لية تنتخب الشيخ حازم صلاح ... الجليل

[AbOnOrA]

عودة مرة اخرى

اسمحيلى يا دكتورة انا بدات بالاساس الى حضرتك بنيتى عليه الا وهو اعمال الولاء والبراء فى انتخابات الرئاسة وده فى حد ذاتة كارثة بكل المقاييس

اولا شرعا لا يجوز اننا كعوام ولا حتى طلاب علم اننا نقضى بالولاء والبراء بين مسلمين وبعضهم ولا احنا كمان هنكفر باقى المرشحين ؟؟

ثانياً البراء بيكون من الاعمال مش الاشخاص ء

فإن عصوك فقل إني بريء مما تعملون (216 / الشعراء)

بالعكس الولاء والبراء يتقرب فى التطبيق من المدنية حين يتبراء رسول الله صلى الله علية وسلم من واحد من اخيار الصحابة لرفضة لافعالة

يقول رسول الله صلى الله عليه وسلم :
اللهم إني أبرأ إليك مما صنع خالد (صحيح البخاري)

ثالثا وهو الاهم الشيخ حازم عمرة ما كان امام للمسلمين ولا اظن انه هيكون والامامة والخلافة والبيعة حاجة والانتخابات الرئاسية والفترات الرئاسية المحددة وصلاحيات الرئيس مقارنة بباقى صلاحيات مؤسسات الدولة فى حتة تانية
فايه اللى جاب القلعة جمب البحر

رابعا وهو الاهم ان الشرع والمنطق والتجارب والاصول وكل حاجة بتقول ان مبقاش ينفع نحكم او نختار رئيسنا بناء على اى حاجة غير برنامجة الانتخابى
بجد عيب اوى نرجع نقول الراجل ده اصلة شكله جامد فنختارة ولا اصل الراجل ده شكله بتاع ربنا فنايدة

خلاصة موقفى الشخصى كمصرى مسلم سنى المذهب وسلفى الاعتقاد ارفض ترشح اى شخص بصفة دينية
ومثل هذه الدعوات لها من الاثار السلبية على المجتمع بشكلة المدنى وعلى الدين نفسه مسالب واضرار جمة

بصراحة الكلام بس حتى عن كوارث ومخاطر السير على المنهج ده عايزة مواضيع لوحديها وكلام مينتهيش بس الخلاصة يا جماعة اتقوا الله فى اوطانكم واهليكم ودوروا على من يثبت بحق جدارتة لتحمل المسؤلية

وبعدين هنروح بعيد ليه لا هنبص على ايران ولا اسرائيل ولا تركيا حتى ولا اى دولة فيها سياسة ودين ما عندنا الرئيس المؤمن الراحل انور السادات بتاع دولة العلم والايمان عمل ايه
طلعنا من عصرة بلا علم ولا صناعة ولا حتى زراعة ولا ايمان ولا اخلاق وكرهنا نفسنا وكرهنا العالم كله فينا
وفى الاخر الاسلاميين اللى ايدهم وكانو بيايدوه هما اللى قتلوه

اقوم انتخب واحد علشان مربى دقنة او زى ما بيقولو طالع من بيت ملتزم ديينيا
لا يا سيدى انا عايز اتنتخب واحد طالع من بيت امة رقاصة وابوه بيبيع بانجو بس يتقى الله فينا بجد ويعمل لصالح البلد
الحكم بالاعمال يا ناس مش بالنيات والوحيد اللى ليه يحكم بالنيات هو ربنا سبحانة وتعالى بس
انما احنا كبشر نحكم بالاعمال
وطالما مفيش اعمال يبقى نحكم بجدول اعمال وبخطط ودراسات لما سيتم من اعمال نشوف نقتنع نختار
غير كده تبقى مصر متعلمتش حاجة وعمرنا ما هنكبر ابداء ولا نبقى شعب محترم وناضج

معلش طولت عليكم ويمكن اكون كررت كلامى بصور مختلفة بس علشان اوضح اكتر

[dr.wael7yran]

من اقوال الاستاذ حازم :

1- التنازل عن الشريعة لدرء مخاوف قد تحدث مستقبلا حرام شرعا ، انما التنازل التكتيكي لدرء مخاوف موجودة على الارض الان هو من عين الحكمة الاسلامية ..

2- تطبيق الشريعة الاسلامية يخضع الى مدى استطاعة المجتمع المصري تحمله عملا بالحديث الشريف من رأى منكم منكرا فليغيره بيده فان لم يستطع..... و هو يعني انه قد لا يستطيع تطبيق الشريعة و لكنه لابد و ان يحاول

3- من مكنه الله في شيئ فانه لا يستطيع ان يرفض هذا التمكين لأنه خائف ان يفشل فيما كلفه الله به ... بل عليه ان يتحمل مسئوليته و ان يثق بالله سبحانه و تعالى و بوعوده

4- ليس تقديس الاشخاص من الاسلام في شيئ ... موش عشان انا بتكلم حلو في الدين و بقول قال الله و قال الرسول يبقى تسيبيني بدون محاسبة

5- علينا ان نصنع نحن تاريخنا الان .. و ان نختار بين ان تكون الشريعة الاسلامية و تقوى الله هى اول اولوياتنا او ان تكون في ذيل القائمة

6- على رئيس مصر المقبل ان يكون واضحا وطنيا محبا مخلصا .. و ان يكون واضح الاتجاهات و المعالم ..لاننا قضينا عقودا نحاول ارضاء كل الاطراف فخسرنا كل شيئ ..

كلام جميل و يدخل القلب فورا بس
اللي انا اعرفه ..
اسلامي
ليبرالي
عسكري
فحلقي

لازم يقولي هيعملي ايه ..هيعمل ايه في مستشفيات وزراة الصحة اللي لو عندك كلب بتكرهه موش هترضى تعالجه فيها .. هيعمل ايه في تعليم عقيم خلانا مفضوحين في كل جامعات العالم..هيعمل ايه و ايه و ايه .. و لو فشل انا اللي هروح اعلقه بنفسي في ميدان التحرير..
بس برده ده لا يمنع انه ارفضه لمجرد انه عايز يحكم بشرع الله ...
انا رأي نستنى و نشوف .. و نسمع و نركز ..
و ناخد بالنا .. انه احنا ..جيلنا ده ..كل الشباب الجدع اللى في المنتدى هنا ..عندنا فرصة تاريخية انه احنا اللي نغير مستقبل البلد ده ..انا و انت و انتي و كل واحد فينا ..
يبقى نختار اللي فيه مصلحة ديننا و دنيانا.....
والله الموفق
و تقبلوا سلامي جميعا..

[romioromio]

المشاركة الأصلية كتبت بواسطة AboNoRa عودة مرة اخرى اسمحيلى يا دكتورة انا بدات بالاساس الى حضرتك بنيتى عليه الا وهو اعمال الولاء والبراء فى انتخابات الرئاسة وده فى حد ذاتة كارثة بكل المقاييس اولا شرعا لا يجوز اننا كعوام ولا حتى طلاب علم اننا نقضى بالولاء والبراء بين مسلمين وبعضهم ولا احنا كمان هنكفر باقى المرشحين ؟؟ ثانياً البراء بيكون من الاعمال مش الاشخاص ء فإن عصوك فقل إني بريء مما تعملون (216 / الشعراء) بالعكس الولاء والبراء يتقرب فى التطبيق من المدنية حين يتبراء رسول الله صلى الله علية وسلم من واحد من اخيار الصحابة لرفضة لافعالة يقول رسول الله صلى الله عليه وسلم : اللهم إني أبرأ إليك مما صنع خالد (صحيح البخاري) ثالثا وهو الاهم الشيخ حازم عمرة ما كان امام للمسلمين ولا اظن انه هيكون والامامة والخلافة والبيعة حاجة والانتخابات الرئاسية والفترات الرئاسية المحددة وصلاحيات الرئيس مقارنة بباقى صلاحيات مؤسسات الدولة فى حتة تانية فايه اللى جاب القلعة جمب البحر رابعا وهو الاهم ان الشرع والمنطق والتجارب والاصول وكل حاجة بتقول ان مبقاش ينفع نحكم او نختار رئيسنا بناء على اى حاجة غير برنامجة الانتخابى بجد عيب اوى نرجع نقول الراجل ده اصلة شكله جامد فنختارة ولا اصل الراجل ده شكله بتاع ربنا فنايدة خلاصة موقفى الشخصى كمصرى مسلم سنى المذهب وسلفى الاعتقاد ارفض ترشح اى شخص بصفة دينية ومثل هذه الدعوات لها من الاثار السلبية على المجتمع بشكلة المدنى وعلى الدين نفسه مسالب واضرار جمة بصراحة الكلام بس حتى عن كوارث ومخاطر السير على المنهج ده عايزة مواضيع لوحديها وكلام مينتهيش بس الخلاصة يا جماعة اتقوا الله فى اوطانكم واهليكم ودوروا على من يثبت بحق جدارتة لتحمل المسؤلية وبعدين هنروح بعيد ليه لا هنبص على ايران ولا اسرائيل ولا تركيا حتى ولا اى دولة فيها سياسة ودين ما عندنا الرئيس المؤمن الراحل انور السادات بتاع دولة العلم والايمان عمل ايه طلعنا من عصرة بلا علم ولا صناعة ولا حتى زراعة ولا ايمان ولا اخلاق وكرهنا نفسنا وكرهنا العالم كله فينا وفى الاخر الاسلاميين اللى ايدهم وكانو بيايدوه هما اللى قتلوه اقوم انتخب واحد علشان مربى دقنة او زى ما بيقولو طالع من بيت ملتزم ديينيا لا يا سيدى انا عايز اتنتخب واحد طالع من بيت امة رقاصة وابوه بيبيع بانجو بس يتقى الله فينا بجد ويعمل لصالح البلد الحكم بالاعمال يا ناس مش بالنيات والوحيد اللى ليه يحكم بالنيات هو ربنا سبحانة وتعالى بس انما احنا كبشر نحكم بالاعمال وطالما مفيش اعمال يبقى نحكم بجدول اعمال وبخطط ودراسات لما سيتم من اعمال نشوف نقتنع نختار غير كده تبقى مصر متعلمتش حاجة وعمرنا ما هنكبر ابداء ولا نبقى شعب محترم وناضج معلش طولت عليكم ويمكن اكون كررت كلامى بصور مختلفة بس علشان اوضح اكتر

ابو نورا

[NASERELFHHAM]

نعم لمرشحنا الاستاذ الشيخ

حازم صلاح أبو إسماعيل

كلما استمعت إلى الأستاذ حازم صلاح أبو إسماعيل ,
وأسمع حديثه في وسط زخم الكلام عن الاقتصاد وإعادة هيكلته ,
ومؤسسية الدولة , ومشاكل الدولة والحلول التي يطرحها ,
أجده أيضا يتحدث عن أن الشعب يحتاج بجوار الرؤية المنقذة ,
والبرنامج الواضح , يحتاج إلى قلوب رحيمة تشفق على هذا الشعب البسيط ,
أتعجب لهذا الكلام !, إذ ليس كل رؤساء الدول الناجحة هكذا

حقا إن العمل في حملة حازم أبو إسماعيل , ليس مجرد عمل سياسي جاف ,
ولكن عمل خيري نرجوا منه رحمة الناس ,
والخير لهم والحفاظ على إنسانيتهم وصون كرامتهم


وان كنت مؤيدا أو معارضا لهذا الرجل فتعالى لنتعرف عليه اكثر

من خلال موقعه


http://www.hazemsalah.net/Home.aspx

[MmFFoR]

الرد ده حيكون مجمع للعديد من التعليقات:

1- مبدأ الولاء و البراء لو لم يتم تطبيقه في انتخابات لاخيار ولي امرنا حيبقى فين يعني

و توضيح ليه: يعني واحد اعلن انه ضد منع الخمور و الدعارة و شواطيء العراه - او واحد اعلن ان مرجعيته علمانيه و قمت بالتصويت له - طبعا انا متحمل لذنب كل شخص اذنب بسبب قرارات هذا الحاكم لاني شاركت في اختياره
و بالمثل للحاكم المسلم الذي سيمنع معصيه - انا رابح لاجر منع المعصية

2- كيا سيفيا و غيره ذكروا اننا نراجع التاريخ عندما حكم الدين الدولة و في هذا توجهين - اسلامي
- غير اسلامي

الاسلامي : منذ عهد النبي عندما حكم الدين الدولة ساد العدل و المساواة و قل الفقراء و قويت الدولة و توسعت و انتشرت و احترمتنا كل الشعوب و هابتنا منذ عهد النبي و مرورا بالخلفاء الراشدين ثم الدولة الاموية و العباسية و العثمانية و لم نذق الذل و التخلف و الرجعية و الهوان اللا عندما تركنا الدين و قلنا ان الدين ملهوش دعوة بالسياسة و الحكم و من ساعتها بتاخد على قفانا صح و بعد ما كان العلماء من اقصى بقاع الدنيا يتوجهوا للاندلس و بغداد و دمشق لينهلوا من علوم الفلك و الرياضيات و الطبيعة و الفيزياء
اصبحوا يأتوا الينا من اجل شواطيء العراه رخيصة الثمن و اصبحنا نحن من نتوجه اليهم لنتعلم...

ده هو التاريخ اللي انا درسته و اللا ايه يا اساتذه ؟

نتوجه للشق التاني: الحضارات الغير اسلامية: عندما حكمت اليهودية لفترة قصيرة ساد الظلم و القتل بغير حق و الطغيان و هذا نراه في اسرائيل حاليا بوضوح
و السبب ببساطة لانهم حرفوا دينهم على هواهم و لم يبقى منه اللا دين ممسوخ ما انزل الله به من سلطان

النصرانية عندما حكمت بالدين - قام القساوسة بتحريف الدين لتركيز كل الصلاحيات في ايديهم - و قاموا ببيع صكوك الغفران لمن يمتلك المال!!!! و كان هناك اجتماع سنوي للباباوية للنظر في الانجيل و حذف ما لا يلقى قبول بين الجماهير و اضافة ما يرون انه قد يجذب المزيد من الناس للدين - و استمر هذا الاجتماع حتى اربعة قرون مضت!! حكم الدين في القرون الوسطى - قتل النساء بتهمة الشعوذة ( و في كثير من الاحيان كان الاتهام من زوج يرغب في امراة اخرى - او امرءه على خلاف مع اخرى ) - الحروب الصليبية و ما حدث بها من عمليات قتل جماعي للمسلمين من نساء و اطفال ( لان الدين الذي قامت عليه ما هو اللا احكام وضعية من قبل بشر )
تحريم العلوم بكل انواعها و اعدام علماء الكيمياء و الاحياء و الفلك بتهمة السحر!!!
انتشار الامراض و الاوبئة و عدم وجود طبيب لعلاجها لانه القساوسة يرون ان المرض من ارادة الله و محاولة علاجه هو رفض لارادة الرب!!! و هو ما حدث من تحريمهم للطلاق!!! بقولهم ما يجمعه الرب لا يفرقه العبد

ادى هذا الكبت و الاحتقان الفكري البشع الى خلق البروتستانتية اولا في محاولة لايصال فكرة ان العبادة تكون بين العبد و ربه ( توجه علماني) و ثم قبل الحرب العالمية الاولى ثارت الشعوب على الكنيسة الكاثوليكية و الارثوذكسية حابسة اياها في كنائسها و اديرتها بكل الترهات التي قام قساوستها بخلقها و من حينها انطلقت ثورة صناعية و علمية هائلة في الغرب!!!

مثالين1- المسلمون كانوا بحكم الدين فنجحوا و تقدموا و عندما تركوه انتكسوا
2- الغرب و غيره كانوا بحكم الدين فانتكسوا و عندما تركوه تقدموا و نجحوا!!!


هذا هو التاريخ

ارمي بدلوك