|
ثورة الحرية 25 يناير ساحة ثورة الحرية 25 يناير تحوى كل الموضوعات المتعلقة باﻷحداث التى مرت و تمر بها مصر الغالية منذ هذا اليوم و حتى اﻵن ... و هى ساحة الحوار السياسى الراقى و المسئول |
مشاهدة نتائج الإستطلاع: هل توافق على تولي الدكتور البرادعي رئاسة الوزراء بدلا من عصام شرف لفتره انتقاليه ؟ | |||
خضرا | 50 | 35.71% | |
صفرا | 6 | 4.29% | |
حمرا | 84 | 60.00% | |
المصوتون: 140. أنت لم تصوت في هذا الإستطلاع |
|
أدوات الموضوع |
#31
|
|||
|
|||
رد: حمرا يا برادعي
فعلا وجهه نظر في محلها ..... يعني بالبلدي كده اش تعمل الماشطه في الوش العكر .... صحيح نجيب ليه واحد عنده خبره وشغل مناصب دوليه حساسه اثبت فيها كفاءه و نجاح لدرجه انه تم انتخابه مدير لوكاله الطاقه الذريه باغلبيه ( 33 صوت من 34 ) و تم اعاده انتخابه مرتين متتالييتين وقبلها كان المستشار القانوني للوكاله ... ده غير عمله بالامم المتحده و موقفه الواضح من مؤامره امريكا ضد العراق والكلام ده كله موثق ... يعني مفيش حد جاب حاجه عنه تثبت انه ماسوني علماني مجوز بنته لنصراني متأمر عميل ... لكن احنا اجدع بلد في الخرافات و كل تحليلاته اللي قالها في مصر سواء قبل او بعد الثوره طلعت في محلها يبقى الرجل ده بيفهم فعلا و عنده بعد نظر و خبره دوليه .... لكن الكلام ده ينفع بره عندهم هناك مش هنا .... مصر مش بتاعت خبرات وشهادات و الكلام ده .... مصر عايزه واحد .... بيشرب بيريل واحد اتربى في مصر و اشتغل فيها و تشبع بالنظام المصري العظيم واختلط بالشعب المصري وشرب من نيلها و اكل من مسرطناتها و شم زبالتها المحروقه ... فعملت له دماغ متكلفه قش رز و كبد متليف و رئه مسدوده وكلى عطلانه فيحس بالناس ويعمل من اجلهم ... و يتكلم بلسانهم ويبص بعينيهم و يفكر زيهم وبالتالي حمرا يا برادعي .... :w6w200504112252216 1 مش كده برضو انا عارف ان في ناس كتيره معترضه على البرادعي ... لكن بحس ان الغالبيه مش مستريحه للشخصيه والبعض معلوماته مغلوطه او متشبع بحملات التشويه طبعا مفيش مجال اننا نتكلم عن ارائه و افكاره اللي المفروض ان اللي موافق عليه او معترض عليه بنا رأيه على اساسها .... لكن بخصوص الموضوع وانه عايز يرشق في اي منصب .... كان الاسهل له يركب الموجه و يجتمع من كام يوم مع المرشحين المحتملين للرئاسه و يطلع يقول كلمتين من اللي بيعجبوا الناس ... لكن الرجل وضح موقفه في منتهى البساطه ... انه معترض على انتخاب الرئيس مع او قبل الدستور .... فلو كان عبده مشتاق فعلا كان مصدق يضم صوته للعوا والصباحي وحازم ابو اسماعيل و عمرو موسى ... خصوصا انهم يعتبروا اقوى المرشحين حاليا ... ويطالب بسرعه انتخابات الرئيس طبعا كل واحد حر في رأيه ... و .. القلب و ما يريد لكن انا بحاول اكون رأي موضوعي عن كل المرشحين من خلال اطروحاتهم ومناظراتهم ويمكن من قناعتي الحاليه بالبرادعي .... واختياري للون الاخضر لكن وارد جدا ساعه الانتخابات اختار مرشح تاني .... خصوصا اني مش متوقع له حصد نسبه كافيه من الاصوات ... بالعكس ... العوام او البسطاء من الناس لن تختار اسم البرادعي بسبب انخفاض شعبيته و فقدان الكاريزما ( اللي هي اخر حاجه المفروض نختار على اساسها لكن الكلام ده هناك مش هنا ) والصفوه أو الفئات المثقفه او الاكاديميين اصواتها متفرقه بين المرشحين بدون وجود اسم مسيطر بس للاسف لحد النهارده مسمعتش او شوفت عن البرادعي نقض موضوعي او منطقي غالبا بقابل اعتراضات من نوعيه .... "حمرا يا برادعي "
__________________
من تواضع لله رفعه The ultimate car would be designed by Italians engineered by Germans built by Japanese &
|
#32
|
|||
|
|||
رد: حمرا يا برادعي
الله عليك يا استاذ سامح يسلم فمك
|
#33
|
|||
|
|||
رد: حمرا يا برادعي
1 - اغلب اللي رشحو نفسهم في انتخابات 2005 كانو شخصيات كارتونيه ... وايمن نور الحاصد على المركز التاني شوفنا اللي جراله ... لكن البرادعي قال انا حرشح نفسي في انتخابات الرئاسه 2011 بس بشرط وجود ضمانات مكتوبه بنزاهه العمليه الانتخابيه وتعديل الدستور ... فكان كلامه في الصميم ... واحراج كبير للنظام ... خصوصا انه من شخصيه دوليه لها ثقلها ... تخيل كده نجيب محفوظ او احمد زويل بيتكلموا في مجال تفوقهم و يقولو رأيهم ( البرادعي خريج حقوق و كان مستشار قانوني ... يعني يفهم كويس في الدساتير ) ده غير عمله في الامم المتحده ووكاله الطاقه الذريه ... يعني صوته مسموع والرساله وصلت 2- انتخابات مجلس الشعب ... اقتباس :- "وقبل أنتخابات مجلس الشعب المصرية لعام 2010 دعا دكتور محمد البرادعي قوي المعارضه المصرية المختلفه وعلي رأسها الاخوان المسلمون وحزب الوفد لمقاطعة الانتخابات البرلمانيه بهدف سحب الشرعيه من نظام مبارك والحزب الوطني نظرا للتوقعات بقيام نظام مبارك بتزوير الانتخابات عن طريق تواطيْ قوات الشرطه والبلطجيه كماجرت العاده في الانتخابات السابقه وبلاخص عام 2005 ولكن المعارضه المصرية اصرت علي المشاركه الا انهم قد اتخذوا قرارا بلأنسحاب من الانتخابات بعد الجوله الأولي من الانتخابات حيث فاق التزوير كل التوقعات ولم يحصل الاخوان المسلمون علي اي مقعد علي عكس انتخابات 2005 وكان هذا بسبب سياسة احمد عز امين التنظيم ورجل جمال مبارك في الحزب الوطني باستخدام وسائل وتكتيكات انتخابيه جديده ومبتكره في تزوير الانتخابات ونتيجه لذلك اعلن الاخوان المسلمون وحزب الوفد كل بشكل منفصل انسحابهم من الانتخابات اعتراضا علي التزوير ومن اجل نزع الشرعية البرلمان." ويكيبديا ... وده يعبر انه صاحب رؤيه ثاقبه ومبداء ... خصوصا ان حزب الوفد و الاخوان يعتبروا اقوى جبهتين في المعارضه وقتها .... لكن للاسف استوعبوا النظريه متأخر مع انهم شربوا من نيلها و استحموا في ترعتها .... الخ الخ واحده كمان اشتري 2 وخد التالته مجانا 3- للاسف اعتراضه على الاستفتاء و الاعلان الدستوري والتوهان اللي بقالنا فيه 8 شهور محلك سر ... طلع في محله
__________________
من تواضع لله رفعه The ultimate car would be designed by Italians engineered by Germans built by Japanese &
|
#34
|
|||
|
|||
رد: حمرا يا برادعي
ولو سمحتلي نقطتين هتكلم فيهم باختصار مش معنى ان البلد ف حاله مرزيه ان بقول سيبها تبوظ وبلاش اصلاح ولكن بقول لازم ننسف القديم ونبدا من جديد زي محمد على باني نهضة مصرالحديثه انما اللي انا لامسه من الدكتورالبرادعي وغيره انهم عايزين منصب وخلاص وده رايي لوحدي مفيش مشكله وماحدش فيهم بيطرح حل جذري انما كلها حلول بالكلام ووعود مش هيقدروا يحققوها يااما ميعرفوش البلد كويس او مش مجهزين خططهم هيعملوا ايه مع قوى الظلام النقطه التانيه بس ارجوا ان الكل ياخدها بسعة صدر لو كان العنوان حمرا يا طنطاوي كنتو هتزعلوا وتقولوا لأ كده نقد غير بناء ؟ مش هاقول رد جاهز واستباقي .... كل واحد يرد مع نفسه القصد ان البعض بيزعل لو قلنا كلمه زي دي على البرادعي او غيره من اللي ف نفس تياره ومحدش شفناه زعل على كميه الشتيمه اللي ماليه النت للجيش (مش المجلس العسكري) والشتيمه البذيئه للناس اللي عاوزه استقرار وعاوزه تشوف شغلها وتاكل عيش يقولوا مثلا دي ناس منبطحه وناس خانعه ودول الكلمتين اللي ممكن ننقلهم من سيل الشتيمه طيب منبطح احسن ولا حمرا ..... ؟ حمرا طبعا يبقى ليه الزعل بس ؟ |
#35
|
|||
|
|||
رد: حمرا يا برادعي
عجبتك اوي دي ؟ لن انسى لك هذا الموقف يا عز الدين
|
الكلمات الدليلية |
البرادعي, عصام شرف |
|
|