كل اللي نفسه في حاجة عن اللوجان يدخل هنا

[SPACEEVIL]

السلام عليكم ورحمة الله وبركاته

عندى إستفسار آخر قراءة عداد للسرعة عندى وانا على النقلة الرابعة 80 وبعد كدة صوت الموتور بيبقى عالى اوى وده بيخلينى انقل على الخامس وعلى النقلة الخامسة القراءة بتبقى 140 كم اخرها هل هذا طبيعى ولا إيه بالظبط؟ ممكن حد يفيدنى فى الموضوع ده؟
وعندى ملاحظة تانية أنا رحت لمحطة بنزين وعملت غسيل للسيارة وتشحيم وكله تمام وبس بعد ما مشيت بالسيارة شوية ظهر صوت فى المساعد الشمال الأمامى عند المطبات يا ترى ممكن يكون إيه اللى حصل؟ علشان مش عايز اروح لأى حد علشان ميتفلسفش عليا وطلعلى حاجة تانية ويكبر لى الموضوع لو سمحتوا ساعدونى فى المشكلة دى لأنها مضايقانى ولكم جزيل الشكر.

[auto5truck]

المشاركة الأصلية كتبت بواسطة SPACEEVIL السلام عليكم ورحمة الله وبركاته عندى إستفسار آخر قراءة عداد للسرعة عندى وانا على النقلة الرابعة 80 وبعد كدة صوت الموتور بيبقى عالى اوى وده بيخلينى انقل على الخامس وعلى النقلة الخامسة القراءة بتبقى 140 كم اخرها هل هذا طبيعى ولا إيه بالظبط؟ ممكن حد يفيدنى فى الموضوع ده؟

هى عربية حضرتك مش فيها عداد بيان عدد لفات المحرك RPM؟
و بيكون كام لما بتسمع صوت المحرك عالى؟

[motor x]

المشاركة الأصلية كتبت بواسطة ringoo عمر ما فى صانع سيارات حديثة حيكتبها فى الكتالوج بشكل مباشر انسى لكن فى نفس الوقت اللى مكتوب فى الكتالوج انك تمشى بهدوء وماتعليش عدد لفات الماتور فى اول عدد كيلوات حتى يصل الماتور الى درجة حرارته الطبيعية وبعد كدة تبدأ تقود السيارة قيادة طبيعية يبقى فهمنا ايه من الكلام دة .. ان الصانع بيقولك سخن العربية بس بيقولها بشكل غير مباشر يعنى هو عايزك تمشى بالعربية بدون حمل لحد ما الماتور يوصل لدرجة الحرارة الطبيعية والكلام دة مكتوب فى الكتالوج ......................... ... احسن حاجة مع اللوجان انك تدور وفى خلال 1.5 دقيقة وانت بتظبط مرايتك وحزامك بيكون عداد الحرارة شرتطين وتبدأ تتحرك وتمشى عادى بالعربية مافيش دقيقة ونص وحتلاقى عداد الحرارة بقى اربع شرط ودى درجة الحرارة الطبيعية لماتور اللوجان وانطلق يا باشا ......................... ... على فكرة بردو دقيقة ونص دى لو انت مثلا راكن العربية من بلليل للصبح والماتور بارد لكن لو راكنها ساعتين مثلا حتدور وتطلع من غير اى تسخين وساعتها بيكون عداد الحرارة شرتطين ارجو ان اكون قد وضحت طريقة عمل عداد حرارة اللوجان زى الشيف رينو ما قال

شكرا انت كده وضحتهالى يبقى انا كنت فاهمها غلط بقى

[ringoo]

المشاركة الأصلية كتبت بواسطة SPACEEVIL السلام عليكم ورحمة الله وبركاته عندى إستفسار آخر قراءة عداد للسرعة عندى وانا على النقلة الرابعة 80 وبعد كدة صوت الموتور بيبقى عالى اوى وده بيخلينى انقل على الخامس وعلى النقلة الخامسة القراءة بتبقى 140 كم اخرها هل هذا طبيعى ولا إيه بالظبط؟ ممكن حد يفيدنى فى الموضوع ده؟ ر.

طبيعى طبعا .. استنى بس حقولك طبيعى ليه
اولا انت عامل كام الف كيلو
ثانيا والمهم على اعتبار انك خلصت تليين ... طول ما انت بتنقل على النقلة الخامسة على سرعة 80 دى اسمها قيادة هادئة جدا والقايدة الهادئة باستمرار دى مش صحية للماتور بالذات فى اول عمره طيب حتعمل ايه
......................... ......
اول حاجة تعملها تطلع على طريق سريع وممهد وتعمل الاتى
1- تصل الى سرعة 70 على النقلة التانية (مالكش دعوة بصوت الماتور)
2- تصل الى سرعة 100 على النقلة التالتة (مالكش دعوة بصوت الماتور)
3- تصل الى سرعة 135 على النقلة الرابعة (مالكش دعوة بصوت الماتور)
4- انقل خامس وجيب دواسة البنزين الارض وسيب العربية تجيب اعلى سرعة ليها
5- حتكرر الموضوع تانى بس حتزود فى كل نقلة 5 كيلو على الساعة يعنى على سبيل المثال النقلة التانية 75 ك/س والخامس مفتوح على اد ما تقدر
6- حتكرر البند رقم 5 لتالت مرة وبردو حتزود فى كل نقلة 5 ك/س على سبيل المثال 80 ك/س للنقلة التانية وطبعا باقى النقلات نفس الوضع
طيب ايه اللى حتستفاده من الموضوع دة :-
1- السحب حيتحسن بشكل ملحوظ جدا .. حتلاحظ بنفسك انطلاقة العربية من الثبات وتحسن كبير فى طلوع الراضى العالية زى المطلعيات
2- انخفاض صوت الماتور وصوته حيتحول الى النغمة المحبوبة فى السيارات اللى هو الصوت المكتوم
3- حتصل الى سرعات عالية بسهولة ودة نتيجة ثقتك فى العربية ومعرفت نقاط القوة وامتى عربيتك بتطلع اعلى عزم فى كل نقلة

مافيش اى خطورة من اى نوع فى انك تفتح ماتور عربيتك بالذات فى اول عمره وهو لسة بخيره حتفرق معاك جدا
......................... .....
الاهم بقى من رينجو واهم من الماتور واهم من الدنيا كلها سلامتك يعنى تعمل الموضوع دة فى طريق انت حافظه كويس ويكون طريق فاضى ودى انا حسيبهالك ومش حعطيك امثلة ليها

وعندى ملاحظة تانية أنا رحت لمحطة بنزين وعملت غسيل للسيارة وتشحيم وكله تمام وبس بعد ما مشيت بالسيارة شوية ظهر صوت فى المساعد الشمال الأمامى عند المطبات يا ترى ممكن يكون إيه اللى حصل؟ علشان مش عايز اروح لأى حد علشان ميتفلسفش عليا وطلعلى حاجة تانية ويكبر لى الموضوع لو سمحتوا ساعدونى فى المشكلة دى لأنها مضايقانى ولكم جزيل الشك

موضوع الاصوات دة صعب تحديده لان الصوت صعب يتوصف لكن بيتسمع بالاضافة ان مش شرط يكون الصوت طالع من المساعد على حسب تشخيصك ممكن يطلع من حاجات تانية كتير وماتقلقش ان شاء الله بسيطة وقولهم عليها فى الصيانة

[ringoo]

المشاركة الأصلية كتبت بواسطة motor x شكرا انت كده وضحتهالى يبقى انا كنت فاهمها غلط بقى

العفو تحت امرك