ما هي اطري انواع الكاوتش

[borio1704]

المشاركة الأصلية كتبت بواسطة محمد زكي تمام خلاص انا متفق معاك جدا قلي بقي لما اروح اجيب كاوتش مهما كان نوعو وعاوزو طري ابص عليه والرقم يكون كام لان الصور الي انت رفها في الرد الاول مش ظهارت معرفش ليه يريت تفدنا وتقلنا نسال عليه ايه بلتحديد في الكاوتش وايه الرقم الي هو طري جدا وبيبقي مكتوب فين في الفرده

بشكل عام... معظم بياعين الكاوتش ميعرفوش الكلام اللي بنتكلم عليه ده... يمكن لو رحت لتوكيل محترم زي شركة النيل بتاعة بردجيستون هتلاقي اللي بيبيعلك واحد فاهم... اسأله: الـ تريد وير كام؟ وهو أكيد هيرد عليك، وهيعرف إنك فاهم.

لو ما رحتش عند توكيل وعايز تشتري من أي واحد بتاع كاوتش.. ممكن تطلب منه تشوف الفردة الأول... واقرا اللي عليها... متهيألي ده حقك... لإنك هتشتري حاجة هتعيش في عربيتك مدة سنتين ثلاتة على الأقل، وليها علاقة أساسية بأمان العربية على الطريق.

رقم التريد وير ده رقم نسبي يختلف من شركة للتانية، بس الفروق مابينهم مش كبيرة

بالنسبة للرقم الطري: حاول إن الرقم ما يزيدش عن 300، وكل ما كان أقل يبقى أطرى


الرقم ده حتلاقيه مكتوب بخط صغير شوية (قريب من مقاس الكاوتش) على جنبين الكاوتش زي كده

TREADWEAR 240

هتلاقي جنبه كمان مستوى تحمل الحرارة (Temperature) وكمان مستوى الالتصاق بالطريق (Traction)





سعر الكاوتش يعتمد على كذا حاجة ... من ضمنها معدل التآكل وطبيعة استخدام فردة الكاوتش

يعني مثلا... الكاوتش اللي أداؤه عالي جدا مؤشر التآكل بتاعه منخفض (يعني رقم الـتريد وير بتاعه قليل)، لإنه عشان يمسك كويس في الأسفلت لازم يبقى طري

العكس حتلاقيه في كاوتش الخدمة الشاقة عشان الفردة تستحمل الشغل وتعيش معاك


آخر حاجة... عايز أفكرك الكاوتش الطري مش هيعيش معاك زي الكاوتش الأنشف منه، فحاول تشتري كاوتش رقمه متوسط مابين 300 و400، وده حيعيش معاك حوالي 5 سنين بدون مشاكل إن شاء الله


يا رب أكون فدتك

[محمد زكي]

المشاركة الأصلية كتبت بواسطة borio1704 بشكل عام... معظم بياعين الكاوتش ميعرفوش الكلام اللي بنتكلم عليه ده... يمكن لو رحت لتوكيل محترم زي شركة النيل بتاعة بردجيستون هتلاقي اللي بيبيعلك واحد فاهم... اسأله: الـ تريد وير كام؟ وهو أكيد هيرد عليك، وهيعرف إنك فاهم. لو ما رحتش عند توكيل وعايز تشتري من أي واحد بتاع كاوتش.. ممكن تطلب منه تشوف الفردة الأول... واقرا اللي عليها... متهيألي ده حقك... لإنك هتشتري حاجة هتعيش في عربيتك مدة سنتين ثلاتة على الأقل، وليها علاقة أساسية بأمان العربية على الطريق. رقم التريد وير ده رقم نسبي يختلف من شركة للتانية، بس الفروق مابينهم مش كبيرة بالنسبة للرقم الطري: حاول إن الرقم ما يزيدش عن 300، وكل ما كان أقل يبقى أطرى الرقم ده حتلاقيه مكتوب بخط صغير شوية (قريب من مقاس الكاوتش) على جنبين الكاوتش زي كده TREADWEAR 240 هتلاقي جنبه كمان مستوى تحمل الحرارة (Temperature) وكمان مستوى الالتصاق بالطريق (Traction) سعر الكاوتش يعتمد على كذا حاجة ... من ضمنها معدل التآكل وطبيعة استخدام فردة الكاوتش يعني مثلا... الكاوتش اللي أداؤه عالي جدا مؤشر التآكل بتاعه منخفض (يعني رقم الـتريد وير بتاعه قليل)، لإنه عشان يمسك كويس في الأسفلت لازم يبقى طري العكس حتلاقيه في كاوتش الخدمة الشاقة عشان الفردة تستحمل الشغل وتعيش معاك آخر حاجة... عايز أفكرك الكاوتش الطري مش هيعيش معاك زي الكاوتش الأنشف منه، فحاول تشتري كاوتش رقمه متوسط مابين 300 و400، وده حيعيش معاك حوالي 5 سنين بدون مشاكل إن شاء الله يا رب أكون فدتك

انا مش عارف ااقلك ايه علي المعلومات دي بجد معلومات مهمه جداااااااا وبجد استفدت منها بجد الف شكر بس انا عايز اعرف حاجه انا ركبت عربيه الكوتش بتعها كانجن لو كان اسمو كده الي في ناس بتقول عليه طري ده المهم بصيت علي التريد وير لان من ساعت ما انت قلتلي وانا كل ما الاقي عربيه ابص علي الكوتش بتعها المهم لقيت التريد وير 520 تقريبا حاجه عليه يعني ورغم اني كنت ماشي في ارض مكسره بس مكنتش سامع صوت التوب خالص هل ممكن يعني يكون عشان العربيه عفشتها حلوه وللعلم هي النترا 2009 او 2010 خاحه كده وشكرا تاني للمعلومات القيمه

[borio1704]

المشاركة الأصلية كتبت بواسطة محمد زكي انا مش عارف ااقلك ايه علي المعلومات دي بجد معلومات مهمه جداااااااا وبجد استفدت منها بجد الف شكر بس انا عايز اعرف حاجه انا ركبت عربيه الكوتش بتعها كانجن لو كان اسمو كده الي في ناس بتقول عليه طري ده المهم بصيت علي التريد وير لان من ساعت ما انت قلتلي وانا كل ما الاقي عربيه ابص علي الكوتش بتعها المهم لقيت التريد وير 520 تقريبا حاجه عليه يعني ورغم اني كنت ماشي في ارض مكسره بس مكنتش سامع صوت التوب خالص هل ممكن يعني يكون عشان العربيه عفشتها حلوه وللعلم هي النترا 2009 او 2010 خاحه كده وشكرا تاني للمعلومات القيمه

بعيد عن نوع الكاوتش... في حاجات تانية تخليك تحس بالمطبات أو لأ

زي إيه؟؟

ضغط الهواء في الإطار
لو ضغط الهواء أقل في حدود الـ5 psi...هتلاقي الكاوتش مبقاش ناشف زي الأول، والعكس صحيح... يعني لو ضغط الهواء عالي عن المفروض هتحس بالمطبات جدا

ضغط الهوا اللي مكتوب على قائم العربية بيطظبط على البارد... يعني العربية ما تكونش اتحركت أكتر من 1 كيلومتر (واحد بس)... بعد كده لو احتجت تظبط الضغط ابقى اظبطه أعلى من المفروض بحوالي 2 أو 3 psi



تاني حاجة... نسبة الارتفاع Aspect Ratio


ودي اللي بتتكتب في مقاس الكاوتش 70 أو 65 أو 60

مثلا: 185/65R14

كل ما الرقم ده صغر هتحس بالمطبات أكتر ، لإن الكاوتش بقى أعرض من ارتفاعه، فالكاوتش مش حيبقى مرن زي المقاس اللي فيه النسبة دي أعلى

[miam0502788391]

borio1704
: 018A1D~146:

[tham1010]

المشاركة الأصلية كتبت بواسطة borio1704 بعيد عن نوع الكاوتش... في حاجات تانية تخليك تحس بالمطبات أو لأ زي إيه؟؟ ضغط الهواء في الإطار لو ضغط الهواء أقل في حدود الـ5 psi...هتلاقي الكاوتش مبقاش ناشف زي الأول، والعكس صحيح... يعني لو ضغط الهواء عالي عن المفروض هتحس بالمطبات جدا ضغط الهوا اللي مكتوب على قائم العربية بيطظبط على البارد... يعني العربية ما تكونش اتحركت أكتر من 1 كيلومتر (واحد بس)... بعد كده لو احتجت تظبط الضغط ابقى اظبطه أعلى من المفروض بحوالي 2 أو 3 psi تاني حاجة... نسبة الارتفاع Aspect Ratio ودي اللي بتتكتب في مقاس الكاوتش 70 أو 65 أو 60 مثلا: 185/65R14 كل ما الرقم ده صغر هتحس بالمطبات أكتر ، لإن الكاوتش بقى أعرض من ارتفاعه، فالكاوتش مش حيبقى مرن زي المقاس اللي فيه النسبة دي أعلى

معلم يا بوريوى وكلام مهم. فى سؤال صغير يعنى ايه 5 psi انا عادة بضبط الضغط على 30 وبكون مشيت شوية كتار بالعربية. لما بركب العربية الصبح بحس ان الفردة بتاع الكوتش مريحة شوية مش همه عن الارض وشدة حلها