:



تتميز السيارة بالوسع الشديد سواء في المنطقة الامامية أو الخلفية أو الشنطة...
التابلوه و العدادات و الكونصوال الأوسط يتميزوا بالبساطة في التصميم...مع عدم إغفال إضافة بعض التكنولوجيا الحديثة
الخامات الداخلية مقبولة إلي حد كبير...و تتفوق علي الفيرنا و اللانوس بدرجة كبيرة...من حيث جودة الخامات و التشطيب..
نبدأ بأهم جزء بالسيارة...و هو الجزء الخاص بمالكها و سائقها....مقعد القيادة...
وضعية القيادة كانت غريبة بالنسبة لي...كنت حاسس اني مرتفع جداً...لكن أعتقد الكرسي كان مرفوع...لأن به خاصية تعديل إرتفاعه...وجدت عيب إخر تتفوق فيه سيارتي البيكانتو بشدة...وهو مساحة الزجاج الامامي...حيث انها كانت ضيقة و غير مريحة في بداية الامر...لكن مع التعود أصبح كل شئ جيداً

عجلة القيادة و تحتوي علي إيرباج للسائق:







العدادات:
الخلفية البيضاء و شاشة المعلومات في الفول أوبشن فقط
عدادت البنزين و الحرارة...ديجيتال في شاشة المعلومات


دعونا نلقي نظرة علي وظائف كومبيوتر المعلومات:
القائمة الاولي: إستهلاك البنزين باللتر كل 100 كيلومتر

القائمة الثانية: المسافة المتبقية حتي نفاذ البنزين بالتنك:


القائمة الثالثة: المسافة المقطوعة من بداية الرحلة:


القائمة الرابعة: متوسط السرعة:


القائمة الخامسة..كم لتر بنزين مستخدم منذ بدء الرحلة:

القائمة السادسة و الأخيرة: عداد الكيلومتر الاساسي:


منظر عام للعدادات أثناء الليل:

زراع المساحات...و به زر التحكم بوظائف الكومبيوتر:



زراع الإشارات و التحكم في الفوج لايت الامامي و الخلفي...و لمفاجأتي...به زر الكلاكس (حيث لا يوجد كلاكس بالدركسيون)


مفتاح التحكم في إرتفاع النور الامامي....و الطريف انه لا يعتمد علي موتور في الفانوس مثل باقي السيارات...لكن يعتمد علي واير زي بتاع فرامل العجل وعلي فكرة الكشاف بجد بيخلي اللي قدامك يشوف مترين



ننتقل إلى الكنصول الأوسط:

فتحات التكييف:



سي دي بلاو بونكت..أوديو فقط بدون إم بي 3...لكن صوته محترم و نقي جداً...و بسيط للغاية في الإستخدام...أهم ما يميزه ان لون خلفيته و الزراير الخاصة به...نفس لون الثيم العام للسيارة و هو البرتقالي
يوجد بالسيارة عدد 4 سماعات..2 بالإبواب الأمامية...و إثنين في الرف الخلفي...قايمين بالواجب و زيادة


وحدة التحكم ببعض وظائف السيارة (من اليمين)
1- الزجاج الكهربائي الأييمن
2- مفتاح غلق و فتح السنتر
3- مفتاح الإنتظار
4- سخان الزجاج الخلفي
5- الزجاج الكهربائي الأيسر

لوحة التحكم بالتكييف:
منطقة للأكواب و بها طفاية متحركة حسب الحاجة:




عصا الفتيس:



زرار التحكم بالمرايات الكهرباء
و زر منع فتح الزجاج الكهربائي
www.**********.net


الزجاج الكهربائي الخلفي:

<table class="ncode_imageresizer _warning" id="ncode_imageresizer_wa rning_3" width="360"><tbody><tr><t d class="td1" width="20">[IMG]http://www.**********.net/Nile/images/statusicon/wol_error.gif[/IMG]</td><td class="td2" unselectable="on">Click this bar to view the full image.</td></tr></tbody></table>






هذا مكان تخزين ظريف بالتابلوه...ممكن إستخدامه للمناديل...


و ده درج التابلوه...مضاء و في أخره يوجد فيشة الكومبيوتر الخاص بالسيارة مغطاه بغطاء بلاستيكي:


ننتقل الأن لسقف السيارة...حيث يوجد جراب ظريف للنظارة:



الشماسة اليمنى..بها مراية...أما الخاصة بالسائق...فبدون:


تنجيد الكراسي و الخامة ممتازين...و مبتعرقش السواق زي باقي السيارات
نوع التنجيد ده في الفول أوبشن فقط:




شكل بطانة الباب...و هي في رأيي جميلة جداً:
اللون الفضي في جميع أجزاء المقصورة موجود فقط في الفول أوبشن ةهنا جه الجمال في ان الاكرة الباب من جوة هي هي الميجان 2





عتب السيارة رينو (في الفول أوبشن فقط)


مساحة الأرجل بالكنبة...ممتازة عن حق...لاحظوا ان كرسي السائق راجع علي أخره...و قعدت علي الكنبة كانت مريحة جداً و الكرسي بالكاد يلمس ركبتي...العربية ممكن تشيل 3 مستريحين قوي و ممكن 4 بس مزنقين شوية..


<table class="ncode_imageresizer _warning" id="ncode_imageresizer_wa rning_4" width="360"><tbody><tr><t d class="td1" width="20">[IMG]http://www.**********.net/Nile/images/statusicon/wol_error.gif[/IMG]</td><td class="td2" unselectable="on">Click this bar to view the full image.</td></tr></tbody></table>


مساند الرأس الخلفية:


الشنطة: ممكن أفرش و انام فيها...510 لتر



العدة: مثبتة علي جانب الشنطة:


<table class="ncode_imageresizer _warning" id="ncode_imageresizer_wa rning_5" width="360"><tbody><tr><t d class="td1" width="20">[IMG]http://www.**********.net/Nile/images/statusicon/wol_error.gif[/IMG]</td><td class="td2" unselectable="on">Click this bar to view the full image.</td></tr></tbody></table>


الإستبن...نفس الماركة و المقاس ميشلان صناعة روماني



3. غرفة المحرك
منظمة بعناية و تقفيلها جيد...



غطاء المحرك:



بطارية جافة ماركة تيودور...بترخيص من رينو:





4-تقييم مبدئي

ملحوظة: بالطبع هذا ليس الحكم النهائي على أداء السيارة...لعدم تعاملي معها بالشكل الكافي و نظراً لعدم وصولها لل3000 كيلو...و هي في رأي المسافة الكافية لتليين السيارة بشكل كامل...لذلك...ما يلي هو مجرد تقييم مبدئي مبني علي قيادة داخل البلد و على طريق سريع لمسافة 50 كيلو متر...و بالطبع قد تتغير وجهة نظري في بعض الأشياء مع مرور الوقت

المحرك

نبدأ ندور العربية...نسمع صوت المحرك و هو عالي بشكل ملحوظ...يعني العربية دي مش من العربيات اللي تبقى قاعد فيها و مش عارف إذا كانت دايرة ولا لأ...بالعكس...صوته -وإن كان خافت- لكنه ملحوظ....

ندي الغيار الاول و نبتدي نتحرك...طبعاً لم أتجاوز ال3000 لفة نظراً ان السيارة لم تكن قد تخطت ال 250 كيلو بعد...و بالتالي لم أجد تسارع مبهر

الغياراين الأول و الثاني تشعر من خلالهم ان صوت الموتور عالي و خشن...لكن يتضائل هذا الشعور بمجرد تعدي سرعة ال 50 كيلو/ساعة...و مع الغيار الثالث و ما بعده

رغم ان المحرك هو نفسه الموجود في الميجان 1...لكن أشعر انه أكثر خشونة منه...نظراً لخبرتي بالميجان 1 لمدة حوالي 6 شهور ...

بالتأكيد سوف يتحسن أداء المحرك و يهدأ بشكل كبير مع مرور الوقت...لذلك لست قلقاً من هذا الشأن لان معظم المشاكل بالتليين

إستهلاك البنزين ممتاز...إلى الأن...الإستهلاك 8.3 لتر لل100 كيلو داخل البلد...و ده رقم جميل بالنسبة لل 1600 في التليين لسه
الفرامل وبرة البلد (الطرق المفتوحة)بتسحب 5.4 لتر لكل 100 كيلو متر ودة طبعا يجعلها خارج المنافسة لان مافيش عربية بتسحب كدة لا لانوس ولا فيرنا!!

فرامل السيارة كانت غريبة في بادئ الأمر...لازم تدوس عليها جامد عشان تديك القوة اللي انت عايزها...مش من لمسة واحدة زي ما انا متعود في البيكانتو...لأ لازم تدوس و تدوس...الكلام ده جوه البلد...لكن على الطريق أداءها سريع و إستجابتها كويسة...و أكيد بعد الصيانة الأداء هايتحسن او بعد التلين

العفشة

من أجمل الأشياء في هذه السيارة هي عفشتها...فعلاً مش مصدقها لحد الآن...لكم ان تتخيلوا ان السيارة أنعم من السكودا أوكتافيا و الجولف 5 و الماتريكس و البيكانتو و الفيرنا و النوبيرا و اللانوس...(انا سايق العربيات دي لمدة طويلة عشان مبقاش بفتي)...و صدقوني السيارة في نفس مستوى نعومة التويوتا كورولا 2005 (العربية دي سافرت بيها عشان مبقاش بفتي برضو)

صوت العفشة متدني للغاية مهما كان عنف النقرة أو المطب...نفس الكلام بالنسبة لتعامل المساعدين و السوست مع المطبات...تشعر انك محمول علي وسادة من ريش النعام او وسادة هوائية...إنفصال تام عن الأرض سواء صوتياً أو إنفعالياً...

في نفس الوقت...العفشة مصممة لأسوء أنواع الطرق...لأن اللي مايعرفش رومانيا (البلد الأم)...تعتبر من أسوء الطرق في العالم و العربية دي متصممة ليهم و لدول العالم الثالث المعروف عن طرقهم انها غير أدمية...عشان كده كان لازم يصمموا العربية للتوافق مع طبيعة هذه الطرق

فقط تأكد انك قمت بتقليل الضغط داخل الإطارات بعد إستلام السيارة...لأن أول مرة سوقتها كرهت نفسي و جالي إرتجاج في العمود الفقري...

الثبات

معقول جداً و أكثر مما أحتاج في عربية بالحجم و السعر ده....هي مش ممتازة في الغرز و المناورات السريعة اوي...لكنها بالأساس سيارة عائلية مش للغرز و التنطيط... و لو نظرنا لمنافساتها لن يكونوا أفضل حالاً بدرجة كبيرة

لكن...السيارة في الطرق الطوالي و القيادة المعتدلة علي سرعة....راسية جداً بدون أي توتر أو إنفعال...مهما كانت حالة الطريق غير مستقرة...عفشتها الناعمة تعطيك الثقة و الأمان..

من الأخر...ثباتها مرضي جداً بالنسبة لي...مش منتظر أكثر من كده

أدوات القيادة

الدركسيون تقل عن اللانوس لكن طبعا بعد كده هايخف...لكن على الطريق السريع مخلي العربية ثابته و مش بتلعب

دواسة البنزين...فيها حاجة غريبة جداً و دي لاحظنها في عربيتين لوجان عندنا...زنة الموتور محسوسة فيها و كأن الدواسة مربوطة في الموتور و بتنقل كل الزنة بتاعت لرجليك...و ده شئ مزعج و غير مريح لكل اللي تعودوا علي العربيات الهادية زي 406 و الميجان

دواسة الفرامل...كما تحدثنا عنها من قبل

دواسة الدبرياج...من أنعم دواسات الدبرياج اللي ضغط عليها في حياتي...مافيش أي مجهود مبذول من ناحيتي عشان أدوس عليها...لكن يعيبها ان لازم تضغط لأخر الدواسة عشان تعرف تنقل...غير كده هاتسمع زعيق التروس...عكس معظم السيارات...نقطة الفصل بتبقى عند نص الدواسة كده

عصا الفتيس...مسكته جميلة و سلس جداً في نقلاته...لم أشعر بأي خشونة أو صعوبة في النقل...يعيبه فقط الإهتزاز مثل السيارات القديمة على السلانسيه...

الكشافات الامامية بتاعتها حكاية كاشفالك الطريق قدامك بشكل مش طبيعي يعني انا على طريق القطامية اللي هو ضلمة كحل في بعض المناطق و بالعربية التاني بولع العالي و الواطي و الضباب و نور الموبايل و الجزمة اللي بتنور و بردو مببقاش شايف كويس اما مع دي فما شاء الله الله اكبر مشغلتش العالي غير مرتين 2 بس و للحظات مش اكثر

ملاحظات أخرى

أماكن زراير الزجاج الكهربائي غريبة و غير مريحة في بادئ الامر...لان كل اللي موجود الزراير في الباب و بعد 4 مرات بالظبط إيديك هتتعود عليه

الكلاكس صوته مزعج جداً جداً...و عامل زي بتاع الأجرة...هو عالي ودة راي كل الناس
كرسي السائق يتم تعديل إرتفاعه بطريقة غريبة جداً...زي كراسي المكتب...دراع ترفعه من تحت و بثقلك تنزله لتحت أو ترفع نفسك عشان يترفع معاك......

قفلة الباب محترمة جداً و مكتومة...مافيش صوت باب تلاجه أو باب الحمام...
مستوى الرؤية في الخلف صعب...و ده نظراً لإرتفاع الشنطة...ممكن تركيب باركينج سنسور...هايحل الأزمة دي و دي مش مشكلة و بتتحل مع ركنتين تلاتة

الكاسيت كما ذكرت قبل كده...صوته ممتاز و إستقبال الراديو رائع بدون الحاجة إلى تركيب الإريال

دبرياجها مريح جدا خصوصا اني جربتو في الزحمة

العربية ناعمة جدا جدا و مريحة جدا و وسعها مش طبيعي

العربية تحس و انت سايقها انها عاوزة تطير فعلا انا مكنتش عاوز اققرص عليها علشان لسة جديدة بقى و بتاع و التليين و كدة بس فعلا ال 3 rpm دي بتيجي في لحظةو اضطر انقل و هي لسة عندها استعداد تكمل


تكيفها راااائع و محستش بفرق في السحب بتاع العربية

صوت الاشارات بتاعتها بقى حلو قوي و مميز مش زي صوت الاشارات اللي في كل العربيات اللي ينرفز لو فضلت شغالة شوية
التقييم المبدئي (النهائي)

انا مقتنع بهذه السيارة بنسبة 100%...هي سيارة تجمع بين الكماليات و العملية و الإسم و القوة و النعومة و السعر في باقة واحدة متكاملة...

بالسعر و الإمكانيات دي و خصوصاً مع الحملية الإعلانية المروجة لها...المنافسين هايجدوا صعوبة كبيرة في التصدي لها و الوقوف أمامها



_________________________ ________________________
هذه كل الصور التي إستطعت ان ألتقطها للوجان...أرجو ان تنال إعجابكم و ان تكون أعطيتكم فكرة عن ماذا تبدو تلك السيارة و التي تعتبر في وجه نظري الحصان الرابح في تلك الفئة السعرية خلال الفترة القادمة...

نيجي بقي للتوكيل و قطع الغيار
طبعا بتبقي ضمان لكل 100.000كم او 3 سنين

اولا مبيخدوش منك مليم لصيانة ال1000و3000و5000كم ودة بيبقي عبارة عن تغيير زيوت وبعض السيور

والاسعار اللي احنا كلنا شفناها علي النت مش صح لان اللي قارن قارن بين اسعار اللوجان في التوكيل و اسعار قطع اللانوس او الفيرنا خارج التوكيل ودة طبعا غير عادل للوجان ولكن قطع غيارها اصلا من غير جمارك و عليها 12% ضريبة مبيعات يعني تقريبا مكتسحة جميع منافسيها

نيجي لصيانة ال 1000كم ودي بتبقي ب500ج او في الحدود دي لاني سالت من 3 شهور علي الموضوع دة

وطبعا علي الاوبشن دة و السعر انا من راي انها قنبلة الموسم لعشاق الرينو وكل اللي عاوزين يمتلكوا عربية عليها القيمة بجد


نيجي لبعض العيوب اللي كله فاكر انها عيوب بجد
اولاحرارة بسيطة تحت رجل السواق و ظبطتها باني خليت التكيف يطلع من الهوايات بتاعت الرجلين و الهويات العادية
ثانياالمراية اللي في النص رؤيتها مش قد كدة حاسس انها مش كاشفة الدنيا ورايا كويس ودي مع التعود و شوية ضبط تبقي تمام
ثالثاصوت الموتور عالي نسبيا لكن مش دبابة يعني عادي

رابعا الكلاكس بتاعها صوته مزعج جدا و كنت مشفق على الناس اللي قدامي لما كنت بضربوا تحس انو بيزعق


متهيئلي ان كل دة مش مشاكل خالص ودة من وجهة نظري



منقـــــــول
ممكن نستحدم بنزين 80 للوجان ارجو الرد وشكرا
رد مع اقتباس
  #424  
قديم 19-01-2012, 02:37 AM
eng-ahmed eng-ahmed غير متواجد حالياً
 
تاريخ التسجيل: Jan 2012
المشاركات: 29
eng-ahmed is just really niceeng-ahmed is just really niceeng-ahmed is just really niceeng-ahmed is just really nice
افتراضي رد: كل اللي نفسه في حاجة عن اللوجان يدخل هنا

فيه عندى مشكلتين : 1 - صوت الموتور فيه كركرة .
2 - العفشة ناشفة و بحس بالمطبات و النقر .

افيدونى افادكم الله

شكرا
رد مع اقتباس
  #425  
قديم 23-01-2012, 11:52 PM
الصورة الرمزية ابوعاصم83
ابوعاصم83 ابوعاصم83 غير متواجد حالياً
من انا؟: مواليد 1983 من محافظة اسيوط اعمل الان بجامعة الفيوم
 
تاريخ التسجيل: Oct 2010
الموقع: الفيوم
المشاركات: 134
ابوعاصم83 is a name known to allابوعاصم83 is a name known to allابوعاصم83 is a name known to allابوعاصم83 is a name known to allابوعاصم83 is a name known to allابوعاصم83 is a name known to all
افتراضي رد: كل اللي نفسه في حاجة عن اللوجان يدخل هنا

اخوانى الاعزاء

دخلت الموضوع ده لاستعيد ذكرياتى مع لوجانتى الجميلة لانى بعتها من شهر بسبب ازمة مالية

احب احكى قصة عن تجربتى مع لوجان قد تكون طويلة لكن سوف احاول تغطية بعض الانتقادات والسلبيات التى وجهت الى اللوجان، من خلال عرض تجربتى فى تسعة شهور

وسوف اشير الى بعض السلبيات التى شكها منها بعض الاعضاء وتحتها تجربتى، وقبلها سوف اضع بعض القواعد عند التقييم على السيارة قبل البدء

*** سوف تجدون هذا الموضوع فى صفحات اخرى فى المنتدى

****أننى لست خبير فى السيارات لكنى كان عندى لانوس لفترة واشتريت اللوجان زيرو

***أن السيارة سعرها من 68 الف الى 72 الف يعنى اى حد عايز يقارنها يقارنها بسيارات فى الفئة السعرية بتعاعتها يبقى معانا تقريبا (لانوس- فيرنا- اسبرنزا m11- ساجا- اسبرنزا 516- افيو مانيوال اول فئة وهكذا ......

*** العربية لما تلين من الزيرو فترة تليين اللوجان فى الكتالوج 3000 كم والسرعات لاتزيد عن 90 كم ويفضل 70 كم /الساعة فى تلك الفترة، ومدد السواقة يفضل ان تكون داخل البلد علشان تستخدم كل حاجة غى السيارة يعنى جميع الغيارات والدورانات بالدريكسون والمارشدير وهكذا

*** أن السيارة الى حد ما حديثة الانتشار فى السوق المصرى

*** أن اسم رينو اسم له دلالة فى السوق العالمى حتى لو مقترن بسيارة ب 72 الف جنيه

وهذه بعض ارائى فى السيارة

يشكو البعض من ارتفاع صوت الموتور

أرى: معظم السيارات الاوروبية تمتاز بهذه الصفة

يشكو البعض عضة فى الفتيس

بالفعل حدث مع البعض ذلك وخاصة فى الغيار الاول والمارشدير والسبب فى ذلك ان دبرياج اللوجان لازم تتغط عليه فى الاخر علشان ياخذ معاك بالاضافة اننا مجرد ما بنطلع بالعربية بندى الغيار التانى وبذلك الغيار الاول لا يستخدم كثيرا واللى كان عندهم المشكلة دى قالولى انها انتهت بعد فترة كل واحد بيدى سبب لانتهاؤه لكن اعتقد انها فترة التليين (3000كم)
يشكو البعض من نشفان العفشة

بصراحة دى حاجة غريبة قد لا اكون مبالغ ان قلت ان عفشة اللوجان انعم من الكيا سيراتو وانا ركبت الاتنين داخل المدينة فى المطبات والحوارى فى الفيوم لو حد من حضراتكم من الفيوم وينصح بالنيتروجين لتعبة الاطارات مع نعومة العفشة هتحس بفرق كبير لكن ادى لنفسك فرصة علشان تقارن العفشة بعربية (فى نفس سعرها) امشى فى شارع واركب عربية تانية فى نفس الشارع ولو بالسيراتو والله هتحس بالفرق
يشكك البعض فى ثبات العربية

انا عن نفسى فى اول سفرية على طريق اسيوط جبت بيها 165 كم والله ما حسيت باى حاجة رغم انى فى مرة كنت مسافر وكان عدادى 120 عربية فيرنا عدتنى ركزت معاها لقيت بتعوم قدامى

يشكو البعض من التكييف

ودى حاجة غريبة جدا التكييف انا كنت بشغله من شهر 5 الى شهر 9 ولا مرة دورت العربية الا لما شغلته حتى وانا واقف فى الاشارات لدرجة انى كنت فى شهر رمضان بنزل اشغل التكييف وهى واقفة فبل المغرب من شدة الحر، بالاضافة ان فيه واحد صاحبى لوجاناوى كان بشكو من حاجة بسيطة فقالى بالهزار يعنى هو انا اشتريت تكييف ب 69الف( سعر العربية وقتها) لشدة البرودة فى التكييف.
يشكك البعض صاج العربية
برضه غريبة جدا لان سماكة الصاج فى العربية دى اقوى من الافيو نفسها وتصدقوا اقوى من الاكسنت والاكسنت آر بى وغيرهم ودى معلومة اخذتها من تقارير اجنبية مش فاكرها دلوقتى لما كنت بقارن بين النيو اكسنت والافيو واللوجان
وعن تجربتى انا خبطنى اكصدام حديد بتاع ربع نقل والله يا دوب ريح مكان لمسة العربية فى حين ان خبطة شبيها فى الافيو لواحد اعرفه دخلتله الباب كله جوه العربية ومعاها اجزاء من الرفرف
يشكو البعض من ارتفاع الار بى ام وارتفاع صوت الموتور

اعتقد ده سببه ان صاحب العربية ما ادهاش فرصة كافة للتليين وبيقرص على البنزين من غير ما يدى الغيار المناسب
يشكو البعض من الوكيل

انا مستغرب انصح بالفروع الرئيسية الفرع اللى قدام القلعة كنت بروحه ... بصراحة احترام غير عادى ورد على كافة الاستفسارات وضيافة للعملاء وبلاش تروح المراكز المعتمدة ياريت الفرع الرئيسى

فى النهاية اقدر اقول بعض المزايا فى العربية دى
  • السعر تنافسى جدا
  • اتساع رهيب فى الشنطة
  • الكنبة اللى ورا بتشيل معايا بجد اربعة رفيعيييييين او ثلاثة تخااااااااااااااان جدا ومسافة كافية جدا لفرد الرجلين
  • وضعية الكرسى مريحة جدا للظهر وخاصة الكنبة اللى ورا
  • صاج فى العربية قوى
  • ثبات غير عادى على السرعات حتى 165 كم
  • جنوط 15 ودى ميزة قوية تساعد على الثبات
  • شكل مقبول وغير تقليدى
  • علامة تجارية مرموقة عالميا
  • عوامل امان عالية (مرايات كبيرة- 5 حزام امان- ايرباج- قفل ابواب للاطفال_ .. ...)
اسوء حاجة فى العربية هو سعر اعادة البيع انا بعت العربية ب 55الف كانت عاملة 15 الف كم بس كان فيها تاثير حادث رهيب لكن ان شاء الله بعد انتشارها هتمسك سعرها

فى النهاية
انا والله نفسى اشترى العربية دى تانى لكن هستنى لشهر 6 لما تنزل تعديلا العربية لانى سمعت ان مفاتيح الزجاج هتبقى فى الابواب والكلكس هيبقى الطارة ومعاه بعض ازرار التحكم
والله دى عربية هايلة فى سعرها المتاح

وأسفعلى الاطالة
رد مع اقتباس
إضافة رد

الكلمات الدليلية
2010, 323, 504, للرينو, لانوس, مسلم, مصر, أوتوماتيك, موتور, مقارنة, مقاس, اللوجان, التو, البنزين, البطاقة, الي, الجي, الجيل الجديد, السرعة, رينو لوجان, مراكز خدمة وصيانة سيارات

أدوات الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع

 MasrMotors غير مسؤول عن أي اتفاق تجاري أو تعاوني بين الأعضاء
التعليقات المنشورة لا تعبر عن رأي MasrMotors ولا نتحمل أي مسؤولية قانونية حيال ذلك ويتحمل كاتبها مسؤولية النشر


الساعة الآن 10:56 AM.


Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017