اسعار سيارات المعاقين

[ايمن البورسعيدى]

المشاركة الأصلية كتبت بواسطة ha_thewolf استاذ ايمن انا كان قصدي 37 الف بس كله علي بعضه يعني بحساب الراجل اللي جايبه من اسكندريه علشان يكشف عليها و السفر و انا باجر عربيه من اسكندريه اسافر بيها لبورسعيد علشان تريحنا في اللف و التدوير و كمان تكليف تخليص الجمرك و ترخيص العربيه فيعني تقريبا اللي يتبقي 35 الف فكان اللي قدامي هي الماتركس و النوبيرا 2 والصراحه انا كنت ميال للمتركس ولكن الاخ tham1010 نصحني بالنوبيره 2 غير كده كان قايل الاوكتافيا ب 48 الي فوق 50 وكلامه صح الاوكتافيا هناك في حدود فوق 40 الف يعني قول 45 غير كده الجمرك اللي في بورسعيد مشوفتش غير اربع مخازن بس و مفهمش غير ( النترا ماتركس جوليت لانوس نوبيرا ) علي اني كان نفسي في لانسر او نيسان يا ريت لو عندك اي معلومات قلها لي يا استاذ ايمن

هو طبعاً اليابانى أفضل وخصوصاً الهوندا والتويوتا واللانسر لكن حتى لو لقيت مش هتلاقى الحالة اللى فى بالك نصيحة منى قبل ما تشترى دور كتير واتفرج على عربيات كتير وان شاء الله ربنا هيوفقك

[ha_thewolf]

للاسف يا استاذ ايمن هناك مفيش غير الكوري و الاكتافيات و بس
و الاخ tham1010 قالي في ياباني و لكن للاسف فوق 40 الف
بما انك من بورسعيد هو في منافذ بيع تانيه في بورسعيد غير المنطقه الاستثماريه (اللي فيها شركه كريستال و مصانع البطلونات الجينز)

[محمدرمضان السيدنعمان]

هل يوجد كيا برايد العصفورة فى جمرك المعاقين ويريت حد يعرفنى سعرها كام تقريبا

[وليد شحاتة]

هو فيه عربيات من10 الى 15 الف ارجو الرد

[tham1010]

المشاركة الأصلية كتبت بواسطة وليد شحاتة هو فيه عربيات من10 الى 15 الف ارجو الرد

ايوة فى انواع صغيرة زى كيا بريد ولكن بتكون نادرة. لو المبلغ اللى معاك هما ال 15 الف على اقصى تقدير يبقى أستنى شوية لحد ما تجمع مبلغ أكبر. ممكن تشترى من مصر حاجة فى حدود 15 الف زى انواع الفيات المعروفة 132 و 131 و 128 وغيرها... لو عاوز عربيات معاقين من بورسعيد يبقى تعمل حسابك على 20 الف وانت طالع.