تقرير عن السيارة المنسية فى مصر Honda city

[hazem_khidr]

المشاركة الأصلية كتبت بواسطة Devill Blood أخى العزيز حازم خضر المنافسة الوحيدة لهذه السيارة هى التويوتا ياريس او نيسان صنى فهل تعتقد إنها ترتقى لمسعة هوندا وترتقى لمميزاتها وقوتها وجمالها,أنا معك أن السيارة عيبها قطع غيارها ولكن لا ننسى إنها هوندا وتايلاند ليست سيئة فى التقفيل أبدا ,ماذا عن التويوتا كورولا تقفيل جنوب افريقيا

معاك في كل كلمه
بس السيتي فئه ال sub compact
و غالبا اصحاب هذه الفئه من الشباب و السيدات و في اغلب الاحوال بتكون عربيه تانيه في البيت
مش العربيه الاساسيه
يعني اللي بيشتريها بيدي اولوليه للعربيه الاولي الكبيره اللي بتنفعه في مشاويره في السفر و التحميل و هكذا
طب لما يحط مبلغ زي دا في عربيه زي السيتي اوك
لكن لما يحتاج فانوس او تتخبط خبطه معقوله و يلاقي التوكيل بيقول مبالغ خياليه(و دا حصل فعلا مع زميل عضو معانا في المنتدي )
و تدور علي قطع غيارها مش بتلاقيها بره التوكيل
يبقي اللي اشتري العربيه دي استفاد ايه؟؟!!!!
حاطط فلوس في عربيه لابنه او لمراته و هو بيصرف عليها في الغالب و بيدفع مبالغ طائله في قطع غيارها و صيانتها
فالاوفر له انه يجيب عربيه معقوله و قطع غيارها اسعارها حلوه و نفس البرستيج
و هو دا التفكير السائد
و مش حنقول ان التجار مش بتجيب قطع الغيار علشان العربيه مش منتشره
لاء
طب ما السيراتو مكنش ليها اسم في السوق قبل الموديل الجديد و بالفعل عملت طفره و كل الناس اشترت من غير ما تبص علي قطع الغيار لان العربيه نازله بسعر مدروس و في وقت كان الياباني مولع نار
و دا لعبه التوكيل المفروض ينزلالعربيه بسعر مناسب لفئتها و قطع غيار اسعارها معقوله و بكده العربيه حتنتشر
و لو نفتكر كلنا ايام ما اللانوس ظهرت في السوق و الكل متخوف منها
كان ابو الفتوح بينزل اسعار قطع الغيار في الاعلانات علشان يطمن المستهلكين ان العربيه علي الرغم من تقدمها آنذاك الا ان اسعار قطع غيارها معقوله و بالفعل ابو الفتوح عمل اسم لدايو كبير جدا و اصبحت سياره شعبيه

[bmkbmk]

المشاركة الأصلية كتبت بواسطة @واحد من الناس@ يعني معلش حد عاقل يروح يشتري التيوتا الكامري ويسيب الدودج التشارجر والإثنين بنفس السعر مع إختلاف الإمكانيات وهو طبعا لصالح الدودج ده حتى الشكل لصالح الدودج بلاش الفئة دي في حد يروح يشتري أوكتافيا ويسيب السفيك ولا السوباروا ولا ولا......ptmnlo123per172 بس تقول إية غير إبتسم أنت في مصر

اسمحلى يا باشا بس أعلق لك على الحتة دى

ليه الناس بتشترى تيوتا كامرى و مش بتشترى الدودج تشارجر ....

صحيح التشارجر موتورها أقوى بكتير و يمكن يكون فيها امكانيات أكتر من الكامرى بس الدودج مشهورة من زمان بكثرة أعطالها و عدم ثباتها ,,, أما الكامرى الناس بتجيبها علشان عربية عمرها طويل و قطع غيارها رخيصة و قلما تعطل و على فكرة بتجرى برده مش بطة يعنى .. هى طبعا مش زى التشارجر بس ماتضايقكش يعنى ...و طبعا التويوتا ماسكة سعرها أما الدودج تجيبها و تنسى انها تجيب لك فلوس بعد كدة لو حبيت تبيع ....
و عموما فى الاخر الناس أذواق يا باشا و ماينفعش تقول على حد غبى و حد ذكى ... لأنه كلو فى الأخر بيجيب عربية ترضيه و حسب احتياجاته.......
مع تعليق أخير ان الاتنين سعرهم فى مصر مبالغ فيه بطريقة غير طبيعية ,,,, 580 الف ... لو انا اللى هجيب هتبقى مرسيدس عيون طبعا بنفس السعر فى مصر ..... أما فى الخليج فاسعر الكامرى و التشارجر ما يوازى من 120 الى 140 الف جنيه و سعر المرسيدس العيون بيبدأ من 320 ألف جنيه .... و هى دى القيمة الحقيقية للعربيات دى .. أقل من نص المرسيدس


ليه الناس بتشترى الاوكتافيا و يسيبوا السيفيك و السوبارو....

يا باشا الاوكتافيا أحسن من السيفيك بمراحل متعددة .. و ده رأيي طبعا و احسن فى الوسع و الثبات و الامكانيات
و اهم حاجة بالنسبة ليا الثبات ..... الهوندا ورقة بعد 120 أما الاوكتافيا معاك لحد 190 زى الوحش ...... و انا سقت الاتنين و عارفهم كويس .........
بس فا برده انا بقول رأيى على حسب احتياجاتى و على حسب الحاجة اللى تريحنى ... انا مايهمنيش النعومة و التجميع بسرعة قد ما يهمنى الثبات.....



و أهلا بيك فى مصر يا باشا

والله تقرير روعه يا ديفيل تسلم يا برنجي وتقبل تحياتي

[@واحد من الناس@]

المشاركة الأصلية كتبت بواسطة bmkbmk .... و هى دى القيمة الحقيقية للعربيات دى .. أقل من نص المرسيدس أنا معاك في دي لأني كنت في الإمارات وعارف الكلام ده وعارف كمان إن دي ليها ناسها ومتطلباتها ودي لها ناس ومتطلبات تانية بس إعذرني ده عندكم أما في مصر مين معاه نص مليون ويضحي ويجيب حاجة عليها علامة تيوتا وكمان فخمتها قريبة من فئات تانية أقل منها في العر وده بفارق كبير طبعا عشان حكاية الجمارك والسي سي يبقي اللي بيجيب عربية بنص مليون متفرقش معاه أعطال أو غلو البنزين أو الكلام ده إلا لو جايبها قسط ههههههه وعموما ياباشا أنا بحترم وجه نظرك برضه بس حاسس إنها تنفع في الخليج أكتر ليه الناس بتشترى الاوكتافيا و يسيبوا السيفيك و السوبارو.... يا باشا الاوكتافيا أحسن من السيفيك بمراحل متعددة .. و ده رأيي طبعا و احسن فى الوسع و الثبات و الامكانيات و اهم حاجة بالنسبة ليا الثبات ..... الهوندا ورقة بعد 120 أما الاوكتافيا معاك لحد 190 زى الوحش ...... و انا سقت الاتنين و عارفهم كويس ......... بس فا برده انا بقول رأيى على حسب احتياجاتى و على حسب الحاجة اللى تريحنى ... انا مايهمنيش النعومة و التجميع بسرعة قد ما يهمنى الثبات..... بص عشان مكدبش عليك أنا مجربتش إلا ال A4 وقارنتها بالسيفك بعد مجربتها بس أنا حاسس إن السيفيك أقوي في الوسع والثبات والشكل الجمالي و النقطه السوداء هي الوحيدة التي تكون لصالح A5 بس فروق بسيطه مش لدرجة ورقه يا راجل أمال الفيرنا والحجات دي تبقى إية _مع إعتذاري لملاك الفيرنا وأنا كنت واحد منهم وعارف إنها ممتازة في فئتها_ قد أكون مخطىء في ذلك بس الهوندا الأكورد أحسن من الإسكودا السوبيرب من ناحيه الإمكانيات والفخامة وتقبل تحياتي يا باشا

الرد بالإقتباس

[eskenderiya]

مع أن السيارة 1500 سىسى ألا إنها تتمتع ب 118 حصان وهذا الرقم ليس سئ أبدا فهى تتفوق على الأوكتافيا والجيتا وسيارات أخرى كثيرة من نفس الفئة

الجيتا فئة اعلى من السيتى بكتير