استفسارات الاعضاء فى التامين 2010

[تامين سيارات]

ايوة انا سمعت عنهم بس لسة ما فيش اخبار فى مواضيع التعويض يعنى لسة نسبة المشتركين ضعيفة و همة فى الطريق لعمل محفظة تامينية ليهم لانهم لسة مبتدئين

بس بالخبرة و انا مش بخون حد او اى شركة دة مجرد راى شخصى ان لو عربية فيها تعويض كبير هتبقى مشكلة ليهم ممكن يبقى فية شوية تعسف مش زى الشركات الكبيرة المعروفة فى السوق

لكن نرجع نقول كل شىء و لية بداية لكن لا تقارن بقناة السويس او بمصر للتامين يعنى الحذر واجب اقراء شروط الوثيقة كويس جدااا قبل ما تدفع و ما تعتمدش على الكلام الشفهى و تاكد من نسبة الاستهلاك و نسبة التعويض و كل البنود للوثيقة لكن الشركات الكبيرة وثائقها معروفة و مضمونة

تحياتى ليكم و شكرا ليك corsair و تحياتى ليك

[horas3000]

شوف حضرتك
انا عميل عند AIG (سابقا) CHARTIS (حاليا) من 3 سنوات لما كانت النسبه 4 % مش فاكر جددت السنه اللي فاتت بكام لان والدي اللي خلص الموضوع. مبدايا الشركة محترمة و بتتعامل مع التوكيلات و مراكز خدمه معتمده لكن طبعا المراكز اسهل في التعامل و بتتطلب اجراءات اقل. انا احتكيت بيهم 3 مرات في 3 حوادث 2 صغيرين و دول رحت مركز الخدمة علي طول و هما خلصوا الاجراءات كلها و العربية اتصلحت بدون ما اتدخل اما الحادثة التالته و اللب كانت كبيرة و اتكلفت اكتر من 5000 جنية لذا كان لاوم محضر. غير كده الحمد لله مشتكتش منهم.

ده تجربيتي الشخصية و معنديش فكرة عن الشركة التانية و ممكن حد تاني يفيدك

[theprofessional]

شكرا لك الاعضاء ... بس يا أخ عمرو AIG مش بتطلب محضر شرطة او كانت التكلفة اقل من 5000 جم
كمان البنك مشترط عليا ان اامن قبل الترخيص و AIG ممكن تأمن قبل الترخيص...... وحاجة كمان ان هتبعتلي مهندس يعاين لحد باب البت اصل انا من بنها ..... أعتقد ان قناة السوس اجرائتها اكثر تعقيدا كمان

انا بصراحة مش عارف اذا كانت دي فعلا مميزات ولا كلوا شغال بالنظام دة اصل انا لسة جديد في موضوع النامين دة

[تامين سيارات]

شوف يا استاذى قناة السويس بتطلب محضر ان كانت التكلفة اكثر من 10000 جنية

و ممكن تامن فى قناة السويس بدون معاينة عادى لو بعت مبايعة السيارة فاكس او اسكان على النت و لو السيارة مستعملة نبعت معاين لحد عندك

يا استاذى كل دة موجود فى قناة السويس و فى شركات كثيرة يعنى مش ميزة اوووى و نبعتلك الوثيقة لحد باب بيتك مش مشكلة و معاها جواب سداد الوثيقة

اسال على تعويض الحادث و اجراتة احسن لان دة المهم و الى انت هاتستفيد منة لانك هاتاخد فلوس كل الى فات انت هاتدفع يعنى هايتعملك الى انت عاوزة المهم تعويضك ازاى و الخدمة اية

اقولك نستلم سيارتك من اى مكان فى مصر زى ما تحب و نصلحها و نرجهالك للمكان الى انت عاوزة و تشوف و من حقك تعترض على الشغل و لو عاوز تشوف قطع غيار السيارة اصلى ولا لا قبل ما تركب ماشى عاوز تقعد جنب السيارة و هية بتتصلح ماشى كل الى انت عاوزة موجود سرعة ماشى و مش هاتدفع فلوس تصلح و تمشى

دة كلام اتعمل مع ناس هنا فى المنتدى يعنى واقع و الى مالقاش معيا خدمة كويسة يقول

[viper_x52]

انا عملت حادتة بالعربية و هاصلحها في التوكيل ان شاء الله و مؤمن عليها تبع مصر للتامين و العربية هتتكلف حوالي 5000 جنيه ..... عايز اعرف هاسترد فلوسي في خلال اد ايه ؟؟ و عايز اعرف موضوع الاسترداد بيتم بسهوله ولا في مشاكل؟؟ باريت لو حد جرب يقولي