مقارنة بين قطع غيار اللانوس و اللوجـان

[sherifabden]

المشاركة الأصلية كتبت بواسطة doctor A مشكوووووووووووووور على التعب ........الموضوع بصراحه متعب جدااا ..و مقلق جدااا كمان ...انا حاسس ان ناس كتيييييييييييييير جدا وانا منهم عينيها على اللوجان و مميزاتها و كل حاجه ...بس كل لما تيجى فكرة ان ادور على قطعة غيار مش الاقيها وقت زنقه ...او الاقيها بسعر عالى جدا ...الواحد يكش شويه ! ...ولو على قد قطعه ااغيار ماشى اهى فلوس وتترمى ..لكن ان العربيه يحصلها مشكله !! فجأه ! و ملاقيش حد ينفعنى ميكانيكى او كهربا !! ده بيعمل رعب .....اضافه كمان ان لو فرضنا وجود الصنايعى ..الخوف من الخروج من الضمااااان فى اول 3 سنين هايخلى الواحد يعمل كل حاجه فى التوكيل غصب عنه ( لان ببساطه لو طلع فيه عيب صناعه محدش هاينفعك ....اه نظام الضمان كده فى كل السيارات بس فى اللوجان مفيش حاجه ولا صنايعى بره التوكيل و خاصه لو مش من سكان القاهرة و الاسكندريه )

ياباشا مين قال كده
انا اعرف ميكانيكية في سوهاج متخصصين رينو
شوف كلمة متخصصين دي
يعني اساتذة في الرينو
دا غير ان قطع غيار للوجان انتشرت في سوهاج باسعار رخيصة وانتا اصلا لوجبت العربية هتقع معاك مش اقل من 3 سنين من غير ما تفتح الكبوت

[doctor A]

شكرا شكرا يا باشا ...ربنا يطمنك ...الواحد كتير بيحتاج دعم معنوى كده فى الموضوع ده !! و مش بنلاقى غيركم تساعدونا فى كده ...لحسن اماكن كتير و ناس كتير بتحسسنا ان لما الواحد يشترى اللوجان يبقى بيعمل زى اسماعيل يس فى مستشفى المجانين ..لما قال له المجنون اطلع اعمل السقف بالفرشه و لما طلع فوووق قال له :: امسك كويس بقى لحسن هاشيل السلم ..الواحد يشترى و يتشعلق فى السقف من غير سلم ...شكررررررررررررررررا

[sehsss]

المشاركة الأصلية كتبت بواسطة yahiaashraf الاسعار اللى انا كونت كاتبها فى الرابط المذكور للوجان دى من داخل التوكيل بالنسبه لاسعار اللوجان والانوس فى الموضوع هنا منقوووووووووووووووووووووو وله مش انا اللى كاتبها

ماهو أنا قلتلك قبل كده إنك تتأكد من الأرقام والمعلومات قبل ما تنقلها