ايه راى الناس فى 6 ابريل وفى البرادعى

[MmFFoR]

عملية لم يتم الاعلان عنها يبقى اسمها اصدار سينمائي من شئون الدعم المعنوي للافراد في الجيش و ليس لها مكان على ارض الواقع

دي بتبقى اشاعات بينشروها بين قوات الجيش علشان يحببوكوا في القيادة السياسية (مبارك سابقا ) و يقنعوكوا انه وطني و بطيخ

لكن للاسف لو تمت حتى عملية محدوده جدا تسببت في اصابات طفيفة اسرائيل كانت حتفضحنا على رؤووس الاشهاد و ذلك لان الاعلام في ايديهم و بيحققوا كل مكاسبهم السياسية عن طريق البروباجاندا

[MmFFoR]

المشاركة الأصلية كتبت بواسطة Ahmed Anwer طيب الناس بتقولكم متصدقوناش زي مأتنبح صوتنا طظ في 6 ابريل ، طظ في البرادعي ، طظ في اي حد في البلد (( بقولها من ورا قلبي )) بس مالكومشي دعوة بيهم كل واحد يجاوب بعقله و ضميره فقط علي الأسئلة المنقولة التالية و هوا يحكم بنفسه ،، عايزين تعيشوا أحرار في بلد حديثة متقدمة و لا عايزين تفضلوا عبيد بتأكلوا أكل مسرطن و تشربوا مياه ملوثة و كرامتك مهددة في أي لحظة بالإهدار بس أهو نفس داخل و خارج و خلاص لو مش عشانكم عشان أولادكم و الأجيال القادمة نرجو الإجابة عن جميع الأسئلة التالية إلى الشعب المصرى فى أسرع وقت»، المجموعة الاولى موجهة إلى المجلس العسكري .. وابقوا قابلوني لو لقيتوا إجابة «أكمل الفراغات التالية» 1- «ميعاد فتح باب الترشح لانتخابات مجلس الشعب هو......، 2- ميعاد إجراء انتخابات مجلس الشعب هو.....، 3- ميعاد فتح باب الترشح لانتخابات الرئاسة هو......، 4- ميعاد إجراء انتخابات الرئاسة هو......، 5- ميعاد تشكيل لجنة صياغة الدستور الجديد هو.......، 6- ميعاد الاستفتاء على الدستور الجديد هو.....». المجموعة الثانية : للشعب المصري الغلبان اللي ساب الثورة في وسط الشارع لوحدها وروح بيته يستريح وياخد شاور فكان شوية عساكر ماشيين في الشارع فلقوها واقفة لوحدها راحوا واخدينها «علل» 1- «انفراد المجلس الأعلى بوضع جميع القوانين والتشريعات دون استشارة القوى السياسية 2- استمرار محاكمة المدنيين عسكرياً رغم عودة الشرطة والقضاء والنيابة بكامل قوتها 3- عدم وضوح الرؤية فيما يتعلق بإدارة المرحلة وغياب جدول زمنى لتسليم السلطة 4- وجود بعض المسؤولين الموالين للنظام السابق من كارهى الثورة فى مناصبهم إلى الآن 5- عدم تفعيل قانون الغدر لمنع من سبق تزويرهم الانتخابات من المشاركة فيها 6- بطء التجاوب مع مطالب استقلال القضاء وعدم معرفة موقف المجلس منها 7- عدم حدوث أى إصلاحات جذرية بوزارة الداخلية

ده اللي صوتي اتنبح في قوله - و قالوا عليا عميل و ابريل و برسيل و برادعي !!!!!

انا حاسس جدا بقول الله عز و جل " {فَاسْتَخَفَّ قَوْمَهُ فَأَطَاعُوهُ إِنَّهُمْ كَانُوا قَوْمًا فَاسِقِينَ}" الزخرف 54 حاسس انها لعنه على شعب مصر حيفضل طول عمره فيها!!!

ربنا يتوب عليها من اللي طول عمرهم حيفضلوا يدوروا على فرعون يلعن سلسفين ابوهم

[MmFFoR]

المشاركة الأصلية كتبت بواسطة akefpop تقدر تقولى اسرائيل دوله مدنيه ولا دوله عسكريه اسرائيل تصنف بانها هى الدوله الديموقراطيه الوحيده فالشرق الاوسط بالرغم من ان رؤساء حكوماتها منذ نشأتها الى الان كلهم عسكريين بلا استثناء حتى وزيرة الخارجيه تسيبى ليفنى شغلت عدة مناصب فى وكالة المخابرات الاسرائيليه ( الموساد ) انت مش عايش فاوروبا يا باشا انت جمبك كيان عدوانى اسمه اسرائيل دوله لها ميول استعماريه بتتمنى اليوم اللى انت تضعف فيه عشان تحتلك فكريا وثقافيا قبل ما تحتلك عسكريا الجيش اللى مش عاجب سيادتك ده لحد النهارده عقيدته العسكريه يتم بناءها على ان اسرائيل هى العدو مش اونكل برادعى بتاعك اللى عايزه جيش تشريفات و يحول مهامه الى مكافحة الارهاب وعمليات حفظ السلام وبدل ما اسرائيل تبقى هى العدو ممكن تصحى فيوم وتلاقى خبر فالجرنان عن تدريبات مشتركه بين مصر واسرائيل زى الجيش التركى كده اللى بيعمل تدريبات سنوية مع اسرائيل تركيا اللى قعدوا يطبلوا ليها عشان الحركه الهابله بتاعة سحب السفير ومحدش سال نفسه سؤال بسيط هم سحبوا السفير ليه ؟؟؟ تركيا يا بيه سحبت سفيرها عشان اللى حصل مع السفينه التركيه مرمره من سنتين .. اكررها من سنتين .. وده بعد ما اسرائيل طنشطها واديتها الطرشه ولا حتى قدمت اعتذار .. ولما تركيا شافت اللى حصل مع مصر وازاى اسرائيل جريت واعتذرت من اول لحظة مش زى تركيا اللى حفيت ورا اسرائيل سنتين عشان كلمة اعتذار والسفراء والمبعوثين الامريكيين والاوروبيين اللى جم جرى على مصر عشان منصعدش الامور وعشان كده تم الغاء قرار سحب السفير .. ولما حسيت تركيا انها خدت على قفاها ومحدش عبرها ولا قدم لها اعتذار بالرغم من الهجوم الواضح واعداد القتلى والجرحى على السفينه التركيه مرمره راحت عامله الحركه الهابله بتاعة طرد السفير عشان تحفظ ماء وجهها قدام الشعب التركى .. طيب هل انسحبت تركيا من حلف الناتو الذى يضم اسرائيل عضوا فاعلا به ؟؟؟؟ ويلزم كل الدول الاعضاء الوقوف مع العضو المحارب حال الحرب ضده؟؟؟ طبعا لا وهل طردت تركيا قاعده انجليريك الامريكيه ؟؟ والتى تعتبر مخزن لوجيستى لسلاح الجوى الصهيونى؟؟ طبعا لا تصدق بالله انت اللى زيك خساره فيه كلمة مصرى .. روح يا شاطر لما تبقى تعرف يعنى ايه مصر ومين هى مصر ابقى تعالى اتكلم !!!

انا كنت بقرأ كلامك كله باحترام و بصبر برغم كثرته
و عندي رد على كل كلمه قلتها

لحد ما وصلت لاخر سطرين و شوفت قلة الادب و الاخلاق و انعدام ادب الحوار و التحضر

لو انا خسارة فيا اني مصري لاني بتناقش بادب و احترام و بعبر عن رأيي يبقى انت خسارة فيك ايه بقى لما تغلط و تقل ادبك على شخص انت ما تعرفهوش و جايز انه يكون احسن منك من كل النواحي!!

و خسارة فيك الرد على تعليقك لانك خسرت حقك في الرد باهانتك الغير مقبوله

[mf]

المشاركة الأصلية كتبت بواسطة mmffor عملية لم يتم الاعلان عنها يبقى اسمها اصدار سينمائي من شئون الدعم المعنوي للافراد في الجيش و ليس لها مكان على ارض الواقع دي بتبقى اشاعات بينشروها بين قوات الجيش علشان يحببوكوا في القيادة السياسية (مبارك سابقا ) و يقنعوكوا انه وطني و بطيخ لكن للاسف لو تمت حتى عملية محدوده جدا تسببت في اصابات طفيفة اسرائيل كانت حتفضحنا على رؤووس الاشهاد و ذلك لان الاعلام في ايديهم و بيحققوا كل مكاسبهم السياسية عن طريق البروباجاندا

عزيزي ...

ليه دايما بتحسسني في كلامك ان ضباط الجيش شويه عيال برياله بينضحك عليهم بشوية كلام ..

وان حضرتك الوحيد اللي مفتح وفاهم المجلس الاعلي علي حقيقته ....

واحب اقول لحضرتك ان اقوي العمليات واشدها تأثيرا لايتم الاعلان عنها سواء من مصر او اسرائيل ...
واؤكد لحضرتك ان عملية "سجنايلات" عملية قيقية وقعت بالفعل وكان لي شرف مقابلة ابطالها بعد عودتهم من تنفيذ العملية ..

تصدق بقي او ماتصدقش دي حاجه ترجع ليك >>>>>> ان مش هحفلك ع المصحف يعني علشان تصدق

[MmFFoR]

معلش يا محمد - ما هو انت كشخص - انا اكن ليك كل الاحترام و التقدير - انت شاب مخلص في عملك و وطني و تتمنى كل الخير لينا كلنا و لبلدك و ده واضح في كلامك
لكن قناعاتك و افكارك السياسية طبعا لازم تكون متأثرة و انعكاس للمؤسسة التي تنتمي اليها
و ده امر طبيعي جدا لا يشكك في نزاهتك ولا اخلاقك
لكن بالضبط زي الطالب دخل مدرسة لغات و علموه منهج امريكي و طالب دخل مدارس ازهري و علموه دراسات اسلامية و لغة عربية. حيبقى ليهم نفس الافكار و المباديء و اللا حتى حيتكلموا نفس اللغه؟