خبر عاجل: إعلان شراكة بين كرايسلر و فيات !!

[hazem_khidr]

ربنا يستر
رغم اني مش ببقي متفائل بتحالف فيات مع اي شركه تانيه
لان فيات مش بتعرف تستفيد كويس من التحالفات دي
لكن شكلها كده المرادي محدده هيا عاوزه ايه
و عارفه وضع الشركات دي كويس
....
بس المضحك في الموضوع ان ممكن نلاقي واحد معاه 126 و حاطط علامه جيب علي عربيته هههههه

[فادى]

أعتقد ان هذا الاندماج مهم جدا لكل الشركتين,
فيات بهذه الطريقة تخطو بشكل ثابت نحو قمة المبيعات,
السوق الامريكية سوق كبير و ضخم, و هو حكر على السيارات الامريكية و اليابانية و الكورية و بعض الماركات الاوروبية الفارهة,
عبر كرايزلر تستطيع فيات دخول هذا السوق بسهولة لتنافس تويوتا و هوندا و فولكس, و لتنافس الفاروميو مرسيدس و بى ام و كاديلاك و فولفو,
و السوق الامريكى متعطش لسيارات مثل الفاروميو و فيات و لانسيا, لأنه يمتلىء بموديلات ربما تكون جيدة لكنها سخيفة و غير مبتكرة, و غير ممتعة فى القيادة, خاصة السيارات اليابانية مثل الكورولا و اللانسر و السيفيك, و الكورية مثل الاكسنت, و حتى الألمانية مثل الجيتا.
كلها سيارات سخيفة بلا روح و لا متعة,
فى المقابل تقدم فيات و ألفاروميو سيارات ساخنة لها طابع خاص, مثل البرافو و ال500 و ال159 و الميتو. سيارات لها أداء قريب أو أفضل من فولكس و هوندا و بى ام لكنها أكثر جاذبية.
سوف يجد الأمريكيون أنفسهم امام سيارات جديدة تماما فى مفهومها و طريقة تصميمها, و أدائها,
هذا الى جانب أن فيات أكثر التزاما بمعايير البيئة و الامان الصارمة عن السيارات اليابانية مثلا.
لذا فاننى أتوقع النجاح لهذه السيارات فى الولايات المتحدة, مما سوف يدعم مبيعات فيات عالميا و لا أبالغ لو قلت أنها قد تقفز الى مستوى مبيعات تويوتا و جنرال موتورز و فورد فى فترة وجيزة.
فى المقابل, سوف تستفيد كرايزلر من تكنولوجيا فيات التى تعنى بتوفير الوقود و اقتصادية التشغيل, و خبرة فيات الواسعة فى صناعة السيارات الصغيرة, و سوف تستطيع تقديم خطة عمل منطقية الى الكونجرس الامريكى, و هو شرطهم الأساسى لتقديم المعونة المالية التى طلبتها كرايزلر.
فكرايزلر لا تمتلك خبرة فى انتاج السيارات الكهربائية و لا السيارات المدمجة مثل جنرال موتورز مثلا, لذا فان فيات هى طوق النجاة بالنسبة لها كى تحصل على الدعم الحكومى الذى تسعى اليه.

[mohamed ibiza]

والله يا فادي باشا كلامك فيه نسبة كبيرة صح بس المشكلة ان فيات كانت مع جي ام فترة مش قليلة و معملتش حاجة في سوق امريكا هي دي النقطة اللي فيها كلام فقط انما كلامك صح بنسبة كبيرة و الوقت هيمر و هنشوف اذا كانت فيات هتطلع بفايدة و تنزل ادام تويوتا و فولكس في امريكا ولا مش هتستفيد من الشراكة دي زي ما عملت مع جي ام

و عموما لو نجحت الشراكة هتعود بفايدة علي الشركتين و الفايدة الاكبر هتكون في صالح فيات في رأيي كفاية انها تبقي حطت رجلها في سوق امريكا و ساعتها تشوف احتياجات السوق و طبعا للاسباب اللي حضرتك قلتها من معايير الامان و التصميمات الجذابة و المعايير البيئية ده يدي فيات تفوق كبير علي تويوتا لكن كله يتوقف علي مدي استفادتها من الشراكة دي....

اتمني النجاح لفيات في السوق الامريكي لتعيد مجدها مرة اخري و مبيعاتها توصل للسما و ترحم العالم من تويوتا بقي!!

[sam ram]

بس ممكن عربيات زي الفيات 500 و الفا ميتو تعجب الذوق الامريكي ....
ده يبقى تغيير جذري للعقليه الامريكيه ... العضلات ... الحجم ... المبالغه

[hazem_khidr]

المشاركة الأصلية كتبت بواسطة sam ram بس ممكن عربيات زي الفيات 500 و الفا ميتو تعجب الذوق الامريكي .... ده يبقى تغيير جذري للعقليه الامريكيه ... العضلات ... الحجم ... المبالغه

متهيالي مش هيا دي الفكره يا باشا
يعني هما طبعا مش حينافسوا عربيات زي الموستنج و الكورفيت و الكماروا
لكن مثلا يبقي فيه منافس زي الفارروميو قدام بي ام دبليو
و منافس زي فيات قدام تويوتا و هوندا
و منافس زي ما زيراتري قدام الفئات العاليه من المرسيدس
ماهي عائله فيات كبيره
يجوز هما ناويين علي كده
و بعدين هما مش عاوزين يبيعوا كميه كبيره في الوقت الحالي
لكن يبقوا متواجديد و يبقي ليهم نصيب في الكعكه